هي فتره صعبه معرفش ليه بس كل الناس الي بحبهم بيبعدو عني وكل الناس الي بكرهم و بكره وجودهم في الحياه هم الي موجود حوليا ومهما حاولت اني ابعدهم موجدين حد فاهم أنا بقول اي
السلام عليكم، مش عارفة تقصد إيه بيبعدوا عنك... هل بينشغلوا مثلا مع ظروف الحياة فالتواصل معهم بيقل ولا بيبعدوا تماما وبتنتهي علاقتك بهم؟ هو عموما في الوقت الصعب اللي بنكون محتاجين فيه أي حد جنبنا بنبدأ نركز على غيابهم أكتر، حتى لو لسه على تواصل بس تواصلهم قل بنحس بالغياب ده أكتر، وخاصة لو كنت متعلق بهم. كمان ساعات التعلق الكتير أو الوجود المستمر في حياة شخص بيسبب بعد لاإرادي وأحيانا نفور من ناحيته فراجع علاقتك بهم، هل أنت متواجد باستمرار؟ أنت الوحيد اللي بتسأل وبتهتم؟ *** وكمان لاشعوريا مقاومتك وكرهك لشيء ما أو شخص ممكن تخليه متواجد باستمرار في محيطك. فحاول تخلي علاقاتك بالناس متوازنة، لا تتعلق جدا بالأشخاص اللي بتحبهم ولا تكره بعنف الأشخاص اللي مش بتحبهم. يعني، (أحبب حبيبك هونا ما عسى أن يكون بغيضك يوما ما وأبغض بغيضك هونا ما عسى أن يكون حبيبك يوما ما) ** لا تركز مع الناس اللي بتكرههم، تعامل مع وجودهم بلامبالاة.. خليهم مش فارقين معك يعني، وقتها صدقني مش هتحس بهم ولا بتواجدهم في محيطك حتى لو متواجدين فعلا. ** في الوقت الصعب لا تجعل تركيزك على وجود دعم بشري، قرب أكتر من ربنا واستعن به لتجاوز الوقت الصعب وتوكل عليه، ومش بعيد تلاقي الدعم البشري بعدها من غير ما أنت تطلبه. ربنا ييسر أمورك وتتخطى الفترة الصعبة بسلام.
تم النشر الأحد، ٧ يونيو ٢٠٢٦
بص هما مش بيبعدو بس هي الفكره دلوقت الزمن بقا بيلهي بجد وبيخلي كل واحد ف ساقيه مش بتقف ودا شعور جواك مش اكتر والناس الوحشه انت بوعيك كده وبيقربو وبتحس بتقل لانك بتكرههم زي عندنا امتحان بنحس اليوم مش عايز يخلص ف حين أن لو معانا فرح بتلاقي اليوم خلص ف لمح الهوا
تم النشر الثلاثاء، ٩ يونيو ٢٠٢٦
أنا فاهمة تمامًا اللي بتقوله، وده شعور صعب ومؤلم جدًا. فترات زي دي بتحصل لكتير من الناس، ومش معناها إنك أنت السبب. ركز دلوقتي على نفسك: حاول تبني علاقات صحية جديدة من خلال اهتماماتك أو أنشطة مفيدة، وحدد حدود واضحة مع الناس السلبيين اللي حواليك عشان ما يأثروش عليك. كمان، الاستغفار والدعاء والصبر من أقوى الأمور اللي بتساعد في تخطي الفترات دي إسلاميًا. لو عايز دعم أعمق، شوف خبراء فدني هنا: https://www.fedni.net/experts وابحث عن أسئلة مشابهة على فدني عشان تلاقي إجابات إضافية. أنت مش لوحدك في ده.
تم النشر الأحد، ٧ يونيو ٢٠٢٦
كنت شوفت فيديو يوتيوب لواحد طالع يقول نفس الكلام ده وكان بيقول انه كان دايما شايف انه عادي وهما الي خسروني لما قعد مع نفسه لقي انه هو الشخص التوكسيك ف اقعد مع نفسك شوف لو فيه حاجات ممكن تضايق الي حواليك ابدأ من نفسك الأول
تم النشر الأربعاء، ١٠ يونيو ٢٠٢٦
الدنيا مش كلها ناس كويسه لازم تختلط بالناس الوحشه والكويسه عشان تعرف تتعامل
تم النشر الأربعاء، ١٠ يونيو ٢٠٢٦
🙂انا ال بحبهم بيبعدو
تم النشر الأربعاء، ١٠ يونيو ٢٠٢٦
اتفق مع رأي استاذه فاطمه المهم متكونش انت التوكسيك ، ولو انت مش كده يبقي حط حدود وطلعهم من حياتك احذف رقمهم ، اعمل بلوك لحساباتهم ، لو في حاجه بتجمعكم فالواقع خليك سطحي جدا و قلل كل انواع التواصل
تم النشر الأربعاء، ١٠ يونيو ٢٠٢٦
لو كان خير لبقى ولكنه لم يكن والله يعلم وانتم لا تعلمون
تم النشر الأربعاء، ١٠ يونيو ٢٠٢٦
كل شيء وليه حكمه ، وفي نفس الوقت انت حدد دايرتك ومش لازم يكون فيها ناس مش متقبلهم
تم النشر الثلاثاء، ٩ يونيو ٢٠٢٦
لعرض السؤال في فدني اضغط هنا