بحب واحدة من تانية ثانوي ودخلت معايا في نفس الكلية وساكنة في نفس المدينة بس هي في ناحية وانا في ناحية المهم عمري ما اعترفتلها طبعا عشان مش بحب ادخل علاقة حرام خصوصا وإن أنا عايز العلاقة دي بالذات لو دخلتها تكون علاقة نضيفة عايز لما اروح اتقدملها اكون بني آدم كامل مش عايز اشوف إني لسه معملتش حاجة ولما بفكر فيها بقول إنها تستحق حد أحسن مني هي ذنبها ايه تضيع كام سنة من عمرها مع واحد لسه وراه جيش ولسه هيشتغل سنة ولا سنتين عشان يقدر يتقدم 🥺😭 المهم انا فضلت قاعد حوالي تسع شهور على ما جيت ادخل الجيش وقبل ما ادخل لقيتها اتخطبت بجد كان إحساس وحش اوي حسيت إن كل حاجة ضاعت مني وإني فقدت مشاعري مش حاسس باللي حواليا بيتكلموا وعادي أنا طول الوقت ساكت مش بضحك مش بهزر مع حد الحمدلله التوقيت كان كويس لإن لما دخلت المركز تدريبي فكيت شوية وقابلت ناس كويسة وخصوصا إن مكانش معايا موبايل فكان الموضوع اشبه إني مش بشوف حياتها وبصيت لحياتي فعلا لكن لما خلصت المركز تدريبي كنت كل فترة والتانية ادخل عندها اشوف العلاقة لسه موجودة ولا لا أنا كنت مستنيها تتجوز عشان أستريح عاوز أقفل على قلبي ومحاولش تاني كنت بدخل عند خطيبها اشوف صفحته ويمكن كنت بدعيلهم والله مع إني كنت بحسده إنها معاه وفعلا كنت بتمنى تتجوزه مهندس ومكانش عنده جيش ومسافر وشكله عسول واكبر منها باربع سنين يعني جاهز ما شاء الله المهم بعد فترة وانا بدخل حسابها لقيتها شالت العلاقة فحسيت إن اتنفست كده فدخلت اسألها على لينك الصراحة فضول أنت مخطوبة ولا لا.. السؤال برده كان في توقيت وحش بجد وانا حسيت نفسي متطفل المفروض هي اكيد اتعلقت بيه وزمانها مجروحة المهم بعد فترة من بوستاتها فهمت انها فركشت وبتحاول تتخطى يعني المهم دخلت الاستوري عندها بالغلط مرة وظهر حسابي ولقيتها بدأت تدخل عندي الاستوري برده ولقيت حد بعتلي سؤال على لينك الصراحة انت اشتغلت ولا لسه طبعا اكيد هي بس انا حسيت نفسي حقير اوي بجد طب منا كده هحاول اعلقها بيا وانا مش جاهز المهم لما كانت بتسأل انت مين لما كنت ببعتلها على صراحة كنت بقولها إني مش مستعد ودلوقتي هي شالت لينك صراحة وبقدر ادخل عندها عشان كنت باعتلها قبل كده وانا برده شلت لينك صراحة وبيظهرلي ان حد بيدخل عندي برده انا فاضلي شهرين واخلص جيش بس انا حاسس نفسي مش الشخص الجميل اللي يستحقها شكلي مش أحسن حاجة وهي جميلة اوي وشكلها تحفة اوي تستحق حد بالجمال ده وحد يكون جاهز يبسطها ويفرحها وفي نفس الوقت بحبها اوي اووي اووي بجد
شهرين مش وقت كبير يعنى هانت .. لو انت مشكلتك بس ف الشغل ف دى سهله اول ما تخلص جيش وتبدأ شغل اتقدم رسمى ويا يبقى فيه قبول وتكملو يا ميحصلش نصيب ويبقى باب واتقفل وتشوف حياتك بدل ما تعلق نفسك ف النص .. اما بقى جميل ومش عسول والكلام ده بتاع البنات مش بتاعنا ها .. انت راجل يعنى ميعيبكش حاجه غير انك تكون مش كويس .. ومش مطلوب منك تبقى حلو يعنى انت مطلوب تبقى راجل وهى مطلوب منها تبقى حلوة وبس كدا
تم النشر الأربعاء، ١٧ يونيو ٢٠٢٦
أنا فاهمة إن اللي بتمر بيه صعب جدًا، ومشاعرك متلغبطة بين الحب والخوف والإحساس بالذنب، وده طبيعي لما تكون بتحب حد بجد وفي نفس الوقت خايف تضيعه أو تضيع وقتها. خليني أقولك حاجة مهمة: إحساسك إنك "مش مستحق" أو "مش جاهز" ده شعور كتير شباب بيحسوه، بس ده مش معناه إنك أقل من غيرك، ده معناه إنك بتفكر بمسؤولية وده شيء كويس. أول حاجة، حاول دلوقتي تركز على نفسك في الشهرين اللي فاضلين في الجيش. استخدم الوقت ده عشان تبني نفسك، سواء في التفكير في خططك بعد الجيش أو حتى في تطوير مهاراتك أو صحتك النفسية. لما تخلص، هتبقى أقرب للجاهزية اللي بتتكلم عنها، وده هيخليك تشوف الأمور بوضوح أكتر. بالنسبة للتواصل غير المباشر زي الاستوريز والأسئلة المجهولة، أنصحك توقفه. ده بيخليك متعلق أكتر ومش بيساعدك تتعافى أو تفكر بهدوء، وكمان ممكن يأثر عليها سلبًا وهي لسه بتتعافى من انفصالها. لو قدر ربنا إن فيه نصيب بينكم، هيحصل بطريقة نظيفة وحلال لما تكون جاهز تتقدملها رسمي. أنت مش "حقير" ولا أي حاجة من اللي بتقولها على نفسك، أنت شاب بيحاول يعمل الصح ويحترم القيم اللي بتؤمن بيها. استمر في الدعاء إن ربنا ييسر لك الخير، ولو لقدر الله ما كانتش دي اللي ربنا كاتبها لك، هتكون فيه واحدة تانية تستاهلك وأنت كمان تستاهلها وأنت جاهز. ركز على إنك تبقى "الإنسان الكامل" اللي بتتمناه لنفسك، والباقي هييجي في وقته. لو عايز تتكلم أكتر عن خططك بعد الجيش أو إزاي تتعامل مع المشاعر دي، أنا هنا.
تم النشر الأربعاء، ١٧ يونيو ٢٠٢٦
زود ثقتك بنفسك ، وكلم أبوها وبلاش حركات الأطفال دي علشان بتقلل من قدر الإنسان وبالنسبه للفلوس وإنك تكون جاهز ، اسعَ وربنا هيرزقك
تم النشر الأربعاء، ١٧ يونيو ٢٠٢٦
كل شخص فى الحياه يستاهل فرصه اجهز واتقدملها لأن الإنسان بيندم أنه معملش ،مش أنه عمل والشكل مش مقياس لأنه يخليك تاخد خطوه لورا استعيد ثقتك بنفسك وخد بالاسباب وربنا هيقف جنبك
تم النشر الجمعة، ١٩ يونيو ٢٠٢٦
زي ما قولت إنها مجرد *صدف* ، يعني مش تدبير ، بل تزيين من الشيطان لك ، اللي وصلناله ده سببه عدم معرفة الغرض من الزواج ، قال الله تعالى *وَ مَا خَلَقْتُ الجِنَّ والإِنْسَ إِلَّا لِيَعْبُدُون* وأكبر فتنة على الرجال هي النساء ، فاختبرهم الله في أكثر شيء يحبونه وأمرهم بغض البصر لمعرفة مدى صدقهم في طاعته ، وكونك تعلقت بها هذا أمر مفهوم جدًا لإن له أسباب ومنها عدم غض البصر ،ومعرفة تفاصيلها حتى وإن كانت صدفه فكل هذه الأمور جعلت عندك صورة متكامله عن إنسانه مما جعلك تحبها وتتعلق بها ، وجعل الله الزواج مخرج لشهوة الإنسان لكي يركز في عبادته ويستريح قلبه ولا يكون مشتت ، ولكن الخطأ في كلامك هو *اعتقاد أن القلب طالما أحب امرأة واحده فلن يحب غيرها وهي فقط الموجوده لا غيرها * ولكن إذا كنت جائعًا وتتمنى طعَامًا لذيذًا ولكن المتوفر طعام بسيط وأنت ستأكله لجوعك ستشبع وتكمل حياتك عادي ،،، فالمسلم السوي المتزن يفكر بعقلانية في هذه الأمور إن أراد الزواج فيختار زوجة مناسبه له في كل شيء حتى لا يندم على الاختيار ، وهنا مناسبه أي في 5 أشياء إجمالًا (الدين ، الأخلاق ، الأهل ، الطبع، الشكل) وهذه البنت أنت لا تعرف عنها سوا أشياء بسيطه فلا يمكنك أن تحكم إن كانت مناسبه أو لا فعليك بالصبر وإعطاء فرصة لنفسك لمعرفة إن كانت مناسبة أو لا وذلك عن طريق دخول بيتها والجلوس معها في رؤية شرعية في وجود أحد محارمها . فإن كانت مناسبه فخذ خطوة وإن لم تكن فالبحث عن غيرها . اسمع دورة الداء والدواء للمهندس علاء حامد
تم النشر الخميس، ١٨ يونيو ٢٠٢٦
المرتين اللي كان معايا فيهم مادة كانت معايا في نفس اللجنة مع ان اصلا بيبقى مثلا سبع مواد وبيجمعوا الاقسام مع بعض يمتحنوا سوا يعني احتمالية انها تكون معايا في نفس اللجنة 2 فالمية مثلا وفاعدادي كانت معاها نفس المادة اللي معايا مع إن المواد دي بيحصلي فيهم قصص عشان اشيلهم مع اني كنت ببقى مذاكر ومع كده بدخل الامتحان التاني بقفله مع اني اقصى نسبة فيه جيد فكان موضوع الصدف كتييير وكتير جدا كمان وممكن احكي للصبح
تم النشر الخميس، ١٨ يونيو ٢٠٢٦
من الصدف انها تجيب نفس مجموعي تبيكل في ثانوية عامة وتدخل معايا نفس الكلية وانا اصريت مدخلش القسم معاها ودخلت قسم تاني عشان مشوفهاش واركز في دراستي بس ده قلب معايا بالعكس بدل ما اركز بقيت متشتت
تم النشر الخميس، ١٨ يونيو ٢٠٢٦
والله ما كنت اعرف بيتها فين اصلا والمدينة عندنا كبيرة شويتين وهي ساكنة في حتة وانا في حتة وابويا كان معايا فالعربية قالي اركن فالحتة دي هجيب حاجة وجايلك مع ان عمري ما بعدي من المنطقة دي ولحد دلوقتي معرفش المنطقة دي شكلها ايه لانها ابعد منطقة عني فسبحان الله لقيتها راجعة من الشغل لبيتها وعرفت هي ساكنة فين وده كان سبب إني أقول لأهلي هي ساكنة فين ونسأل عنهم بس أصلا اللي اتحاكلنا عن امها مكانش أحسن حاجة فلقيت امي مقفولة حبتين من الحكاية دي وامي قالتلي احنا نروح نشرب الشاي عشان قلبك يستريح ومتفضلش تأنب نفسك ونا قولتلها لأ ده عشان امها مادية وعايزة واحد جاهز فليه احاول في قصة مقفولة اصلا
تم النشر الخميس، ١٨ يونيو ٢٠٢٦
حضرتك انا فاكر اول مرة اشوفها وفاكر كل الصدف اللي حصلتلي مع البنت دي او يمكن عقلي سماها صدف عشان عاوزها الله اعلم يمكن فيه بنات تانية حصلي صدف معاهم برده بس انا كنت بتجاهلهم بس يمكن دي اكتر واحدة يحصلي صدف معاها اللي هو انا كنت بتهرب اصلا فأيام الامتحانات عشان مشوفهاش واحنا فالثانوي لدرجة اخر امتحان صممت مروحش المجموعة دي عشان مشوفهاش وكنت باخد عند المدرس ده درس خصوصي انا وتلاتة زمايلي بالليل لقيتها داخلة يعني عمرها ما جت درس خصوصي اشمعنا لما انا صممت مشوفهاش جت وسبحان الله الشغف رجعلي يومها واي سؤال كان بيتسأل عندي شغف اجاوب عندي شغف افكر الف فكرة اشمعنا ده كله بيحصل لما هي بتكون موجودة بالذات
تم النشر الخميس، ١٨ يونيو ٢٠٢٦
طيب ماشي بس حضرتك مش حركات اطفال ولا حاجة انا يمكن طيب زيادة عن اللزوم وفي نفس الوقت مش مستعد عشان اكلم ابوها وخايف تبقى مش ليا وهسعى ازاي وانا فالجيش اصلا لازم اخلص جيش هي مشاعر متلغبطة يمكن حضرتك متحطتش مكاني عشان تقول كده انا حاولت انساها كتير ومعرفتش حاولت مدخلش صفحتها صدقني لكن كل محاولة كان لازم ارجع حتى لو عدى شهر شهرين كنت برجع انا يمكن مشوفتهاش حوالي سنة او اكتر من سنة واول مرة شفتها بعد المدة دي كإني أول مرة اشوفها مش عارف ليه مع إني عمري ما بيحصلي كده مع أي بنت عمري ما بتوتر ده انا بتكلم ببرود مع البنات ومشاعري مش بتتحرك يمكن ببقى محروج لإني خجول شوية لكن مشاعري عمرها ما اتحركت غير للبنت دي.. يعني لما بقرأ عن الإدمان كلهم بيقولوا 90 يوم وبتنسى وترجع طبيعي طب لو هو تعلق طب ما انا قعدت اكتر من المدة دي بكتير بس لما شفتها ولا أكن كان فيه سنة عدت نسيت السنة اللي مشوفتهاش فيها مع إني والله وانا ماشي فالشارع بغض بصري بس بجد بيبقى صدفة وانا ماشي اشوف الطريق بلاقيها بحسني اتسحرت والله مش بكدب اشمعنا ديييي اشمعنا هييي بجد
تم النشر الخميس، ١٨ يونيو ٢٠٢٦
لعرض السؤال في فدني اضغط هنا