ايه الحل في مشكله البورن مهما بطلت برجع يعني انا بطلت ٢٠ يوم جيت وقعت في نص الامتحانات بالرغم اني مضغوط و عندي امتحان مهم
اللى عندك دا نوع من أنواع الأدمان و ادمان مشاهده المواد إباحية تأثيره زى تأثير المخدرات و لازم تشوف طبيب نفسى تمشى معاه . لأن انت مش حنعرف تطلع من هذا الوحل بمفردك . تانى حاجة اتفرج على دكتور بيرج بالعربى و حلقته عن ادمان المواد الأباحية و اتفرج على حلقة الأدمان العامة على اليوتيوب. و فى حاجة مهمة جدا و اللى تعتبر علاج للموضوع دا د. بيرج أشار إليها هو أن اللى بيخليك تكرر السلوك دا اولا أن الوصول للمواد الأباحية سهل و لازم تنزل تطبيقين فى غاية الأهمية لحجب المواد الأباحية على تليفونك. تطبيق blocker hero و تطبيق stay focused و التطبيقان دول بيكملوا بعض . اهم حاجة تعمل الاعدادات صح . تانى حاجة الملل انت بتهرب من الملل بتكرار مشاهده المواد الأباحية و علاج مشاهده المواد الأباحية هو الملل و انك تشعر بالملل و تتقبل هذا الشعور كشعور طبيعى و تستبدل مشاهده المواد الأباحية بعادة إيجابية زى اعداد كوب قهوة أو قراءة كتاب خمس صفحات أو نزول الشارع للمشى و عدم البقاء منفردا و فى تقنية قال عليها دكتور بيرج فى علاج الأدمان بشكل عام و لازم تطبقها عند هجوم تكرار السلوك و ظهوره مرة أخرى و دى موجودة في حلقة الإدمان العامة و التوقف عن اى محاولات للوصول إلى تلك المواد الأباحية
تم النشر الأربعاء، ١٧ يونيو ٢٠٢٦
السلام عليكم ورحمة الله وبركاته الموضوع كلو عايز صبر وعزيمه قويه وكمان تبعد عنك المصدر اللي غالبه هو الموبيل في تطبيق اسمو Digital Detox تطبيق جميل جدا اللهم بارك هتقدر من خلالو تحظر التطبيقات اللي بتوصلك بالذنب ده وي تطبيقات بتشتتك اثناء المذاكره وكمان تقدر تحدد المده اللي عايز تحظر بيها البرامج دي تبدأ من خمس دقائق لحد 60 يوم ومع العلم مش هتقدر تفك الحظر او تحذف البرنامج غير ما تدفع فلوس فده بيصعب عليك الانسحاب واهم حاجه توب وصل واستغفر ربنا ممكن في لحظه الواحد يفارق الحياه ربنا يهديك ويهدينا جميعا نزل التطبيق ده وقرب من ربنا واطلب منو انو يعينك ويكرهك في اي ذنب وربنا يوفقك يارب
تم النشر الخميس، ١٨ يونيو ٢٠٢٦
أخي الكريم، أولاً أقدر شعورك بالإحباط والضغط اللي بتمر بيه، خاصة مع الامتحانات والتوتر. الانتكاسة بعد 20 يوم مش نهاية الطريق، دي جزء طبيعي من محاولة التغلب على عادة زي دي، والمهم إنك ترجع تقف وتكمل. من منظور إسلامي، الإدمان على البورن يضر بالنفس والروح، ويُفضل التوبة الصادقة مع الاستعانة بالله من خلال الصلاة والدعاء وقراءة القرآن بانتظام، فهذا يقوي الإرادة ويملأ الفراغ اللي بيحصل أثناء الضغط. عملياً، ركز على تحديد المحفزات اللي بتدفعك للرجوع، زي التوتر أثناء المذاكرة، وحاول تبدلها بأنشطة مفيدة زي المشي السريع أو ممارسة هواية بسيطة أو حتى تنظيم جدول دراسي واضح يقلل الشعور بالضغط. قسم أهدافك لفترات قصيرة، مثلاً ابدأ بهدف 7 أيام جديدة بدون الرجوع، وسجل تقدمك يومياً عشان تشوف إنجازاتك الصغيرة. كمان، ابتعد عن أي محتوى أو مواقع ممكن تثير الفضول، واستبدل وقت الفراغ بتعلم مهارة جديدة أو مراجعة دروسك بطريقة منظمة. لو حسيت إن الضغط بيزيد، حاول تتحدث مع شخص موثوق أو تبحث عن أسئلة مشابهة على فدني لتشوف تجارب الآخرين وتستفيد منها. أنت قادر تتجاوز ده، استمر واستغفر ربنا، والنجاح هيجي بالصبر والإصرار. لو عايز تفاصيل أكتر أو نصائح محددة، قولي.
تم النشر الأربعاء، ١٧ يونيو ٢٠٢٦
لازم تقرب من ربنا وتتقبل انك عندك مشكلة ادي لنفسك قول انا مش هتفرج لمدة يومين وارجع كمان يومين قول كمان يومين ولما يجي على بالك حاجة زي دي اخرج من المكان اللي انت فيه واقعد مع ناس متقعدش لوحدك وقول انا رينا شايفني مش عاوزه يشوفني وانا بتفرج على حاجة زي دي وربنا معاك
تم النشر الأربعاء، ١٧ يونيو ٢٠٢٦
أبعد عنك المصدر
تم النشر الأربعاء، ١٧ يونيو ٢٠٢٦
عشان دي الحاجه الوحيده اللي بتهرب بيها من الضغط عالج السبب اللي بيخليك تروح تعملها
تم النشر الأحد، ٢١ يونيو ٢٠٢٦
طالما انت عايز تقطعه يبقي اكيد عندك سبب ودافع قوى انك تعمل كده حاول تخلى الدافع دا اللى يمنعك شوف عقوبات الموضوع دا اوزن الموضوع بدماغك حاول تدور على مصدر تانى لتفريغ الطاقه خاصه لو انت مراهق
تم النشر الجمعة، ١٩ يونيو ٢٠٢٦
طبيعى جدا تقع لأن ده ادمان سلوكى يعنى عاده خاطئه قابله للتعديل والانتكاسه لابد عنها ولكن محتاج تفهم ان عقلك بيهرب من حاجه هو مش حاببها لحاجه تتعود أنه يحبها فهربت من الضغط ليها فمحتاج تتعلم مهاره اداره الضغوط ولو مقدرتش على ده لوحدك الافضل تتواصل مع معالج نفسى
تم النشر الجمعة، ١٩ يونيو ٢٠٢٦
اقطع النت مش ها تقدر ما تقعدش اواحدك بالموبايل. شوف تطبيق واعي حمله واشترك معاهم. حاول يكون عندك صحبه صالحه. اتعلم علم شرعي. فكرة انك تعتمد على ارادتك بس في منع غريزتك. الموضوع شبه مستحيل
تم النشر الخميس، ١٨ يونيو ٢٠٢٦
💔💔
تم النشر الأربعاء، ١٧ يونيو ٢٠٢٦
لعرض السؤال في فدني اضغط هنا