إيمان أيمن

افضل حل تروحى لأخصائى أو معالج نفسى دارس ومتخصص علشان يفيدك بجد وحقيقى كام جلسه وهتحسى بالفرق لأنه معتقدين أو تلاته بالكثير هيتعدلوا وحياتك هتظبط أوى

اكيد فيه فروق فرديه ووضحت لحضرتك أن السن لوحده والنضج مش عوامل كافيه للحكم على مناسبه الشخص لحضرتك

اكتبى على جوجل موقع الامانة العامة للصحة النفسية وهتلاقى اللينك واحجزى ولو احتاجتى مساعده ابعتيلى اوضحلك الخطوات بالتفصيل

ومتاح جلسات مجانا على موقع الامانه العامه

ممكن عشرين سنه وتكون ناضجه فكرياً فتكون مناسبه وتحديد كونها مناسبه لحضرتك بيتوقف على عوامل كتيره مش السن والنضج فقط

تواصلى مع طبيب شاطر ومتخصص أفضل من كلام أى شخص تانى

حاولى تستمرى على تمارين التنفس فى الوقت ده ولكن الأفضل التواصل مع متخصص جايز يكون قلق ومحتاج تكنيكات علاجيه معينه فتواصلى مع مختص للاطمئنان

السن أكيد بيفرق للنضج العقلى والجسدى وطبعاً وجود خبرات حياتيه هيساعد أنها تقدر تتحمل مسؤولية وتتصرف بحكمه لكن سن 15 سنه هى ما زالت طفله اتركها تستمتع بحياتها وانتظر من هى قريبه لسنك ونضجك الفكرى ❤️

اسأل نفسك أنا هعمل ده ليه وعلشان استفاد منه ايه بعد ما تكون كتبت كل الحاجات اللى عايز تعملها بعد كده قسم اى هيكون مفيد لحياتك وايه مناسب لمجال شغلى وهيطورنى وبإذن الله تقدر ترتب حياتك وتلم شتات امرك

مقدره حيرتك ومشاعرك اللى بتمر بيها بس ممكن يكون المشكله مش فى الاستمراريه جايز الهدف مش مناسب ليك

جايز يكون ده ناتج عن مواقف فى الطفوله لو صدمه محتاجه اعاده معالجه لسياق الحدث فالافضل تتواصلى مع معالج ولو الماديات مش متاحه اوى تواصل على موقع الامانه العامه متاح جلسات نفسيه مجاناً مع متخصصين

الادمان أيا كان نوعه فهو مرض من طبيعته الانتكاسه وعلى حسب نوع الإدمان بيتحدد طريقه العلاج اللى. وبتختلف من شخص لاخر فتواصل مع مختص أفضل حل

محتاجه تتواصلى مع معالج ضرورى لأن وارد جدا يقلب بوساوس

بتعرض اى مشكله بتواجهك سواء نفسيه اجتماعيه شخصيه ومتخصصين بيردوا عليك

الأحلام اللى بتظهرلنا نتيجه تفكيرنا اللاوعي فعلى حسب أفكارك وانشغالك ومخاوفك بتظهر فى أحلامك فمحتاجه تعملى مراقبه ذاتيه وترصدى الأفكار السلبية ولو معرفتيش تعملى ده الافضل تتواصلى مع معالج نفسى منعا من تفاقم الموضوع لأن على المدى البعيد ده هيأثر على جوده نومك وبالتالى انتاجيتك ف حياتك الشخصية والاجتماعية والمهنية

محتاجه تعملى تشيك اب كامل Vitamin D,Cbc, ونشوف اى ناقص وتعالجيه بالتدريج وكمان خوفك من المستشفى ده اكيد وراه سبب من الطفوله جايز انت مش فكرته حالياً بس محتاجه تعرض تدريجى ونعرف الفكره الرئيسيه اللى هى المسببه للخوف ده ولو الموضع مأثر على حياتك ممكن تتواصلى مع معالج والموضوع ابسط مما تتخيلى

محتاجه تعرفى نفسك أكتر وتزودى ثقتك بنفسك بالإضافة لإنك بالتدريج تتعودى على القراءة وتبنى جسر قوى من الوعى والثقافة وده أكيد هيخليكى تقدرى تتعاملى وتكون موضع اهتمام فى أى جلسه كمان محتاجه تحاوطى نفسك بناس ناجحه تشجعك على ده وتنقى دائرة المعارف والأصدقاء من حولك

جميل جداً بتمنى نقدر ننشر وعى أكبر بأهمية العلاج النفسى خاصةً مع كم الضغوطات النفسية اللى بقت موجوده فى عصرنا الحالى

مقدره جدا شعورك والضغط النفسى والصراع اللى عايش فيه ممكن ده ميكونش وسواس لأن تشخيص الوسواس القهرى ليه أبعاد كتير وأسبابه برضو كتير وهل هو مرض الوسواس ولا اضطراب الشخصيه الوسواسيه هل مأثر على حياتك بشكل كامل ولا ف أجزاء منها ففيه اسئله كتير وتاريخ عائلى بيحدد كل ده والافضل تتواصل مع معالج نفسى لأن من الواضح انك لسه فى الأول خالص علشان الموضوع ميتفاقمش ومتقلقش مش بيستمر معاك للأبد بيتعالح وبترجع كويس من تانى

كل شخص فى الحياه يستاهل فرصه اجهز واتقدملها لأن الإنسان بيندم أنه معملش ،مش أنه عمل والشكل مش مقياس لأنه يخليك تاخد خطوه لورا استعيد ثقتك بنفسك وخد بالاسباب وربنا هيقف جنبك

كويس جدا انك بتحاولى تطبقى حاجه المفروض انها من أساسيات ديننا الإسلامي ولكن محتاجه تتعلمى توكيد الذات وازاى تحطى حدود ومتتجنبيش لأن التجنب عمره ما كان حل ده مجرد هروب مؤقت فالبتدريج اتعلمى المواجهه وخلى عندك حدود واضحه ومبادئ متكسريهاش علشان حد والصح صح مع الكل بلا استثناء

طبيعى جدا تقع لأن ده ادمان سلوكى يعنى عاده خاطئه قابله للتعديل والانتكاسه لابد عنها ولكن محتاج تفهم ان عقلك بيهرب من حاجه هو مش حاببها لحاجه تتعود أنه يحبها فهربت من الضغط ليها فمحتاج تتعلم مهاره اداره الضغوط ولو مقدرتش على ده لوحدك الافضل تتواصل مع معالج نفسى

محتاجه تعرفى انت بتلجأى لده امته لما بتكون زهقانه حاسه بفراغ الدنيا هاديه ومفيش حد معاكى لما هتعرفى التوقيت ده هيفرق جدا معاكى زى مثلا لو فى وقت فراغك يبقى نشغل وقتنا بحاجات مفيده ونتحدى نفسنا لمده 21 يوم ونشوف النتيجه ولووقت ما يكون مفيش حد جنبنا نحاول دائما نتواجد ف مكان فيه ناس مع أن ده مش صح اوى بس حل مؤقت لحد ما نتعلم المراقبه الذاتيه ولكن لو الموضوع تفاقم وخرج عن سيطرتك يبقى المتابعه مع معالج نفسى اكيد أفضل وربنا يعفو عنك يارب

بصى أنا مقدره احساسك وقد اى دى مشكله كبيره بالنسبالك ومعطلاكى عن خطوات كتير ف حياتك بس الموضوع هيفضل كبير طول ما انت مش بتاخدى خطوه علشان يتحل احنا كمعالجيين نفسيين ادربنا على ده كتير وفيه تكنيك علاجى فعال جداً فخدى خطوه واطلبى المساعده