انا شاب عندي 23 سنة وبعاني من وسواس في العقيده والجنة والنار مع اني قبل الوسواس ده كنت حرفيا قلبي يكاد يكون اسعد قلب في الدنيا دي من الطمأنينة والسكينه بسبب البعد عن المعاصي وغص البصر والطاعات والخشوع في الصلاة.... إلخ
لكن في يوم وليلة ظهرلي وسواس طاب ما يمكن كل ده وهم طاب ما يمكن كذا وانت اي ضمنك وهكذا وانا عارف انه وسواس مع اني قبل الوسواس كنت واصل لدرجه من اليقين والتدبر معتقدش اني كان في حد بيفكر زي كده ولكن فجأة كل ده اختفي واتقلب بشك بعاني منه في يومي ومجنني جدا وعندي رعب اني الوسواس ده يفضل ملازمني طول عمري فلو حد مر بالفتره دي يقولي نصايحه بالله عليكم عشان انا مش عارف اخشع في الصلاة
استهدي بالله واظب علي قراءه سوره الاخلاص و البقره صلي حتي لو مش عارف تخشع صلي يفضل تصلي في المسجد جماعه اكيد هيبقي احسن مره في مره هتلاقي نفسك رجعت لطبيعتك متسيبش مجال الوسواس يتمكن منك استغفر الله كتير و ربنا يصلح حالك
تم النشر السبت، ٢٠ يونيو ٢٠٢٦
أخي الكريم، أولاً أحب أؤكد لك إن اللي بتمر بيه شائع جدًا، وكتير من الشباب في سنك مروا بنفس النوع ده من الوسواس القهري في العقيدة، ونجحوا يتجاوزوه. الشيطان بيستهدف بالضبط القلوب اللي كانت مطمئنة ومتصلة بالله، عشان يحاول يقلب الطمأنينة لشك وخوف. بس المهم إنك عارف إنه وسواس، وده أول خطوة قوية جدًا. الوسواس ده مش هيفضل معاك طول العمر، ومش هيدمر إيمانك. كتير من اللي مروا بنفس التجربة قالوا إن الفترة دي كانت اختبار، وبعد ما تعلموا يتجاهلوا الأفكار وما يجادلوهاش، رجعوا يحسوا بالسكينة تاني، وأحيانًا أقوى من الأول. الصلاة دلوقتي صعبة عليك لأن الوسواس بيشتت، لكن استمر فيها حتى لو مش حاسس بالخشوع. الخشوع مش شرط يكون شعور دايم، الاستمرار نفسه عبادة. نصيحتي العملية: لما يجيلك الوسواس، قول في نفسك "ده وسواس، مش هرد عليه" وارجع لأي عمل بتعمله، حتى لو الشك مستمر. الرد على الوسواس بيزوده. اقرأ كتب موثوقة في العقيدة باختصار يوميًا (زي كتب ابن القيم أو الغزالي المبسطة) عشان تملأ عقلك بمعلومات صحيحة بدل ما تسيبه فاضي للوسواس. حاول تقلل العزلة، وتكلم مع حد موثوق فيه لو قدرت، أو ابحث عن أسئلة مشابهة على فدني عشان تشوف تجارب ناس تانيين. أنت مش لوحدك في الرحلة دي، وربنا شايف جهادك. استمر، والفترة دي هتعدي إن شاء الله.
تم النشر الأربعاء، ١٧ يونيو ٢٠٢٦
انصحك جدا جدا بقراءة كتاب من الصفر ل أ.ياسر ممدوح ، كمان تابع قناته يوتيوب الفديو ريلز وقصير بس مفيد جدا واتكلم فكل اللي بتقوله ، واستمع ل د.هيثم طلعت يوتيوب هيفيدك جدا ، الحمد للّه الذي عافانا أنا مريت بفترة زي كدا وكمان اثبت ومتسبش الصلاة أبدا حتى لو مش خاشع ، النبي صلى اللّه عليه وسلم لما احد الصحابه قال له ان عنده وساوس عن الخالق بالنسباله يموت ولا ينطق بيها وكان حزين جدا فالنبي قاله يستعيذ باللّه من الشيطان ولا يسترسل في هذه الافكار وقاله ذلك صريح الإيمان يعني إيمانه قوي ، وشيخي عمل تطبيق اسمه زاد المتفقه الحمد لله نزل في المتجر نزله وهتلاقي في قسم المكتبه كتاب عن العقيده هيفيدك جدا وكمان في ميزه اسمها أفتني دي الشيخ نفسه بيرد عليك فيها بدون م يعرف انت مين وحقيقي هيفهمك كل حاجه انت عايز تسأل فيها ، وعليك بتدبر القرآن وربنا يهديك يارب بس اعمل كدا زي م قلت لحضرتك وبإذن اللّه هتلاحظ تحسن وحاول تتعلم توحيد وعقيدة لأن العبادة لما تكون مع علم بيكون الإيمان قوي جدا
تم النشر الأربعاء، ١٧ يونيو ٢٠٢٦
" السلام عليكم، واضح من كلامك إنك عشت فترة طويلة مع الوسواس وده أتعبك، لكن أحب أطمنك إن وجود الوساوس في العقيدة لا يعني إن إيمانك ضعيف ولا إنك اخترتها بإرادتك. كثير من الناس يمرّوا بهذا الابتلاء. حاول ما تدخلش في نقاش طويل مع الفكرة ولا تحاول تثبت لنفسك كل مرة إنك مؤمن، لأن ده بيغذي الوسواس. لما تيجي الفكرة قول: (دي وسوسة ومش هلتفت لها) وكمّل عبادتك وحياتك عادي. ثبت نفسك على الصلاة والذكر وقراءة القرآن بهدوء، لكن من غير ما تحولها لاختبار لنفسك: هل خشعت؟ هل أنا كويس؟ لأن ده برضه باب للوسواس. ولو الموضوع مسيطر عليك وبيسبب لك ضيق شديد، فممكن تستفيد من مختص نفسي يفهم الوسواس القهري
تم النشر السبت، ٢٠ يونيو ٢٠٢٦
فعلا البنت اللى نصحتك ب ياسر ممدوح جابت الخلاصة فعلا فيديو دقيقتين مثلا تلاقية أقنعك وجابلك الخلاصة وطلعك مبسوط كمان😅 بطريقة حرفيا ولا أروع
تم النشر الخميس، ١٨ يونيو ٢٠٢٦
ملهاش فتره معينه ، بس اللي اعرفه ان دا وسواس زي وسواس الطهاره وانواع كتير ، ولكن العقيدة صعبه انا مريت بفترة زي دي بسبب سماعي لمناظرات الملحدين والكفار كتير ولكن لأني معنديش علم كافي مع الوقت بدأت اتأثر ، المهم هو الثبات والايمان مش ديما بنفس الدرجة طول الوقت ولكن بيزيد وينقص زي م النبي صلى اللّه عليه وسلم قالنا ، ومادام مش مأثرة على حضرتك فممكن تتعلم توحيد وعقيدة وتفسير القرآن هيفيدك جدا لأن كل دي تساؤلات بتيجي فعقل اي حد ، كمان زي م قلت لحضرتك نزل التطبيق واسأل الشيخ هيفهمك كل حاجه بالتفصيل بإذن اللّه . واسمع د. هيثم طلعت ، وهتلاقي غيره كتير بيتكلموا في الموضوع دا بكل جوانبه اول م تبحث هيظهر فديوز كتير . وعليك بالاستعانه باللّه والتضرع إليه بالدعاء
تم النشر الأربعاء، ١٧ يونيو ٢٠٢٦
أقترح مشاهدة حلقات دكتور هيثم طلعت عن هذا النوع من الوسواس تحديدا. https://youtu.be/rnoCWzZ1UDc?si=jLQykz4xxoq3z-g0 و https://youtu.be/Kfqpym4THfI?si=d8iP7rwjWP3puKTQ و https://youtu.be/5QOvIGh0GVc?si=518RdetAZ9EmKd6C
تم النشر الأحد، ٢١ يونيو ٢٠٢٦
أبشر فهذه إشارة على أن إيمانك وقلبك صاف, هنالك فيديو على اليوتيوب للشيخ ابن عثمين عن هذا الأمر عنوانه " هذه الأفكار لا تأتي إلا للمؤمن القوي الشيخ ابن عثيمين" أخبرني كيف وصلت لهذا الإيمان؟, وما هو العلم الذي لديك؟
تم النشر الجمعة، ١٩ يونيو ٢٠٢٦
مقدره جدا شعورك والضغط النفسى والصراع اللى عايش فيه ممكن ده ميكونش وسواس لأن تشخيص الوسواس القهرى ليه أبعاد كتير وأسبابه برضو كتير وهل هو مرض الوسواس ولا اضطراب الشخصيه الوسواسيه هل مأثر على حياتك بشكل كامل ولا ف أجزاء منها ففيه اسئله كتير وتاريخ عائلى بيحدد كل ده والافضل تتواصل مع معالج نفسى لأن من الواضح انك لسه فى الأول خالص علشان الموضوع ميتفاقمش ومتقلقش مش بيستمر معاك للأبد بيتعالح وبترجع كويس من تانى
تم النشر الجمعة، ١٩ يونيو ٢٠٢٦
طاب ممكن تقولي اخدت معاكي قد اي، وانا مش بعاني منها جامد هي مش مأثره في عبادتي اصلا ولا مخوفاني ولا بعيط بس اللي هو انا مراقب ايماني وحاسس يقيني قل مش زي الاول
تم النشر الأربعاء، ١٧ يونيو ٢٠٢٦
آه ، الحل هو إقناع النفس بأن هناك موت ، فأين نذهب بعد الموت ؟ ، *لقد أنزلنا إليكم كتابًا فيه ذكركم أفلا تعقلون* تكفيك هذه
تم النشر الأربعاء، ١٧ يونيو ٢٠٢٦
لعرض السؤال في فدني اضغط هنا