عماد السيد

اولا انصحك بالبعد التام عن العلاقات المحرمه مع الشباب لان ده حرام وهتندمي عليه طول عمرك ومش هيادي لنتيجه ترضيكي طلاما هو مبيرضيش ربنا ثانيا بقا الاحتياج اليانت بتحسي بيه ده طبيعي جدا فالسن ده انا نفس سنك وحاسس بنفس الاحتياج فا دا طبيعي ومتحاوليش تشبعي الاحتياج ده بانك تكلمي شباب ثالثا موضوع انك عاوزه تحققي حاجات قبل ما تتجوزي طب ليهميبقاش الجواز هو الخطوه الي هتوصلك للحاجات دي مش شرط انك هتجوزي يبقى هتتجوزي واحد يجبرك تقعدي فالبيت تطبخيله وتعمليله شاي وبس لا ممكن تتجوزي واحد متدين هو الي يعلمك العلم الشرعي وممكن وانت متجوزه تعملي كل ده وموضوع صحابك دا ابعد عناي حد بياثر على نفسيتك ولو بواحد فالميه سلبي انا كان عندي صاحب مش صاحب هو كان اكتر من اخ ولاكن لاحظت انه ماثر عليا بالسلب دايما فبعدت عنه ومن ساعتها وانا حياتي احين وربنا رزقني باصحاب احسن فا نصيحتي ليكي حاولي تقربي من ربنا ركزي فمزاكرتك اوعي تكلمي شباب ابعدي يعن اي حد بيحبطك وربنا يوفقك

الموضوع الي عندك دا اسمو اضطراب قلق حصل معايا بنفس التفاصيل الي انت بتحكي بيها وتعبت جدا على ما عرفت ان دا اضطراب قلق بس انا رحت لدكتور مخ وأعصاب ونفسي ومن ساعتها وانا الأعراض تعتبر مختفية تماما فأنت الحل انك تروح لدكتور نفسي واللي عندك دا مش مرض نفسي ولا حاجة خطيرة هو مرض بيجي بدون أسباب وبيقلب حياتك بتبقى ببتعذب من اول ما تصحى لحد ما تنام فالمهم روح للدكتور وانتظم على العلاج وامنع سكريات تماما وربنا يعينك

اولا الاهل ممكن يكونوا ربوا بطريقه الغلط ودا وارد جدا لأن هم مش اخصائين تربية، هما كانو شباب زينا اتجوزو وخلفو وربوا اولادهم وزي متيجي ولكن اهلك بيحبوكي جدا حتى لو هما مش قادرين يعبروا عن الحب دا ممكن تكون مشكلتهم في التعبير شايفين انهم بيعبروا بالحاجات الي بيعملوها ولكن دا مش باينلك فانت لازم في الوضع دا انت اللي تعبري عن حبك ليه وتشديهم وتعلميهم ان ممكن نحضن بعض كل يوم عادي ونقول لبعض اننا بنحب بعض وبنخاف علي بعض. احكيلهم مشاكلك وقربي منهم اكتر والوضع هيبقى احسن طبعا. دلوقتي هتقولي انك فاشله ومش هتقدري وانك عبء عليهم، اولا علاقه الاب والام ببنتهم بتبقا مبنية على الحب مش الخدمات وخلاص يعني كل اللي هما بيعملوه ده عشان هما بيحبوكي ومش عايزين مقابل فانت مش عبء على حد، انت شايفه انك وحشه وفيكي صفات وحشه كتير بس دا طبيعي كلنا فينا صفات وحشه، الحل مش اني أركز عليها، الحل اني أحاول اقللها قدر المستطاع واحسن من الصفات الحلوه واركز علبها دايما وكل ماتشوفي نفسك لا تستحقي او شخصيه سيئة افتكري الصفات الحلوه اللي فيكي وحاولي تقربي من الناس وتعملي صحاب جديده واخرجي ورفهي عن نفسك، اسحبي نفسك من دوامه الحزن دي لانها مش سهل تطلعي منها بس انت تقدري إن شاء الله وقربي من ربنا وادعي كتير ان يخرجك من كل دا. الدعاء هو الحل وبالنسبه لمشاكل الماضي والحاجات الغلط الي حصلت في الماضي فاحنا ولاد النهارده بمعنى ان اي حاجه حصلت في الماضي مش مهمه هي مجرد درس بيعلمك حاجة للزمن مش اكتر ومش مهم إيه المشاكل اللي حصلت بسببه المهم إنه حصل ومش هيحصل تاني إن شاء الله وربنا يوفقك

الموت دا مش شيئ سيئ خالص الا لو انت اخترتي دا بأعمالك انت لما هتموتي لو كان عملك صالح كل ما بعد الموت دا هيبقا نعيم إن شاء الله ومفيش اي خوف ولا قلق ولا ألم تاني ولو عملك مش صالح هيبقا العكس صحيح وابنك وجوزك ربنا مش هينساهم لو انت بعد الشر موتي دلوقاي او بعد ميت سنه ربنا مبينساش حد وزي ما كان فاكرهم فوجودك هيفتكرهم فغيابك وغالبا الوسواس ده من الشطان فا حاولي تقربي من ربنا وتستعيذي بالله من الشطان وتذكريه كتير

لازم تحطي فبااك وانت بتصلي ان الصلاه دي اتعملت للراحه مش فرض زياده للتعب الصلاه دي اتعملت عشان انت بتجري طول اليوم بتجري فلشغل بتجري فلمذاكره والى اخره فا لازم الانسان يرتاح الراحه دي هتاخديها من الصلاه بس انهي صلاه الي بتبقا اربع ركعات فدقتين اكيد لا فصلاه بخشوع وانت فاصله نفسك عن الدنيا تماما وكل ما يجيلك فكره عن الي وراكي او صاحبتك او شغلك مذاكرتك استعيذي بالله من الشطان واستوبعي السور والكلام الي انت بتقرايه وادعي ربنا ان يثبتك عمرها ما هتظبط معاكي من اول مره بس الصلاه فلاول عاده وبعد كده عباده استمري لحد ما توصلي لده ووقتها مش هتقدري تستغني عن الصلاة إن شاء الله

اولا مفيش حاجه اسمها حب فسن المراهقه وحب فسن الشيخوخه دا سن بلوغ ودا سن بلوغ الفرق بس اننا لما بنكبر شويه مبتبقاش كل اهتمامتنا الشكل بس بنبقا بندور على حد نرتاح معاه ونشوف الاولويات التانيه ثانيا حرام انك تكلميه بدون رابط شرعي فا ممكن تقوليلي كل حاجه باختصار وتقوليله انك معجبه بيه وقولو لو هو حابب يجي يتقدم لوالدك وبكده هتكوني محترمه زي مانت وهتعرفي هو بيحبك او مهتم ليكي بجد ولا لا وكمان هتاخدي خطوه حلوه فحياتك

اولا النوع ده من الناس قربك ليه مش مفيد دا مضر لانو بيستنذفك تماما وبيحبطك وبيكسر مقاديفك دايما كان عندي صاحب كده من وانا صغير وخدت بالي انو غلاني جدا وحقود وميحبش اكون احسن منو فحاجه ولا يحبلي الخير انا حاولت اغيرو مره واتنين منفعش خلاص مع السلامه ومن بعدها حياتي بقت احسن بكتير جدا مكنتش متخيل أن حياتي هتتحسن او كده عشان بعدت عن شخص فانت روحي قوللها انا خدت بالي انك الفتره الي فاتت كذا كذا ويستحسن نخلي العلاقه مبينا سلامو عليكو وعليكم السلام عشان ميحصلش مشاكل ومترديش عليها واقفلي الشات انما النقطه الثانيه كل ما تكلمي *ولد* الكلمه دي استفزتني اوي اولا العلاقه الي بدايتها مش بترضي الله نهايتها مش هترضيقي دا اولا ثانيا مفيش راجل وراجل بجد بمعني الكلمه هيرضى يكلم بنت بدون رابط شرعي ومن ورا اهلها انا لو ليا اخت وعرفت انعا بتكلم ولد هروح اكسر عضمو واوريه الرجاله الي بجد بتخاف على محارمها ازاي فا ابعدي عن السكه دي عشان نهايتها مش حلوه في واحده من كتر ما كانت كده بعتت صور للولاد وهددوها بيها لدرجه ان هما زنو معاها عشان مينشروش الصور فا ليه تحطي نفسك تحت امر عيل برياله مش شايل مسؤليه ثانيا رينا خلق فينا الحب فطره وانجذاب الولد للبنت والبنت للولد دا فطره بس الدين مسبناش كده الدين قومو بروابط شرعيه عشان ربنا عارف ان لو مفيش روابط شريعيه هيحصل مشاكل فربنا عايزنا نعيش افضل حياه فا جعلنا حلال وحرام وربنا هيدينا ويهديكي وَاتَّقُوا يَوْمًا تُرْجَعُونَ فِيهِ إِلَى اللَّهِ ۖ ثُمَّ تُوَفَّىٰ كُلُّ نَفْسٍ مَّا كَسَبَتْ وَهُمْ لَا يُظْلَمُونَ

دا ممكن يطلع من الجهاز الهضمي فلاخر القولون بيعمل كل ده حصلي اعراض مشابه واكتر من كده ورحت كشفت طلع عندي مشاكل كتير فلهضم ولما انتظمت على العلاج بقيت احسن فا روحي اكشفي على القولون وكده لان غالبا منه

حاولي تتعرفي على ناس ليه متبعديس عن الناس الي بتقلل منك وتقربي من ناس تانيه وتجربي صداقات جديده وصلي وقرب يمن ربنا لان الحياه عمرها ما هتصلح وانت مش صالحه علاقتك مع ربنا

دا من الشيطان بيحصل معايا نفس الموضوع وعلى اكبر كمان كل الي عليك لما يجيلك كده افضل ردد امنت بالله ورسله او ورسوله واستعيذ بالله كتير هتلاق الافكار دي راحت وفي ناس من الصحابه حصل معاهم نفس الموضوع فسألو سيدنا محمد عليه الصلاة والسلام قالهم ان ده صريح الايمان في ما معناه طبعا عشان مش متذكر الحديث فا متشغلس بالك وتدبر واستيعذ بالله لو جالك فكره

حاولي على قد ما تقدري تروحي جلسات والله هيفرق معاكي جدا لو تعرفي حتى تاخدي فلوس وتىوحي من وراهم بس لازم عشان تخرجي من كل ده

خلاص حاولي تروحي جلسات نفسيه فاقرب وقت

هيفرق معاكي جدا انا عارف ان الناس بتتخض من كلمه دكتور نفسي مع ان وارد جدا اننا نبقا محتاجين لده فانت لو مش قادره خالص والموضوع ماثر عليكي من دلوقتي حوالي تبدئي جلسات من دلوقتي بتبقى جلسه في الأسبوع ساعه لو مش قدرتي استني لبعد الثانويه ولو موضوع الجلسات ده مستحيل بالنسبالك فا صدقيني انت تقدري تخرجي من كل ده لوحدك انا خرجت من اغلبه لوحدي وبدات جلسات من فتره فانت تقدري تخرجي من اغلبه لحد ما تقدري تعملي جلسات وانا واثق انك هتخرجي من كل ده

انا مقدر جدا الي انت بتقوليه وعارف ان الضغط الي اهل بيسببوه ده مش سهل وبيتعب جدا وبذات لو من الطفوله انا اتعرضت لنفس دا واكتر وجالي وسواس قهري واضطراب قلق وثقتي ينفسي كانت معدومه تماما مكنتش بقدر اتكلم مع اي حد حالتي كانت زيك واسوا ولاكن انا اتحديت نفسي وقلت لازم اخرج من كل ده وخرجت من سبعين فالميه فالموضوع وبقيت انسان واثق من نفسي جدا اه لسه بعاني من مشاكل ولاكن بحاول اتخطاها انا رايي انت تماسكي الفتره دي لحد ما تخلصي الثانويه وبعدها ابداي جلسات نفسيه الموضوع هيب

بصي سيبي كل حاجه لوقتها وادعي وخليكي واثقه فالله دايما انه هيحتارلك الاحسن ومتخفيش في شباب كتير كويسين ومتدينين منقرضوش ولا حاجه انت بس اختاري صح

انتي عندك احتراق نفسي واكتئاب شديد ومحتاجه تدخل نفسي عاجل

بصيانا جربت التنمر من وانا صغير من اهلي واصحابي بردو بس قدرت اتخطى دا واجهت ده انتى لازم تواجهي دا عن طريق انك تعملي اي حاجه تزود ثقتك بنفسك مثلا انت فحصه وفي حاجه مش فهماها وخايفه تسألي وقتها واجهي خوفك واسالي ثقتك بنفسك هتزيد مع الوقت كل مره تواجهي خوفك هي طوبه في بناء شخصيتك الي انت عايزاها مش إلي هما عايزنها اعملي الي انت عايزاه طلاما مابيغضبش ربنا ومش مخالف للعادات والتقاليد كوني نفسك ومتسمعيش كلامهم اذى الاهل دا اناعارف انه صعب جدا واكتر حاجه بتاثر في شخصيه اي حد بس في النهايه دول اهلك واكيد مش قصدهم يدمروكي هما كانو فاكرين انك كده هتبقي احسن سامحيهم لله وخديهم على قد عقلهم لو حاولو يتدخلوا فحياتك الشخصيه اقرأي كتير عن الثقه بالنفس. انت الحل عندك للمشكله دي حاجتين انك تقربي من ربنا لان دا هيوصلك لسلام وتصالح نفسي كبير والتاني انك تزودي ثقتك بنفسك وباين عليكي انك انسانه ناجحه وانا واثق انك هتقدري تتخطي دا وهتبقي حاجه كبيره فالمستقبل وانا عارف انك عندك احتياج للمشاعر والكلام الحلو بس اوعي تكلمي ولاد هتندمي العمر كله قاومي واستمري وحاولي تعملي صحاب وادعمي نفسك دايما قولي انا هقدر انا جميله انا حابه نفسي انا شاطره انا قويه دايما شجعي نفسك قولي لنفسك الكلام الحلو الي نفسك تسمعيه بعدين وربنا ييوفقك

دا اكيد بسبب حاجه حصلتلك ممكن وانت صغيره واعتقد الحل هنا هيبقا صعب عليكي لوحدك انصحك تروحي لدكتور نفسي مش معناه كده انك مجنونه بالعكس دا عشان انت عندك عقده من الموضوع ده وهو هيخرجك منها إن شاء الله

ربنا يوفقك

ربنا امرنا بغض البصر طول مانتي مش بتغضي بصرك وبتبصلي لكل الولاد فانت عمرك ما هيملى عينيكي راجل فا غضي بصرك دائما الولاد الي ماشيه فشارع قرايبك صحاب اخواتك اي كانو مين كان في راجل بيقول ان مراته دي جميله جدا جدا جدا مع ان شكلها عادي مش حلو ولا وحش بس هو بيغض بصره فا شايف انها أحلى وحده فلعالم انما لو كان بيبص على الي رايحه والي جايه والله لو متجوز ملكه جمال الكون ما هتملى عينو وهتلاقي بيخنها بعدين او بيطلقها او او لانو شويه تعجبو دي وشويه تعجبو دي وشويه تعجبو دي فانت نصفس النظام لو فضلتي تبصى على كل الشابب لو اتجوزتي اجمل راجل. مش هيعجبك وتقولي يارتني اتجوزت الاحلى فا غضي بصرك وقربي من ربنا اكتر

كان بيحصلي ودا اغلبه من الشطان قربي من ربنا اكتر وخلي لسانك. دايما بيذكر ربنا واستعيذي بالله من الشطان لو جاتلك فكره مش كويسه

العلاقه الي بدايتها لا ترضي الله نهايتها لن ترضيك دا اولا ثانيا لو استقريت على قرار انك ترجع تكلمها يبقا روح اخطبها احسن

خشي على اليوتيوب واكتبي الدكتور وليد الثقه بلنفس. عامل فديو جامد جدا بيشرح فيه النقطه دي بلتفصيل

حاولي تشوفي حل للمشكله على النت وقربي من ربنا وكتري من ذكر الله وقتها هتلاقي الشهوه اختفت إن شاء الله

الي انت بتكلميه ده بني ادم زيه زيك لازم تعرفي ان كلنا بشر وكلنا عندنا عيوب الي انا بكلمه ده هو مش احسن مني فحاجه غير انو دارا عيوبه او قومها فلازم تزودي ثقتك فنفسك ومش مهم اتكلمي مره واتنين وتعمدي الكلام مع الاشخاص دي هتتحرجي مره واتنين بس بعد كده المشكله هتختفي

اولا الموت مش وحش الموت هو انتقال من حياه لحياه اخري لو انت عملك صالح هيجيلك ملك الموت بشكل جميل جدا والملايكه بشكل جميل وهيبشروكي بلجنه وهتموتي كانك روحتي فنوم وبعدها هتخشي القبر هيبقا جزء من الجنه وهتشوفي مكانك فلجنه فيه وهتعملي فيه كل الي انت عايزاه وهيبقى على امتداد بصرك فا لو كده انا نفسي اموت حالا وبعدين الوساوس دي من الشطان فا ايتعيذي بالله من الشطان ومتستلميش للكلام ده المؤمن القوي خير وأحب الى الله من المؤمن الضعيف

الشخص ده انت هتكملي معاه بقيت حياتك فا مش هينفع تكوني مش مرتاحه معاه او مش حباه الناس الي حواليكي مش هتخسر حاجه انت الي هتبقي مش مرتحلله ولا حباه كزوج وهو قدامك طول اليوم ما علينا بانو شخص محترم وكويس بس مفيش توافق فا صلي صلاه استخاره وربنا معاكي

حاول تعرف والدتك واخواتك وتاخد تلفونها منها ولو هددتك تاني قلها انك رحت القسم وبلغت وادتلهم التلفون