عندي مشاكل متعلقة بفرط التفكير والخوف من الناس ومن الفشل والموضوع مأثر على اغلب جوانب حياتي زي الشغل واني خايفة اختار كارير معين ومقدرش اكمل فيه او تخصصي الحالي مش مناسب لشخصيتي الحالية ف انا واقفة مش بطور فيه، في حياتي بشكل عام بقعد افكر بسيناريو الحاجات قبل ماتحصل واقعد اتخيل مع نفسي اعمل ايه واتصرف ازاي ولو معجبنيش تصرفي بكنسل المشوار، عايزة اروح لحد يساعدني نفسيا في حل المشاكل دي وتحسين نفسي وتفكيري
مين الشخص الي مفروض اروحله هل دكتورة نفسية ام لايف كوتش ام كارير كوتش انا فعلا محتارة ابدأ مع مين وخايفة برضو اروح لحد ميبقاش متفهم هيعقدني اكتر
السلام عليكم هو الخوف والتفكير في احتمالات مستقبلية عادي وبيحصل مع كتير مننا بس لو زاد عن الحد أكيد غلط، وأنت حسب كلامك المشكلة مش مجرد حيرة في اختيار الكارير. وطالما إن التفكير المفرط والخوف من تقييم الناس واحتمال الفشل بقوا يأثروا سلبا على حياتك ويعطلوا قراراتك يبقى الأفضل الاستعانة بمختص يساعدك بخطوات عملية على التخلص من المشكلة وعلاجها من جذورها. *** الأفضل تبدئي بالمتابعة مع مختصة نفسية مؤهلة للعلاج النفسي وعندها خبرة في العلاج المعرفي السلوكي، وخوفك من إنك تختاري معالج غلط مفهوم، لكن مش مطلوب منك تتأكدي من البداية مين الأنسب. اسألي عن المؤهلات والخبرات ولو أمكن تشوفي تقييماتها وآراء الناس اللي تابعوا معها، ولما تتابعي معها هتقدري إن شاء الله تقيمي إذا هي مناسبة وقادرة تساعدك وحفك تغيريها إذا لقيتِها مش متعاونة أو مش قادرة تساعدك. لو فضلتِ منتظرة لحد ما يختفي الخوف تمامًا قبل ما تبدئي أو تروحي لمختصة فمش هتاخدي الخطوة دي خالص، فاستعيني بالله وتوكلي عليه وإن شاء الله تلاقي المساعدة والدعم اللي محتاجاه. *** ممكن تدخلي على قائمة الخبراء هنا على التطبيق هتلاقي خبيرات في العلاج النفسي والعلاج المعرفي السلوكي، ممكن تطلعي على إجاباتهم على الأعضاء واللي تلاقي إنها مناسبة وتقدر تساعدك ممكن تدخلي صفحتها الشخصية وتضغطي حجز استشارة وهيوصلك بها. وبالتوفيق إن شاء الله.💚💚
تم النشر الأربعاء، ٢٨ أكتوبر ٢٠٢٦
أولاً، أقدر شعورك بالحيرة والخوف ده، وهو طبيعي جداً لما تكوني بتواجهي تحديات زي فرط التفكير والخوف من الفشل والناس. ده بيأثر على حياتك المهنية والشخصية، والبحث عن المساعدة المناسبة خطوة شجاعة ومهمة. أنتِ مش لوحدك في ده، وكتير من النساء بيمرروا بتجارب مشابهة ويقدر يتغلبوا عليها بخطوات عملية. بالنسبة لاختيار الشخص المناسب، أنصحك تبدئي بدكتورة نفسية (معالجة نفسية) لأن المشكلة الأساسية هنا تتعلق بالقلق والتفكير الزائد والخوف اللي بيأثر على جوانب متعددة من حياتك. الدكتورة النفسية متخصصة في التعامل مع الجوانب النفسية العميقة زي القلق والتفكير السلبي، وبتساعدك على فهم الجذور وتطوير استراتيجيات عملية للتعامل معاها، وده هيحسن تفكيرك وثقتك بنفسك تدريجياً. بعد كده، لو حسيتي إنك محتاجة دعم في تحديد الأهداف الشخصية أو المهنية، ممكن تنتقلي للايف كوتش أو الكارير كوتش. اللايف كوتش بيركز على تحسين الحياة العامة والتطور الذاتي، بينما الكارير كوتش بيساعد في اختيار المسار المهني المناسب لشخصيتك. عشان تتجنبي الشخص اللي مش هيفهمك، ابحثي عن متخصصة ليها خبرة في القلق والتفكير الزائد، وممكن تبدئي بجلسة أولى لتقييم التوافق. خدي وقتك في الاختيار، وتذكري إن المساعدة النفسية مش ضعف، بل قوة. جربي تبحثي عن أسئلة مشابهة على فدني عشان تشوفي تجارب الآخرين وتستفيدي من وجهات نظر إضافية. أنتِ قادرة على التغلب على ده، وأنا هنا لو عايزة تتكلمي أكتر.
تم النشر السبت، ٢٤ أكتوبر ٢٠٢٦
افضل حل تروحى لأخصائى أو معالج نفسى دارس ومتخصص علشان يفيدك بجد وحقيقى كام جلسه وهتحسى بالفرق لأنه معتقدين أو تلاته بالكثير هيتعدلوا وحياتك هتظبط أوى
تم النشر الخميس، ٢٩ أكتوبر ٢٠٢٦
انا زيك برضو ال overthinking بيتعبنى بعتقد انى بحل المشاكل بتوقعها بس للاسف بلاقى نفسى مرهقة جدا فى حل بسيط ممكن يفيدك تمارين التنفس.. عدى من واحد لخمسة بالعكس.. واكتبى اللى خايفة منه او اى حاجة فى بالك ويارب تتحسنى💗💗
تم النشر الاثنين، ٢٦ أكتوبر ٢٠٢٦
ممكن يكون عندك Adhd
تم النشر الأحد، ٢٥ أكتوبر ٢٠٢٦
لعرض السؤال في فدني اضغط هنا