𝙈𝙧-𝙈𝙐𝙪𝙝𝙘𝙮𝙣𝙣 𝘼𝙢𝙖𝙘𝙝𝙖𝙝 𓀛𓁟

رد الإساءه بالحسنى ( خُلُق حسن ) لكن للأسف في الزمن دا لازم تردي عشان الناس بقو بيشوفو الطيبه والأخلاق ضعف.. لازم تثبتي قوتك في مره عشان تخلي أي حد يخرس

لو عايزه تتخني بسرعه ( ولو اني مش حابب كدا ) كلي حاجات دهنيه كتيره مع كولا كتير وماتتحركيش كتير.. هتتخني بسرعه.. بس الافضل انك تمشي مع وصفات طبيعيه.. من عند العطار خصوصاً.. بلاش الحاجات اللي في الصيدليه في الموضوع دا

ساعات النفسيه بيكون ليها دور كبير جداً، و ف نفس الوقت قلة الحركه والمجهود.. وبردو السكر الكتير او الاكل السريع والبيبسي وكدا.. ف لازم تظبطي الحاجات دي كويس وتبطلي تركزي مع نفسك كتير عشان دا هيضغطك ويوترك وهييجي بنتيجه عكسيه

انا مش عايز أكون بأڤور.. بس أغلب الوساوس بتكون شياطين أو بتكون النفس اللي بردو زيها زي الشياطين.. اعتقد ان افضل حل هو انك تردي ع نفسك وتردي ع الوساوس دي سواء رد صريح بإجابه عاديه زي مثلا ( لو ماكلتيش دلوقتي هتخسي ويبقا جسمك شكله وحش ) تردي وتقولي ( لا مش هخس ان شاء الله واصلا مش جعانه، لما اجوع هاكل ) طب اذا اتكرر الموضوع.. تردي رد غير صريح وهو ( التجاهل ) ودي اكتر حاجه بتضايقهم..+ بردو حاولي تقولي اذكار كتير خصوصا آيه الكرسي + آخر آيتين من البقره وبإذن الله الموضوع هيتحسن.. لكن اهم حاجه تعملي دا

اتكلمو عن الموضوع من باب الإسقاط والتلميحات الأول.. ولو فيه تجاوب.. اعترفو

الارتباط بيكون حب ( غير رسمي ) الخطوبه والجواز بيكونو حب ( رسمي ) الصداقه هي حب ( رسمي وغير رسمي في وقت واحد لكن بشكل مختلف )

موضوع التغير في الميول وفي الافكار والمعتقدات والدين حتى.. بقا منتشر اوي الفتره دي والموضوع دا مقصود وممنهج.. سواء الحاجات اللي بتتحط في المياه او الاكل او الادويه او الهوا او حتى في الترددات الصوتيه والمرئيه.. ف حاول تبعد نفسك قدر المستطاع الفتره دي عن الفون والانترنت.. ولو تقدر تروح مثلا شهر او شهرين في مكان ريفي هادي ومنعزل يبقا افضل.. وافتكر دايما ان الطبيعه هتكسب، لكن انت لازم تقاوم بردو.. والتوفيق من عند ربنا

الدنيا مش محكمه.. المحكمه في الاخره.. ساعات ربنا بيحاسب ف الدنيا قبل الاخره.. وساعات بيخليها للاخره بس.. لكن جايز الحكمه من الوجع عموماً هي ان الناس ترجع للطريق الصح تاني، او تكفير ذنوب، او تقوية الناس، او الاهم.. وهو ان الدنيا تصغر في نظرنا.. الموضوع ليه تفسيرات كتيره وجوانب كتيره مش هينفع اتكلم فيها بشكل عشوائي لأني مش اعرفك شخصيا ولا اعرف حياتك عامله ازاي.. لكن حاولي تسيبي الدنيا لصاحبها، بطلي تفكري كتير وتخططي كتير.. اتجاهلي الدنيا شويه

حاولي تفكري فيها بطريقه مختلفه، وبعدين شوفي ادوارها معاكي اي ف الحياه.. وواحده واحده نفسك هي اللي تفوقك وتقولك بلاش هبل ودوري ع مصلحتك

يُستحسن ان كل حاجه تتكتب في الزمن دا، عشان يبقا كل حاجه مذكوره والحقوق محفوظه. محدش عارف الناس نفوسها بتتغير امتى

الموضوع هيحتاج منك امكانيات ووقت ومجهود.. الشغل اونلاين بالظبط زي الاستثمار.. لازم ترمي فلوس الاول وبعدين تستنى النتيجه

بصراحه انا شايف الخروف أحلا، لكن هي وجهات نظر.. لأن اللحمه بتكون كويسه وطعمها حلو

العضلات ملهاش دعوه بالبروتين اصلا لكن اتبع نظام كويس في الاكل واتمرن كويس ونام كويس وبطل تركز مع النتيجه عشان دا هيؤثر بالسلب عليك

اتخلصي من الشعور دا بإنك تعترفي بيه وبعدها فوراً تختفي لمدة اسبوع

تقبل كل حاجه وارضى.. الموضوع صعب انا عارف.. لكن هو دا الحل

مفيش اجابه واضحه تقدر تشفي الوجع.. لكن الموضوع بالنسبالك مهم ومرتبط بمشاعرك، لكن انا هقولك ان المشاكل وارد تحصل.. حتى لو حاجات تافهه.. بس مش دايما بيكون معناه ان الموضوع انتهى.. لكن في نفس الوقت عودي نفسك ع الوحده وانك ماتتعلقيش ب حد زياده عن اللزوم

قللي السكر والحاجات اللي ملهاش لازمه + العبي تمرينات كل يوم حتى ولو خفيفه

الحب مش بالعافيه.. لكن ممكن تلفتي نظره بحاجات كتيره، ودا هيكون اعجاب مش حب.. لكن الاجتهاد مش عيب خالص، بس اهم حاجه تكوني صريحه معاه ومع نفسك

مفيش حب بيختفي او بتقل وتيرته مع الوقت.. الا لو كان حب مؤقت لاي سبب كان.. الحب الحقيقي هو انك تفضل تحب الشخص كل يوم بنفس الشغف ( مع اعتبار الاختلافات والمشاكل اللي ممكن تحصل)

اتعلم من مبدأ التسليه، لأنك لو اتعلمت من مبدأ العلم مش هتقدر

طور نفسك في الدين + طور نفسك معلوماتيا وثقافيا + طور نفسك جسديا ( اهم حاجه انك في ظل التطوير دا اوعا تتابع نفسك او تخلي حد يتابعك ويقيمك، خلي الموضوع عفوي وتلقائي وهتلاحظ الفرق بنفسك بعد فتره من كلام الناس)

انا مش عايز اكون بقول اي كلام، بس لأني مريت بحاجه شبيه ل دي، ف بنصحك انك تقللي اكل وتكتري مياه وتحاولي تلعبي تمارين بسيطه كل يوم + اشربي لبن وكلي زبادي كتير الفتره دي وبإذن الله خير

تاريخ وحاضر ومستقبل المكان + اخلاق المكان وطبيعة العاملين فيه

صلي واقرأ قران كتير + واجه الخوف دا.. يعني انت بتخاف من التجمعات وكدا.. اجبر نفسك انك تبقا وسط تجمعات.. عشان مره ف مره هتتعود والموضوع هيبقا عادي + فيه فرق بين انك تخاف من التجمعات وبين انك تقرف او تزهق م التجمعات

الموضوع هياخد وقت.. بس حاول تطور من نفسك وتركز ع نفسك وتمشي في طريق ربنا.. وربنا هيتكفل بكل حاجه

الموضوع عادي جداً.. طالما دا حاجه بتريحك.. اعملها.. والوالد هيقتنع مع الوقت

الموضوع بادئ من نفسك انتي.. لازم تشوفي نفسك حلوه وتكوني راضيه عن نفسك وتبطلي كل شويه تقارني نفسك بحد مختلف.. الجمال مش واحد.. والحب والاعجاب اقدار.. الاجتهادات مطلوبه اه والتطوير مطلوب، لكن بلاش يكون الموضوع هوس

اعملي محاوله اخيره مع جوزك ومع اهلك، يعني محاولتين في نفس الوقت.. وخلي اهلك هم اللي يكونو اصحاب الفكره عشان لو الموضوع فشل يكتشفو ان فعلاً عندك حق، واعملي محاوله اخيره مع جوزك عشان يعرف قيمتك.. انتي مش خدامه عند حد.. وفي الاخر اتمنى ان ربنا يهدي الحال يعني

خلاص يبقا امشي ع الخطوات ومفيش مانع انك تاخدي حاجه تقلل احماض المعده وتاخدي مكملات وڤيتامينات.. لأن واضح ان المشكله في الاكل او المواد اللي بتدخل الجسم نفسها مش من الجسم نفسه

كل حاجه في الدنيا دي نصيب، حتى الحب هو كمان نصيب.. مفيش مقياس معين لأي حاجه.. كل حاجه بإيد ربنا.. واحنا مش بإيدينا غير اننا نحاول وندعي ونعمل اللي علينا. أما الناس.. ف أغلبهم كانوا دايما مش بيشوفو الحاجات الحلوه غير بعد اوانها

هتفضل بردو الحقيقه احسن من الوهم، والشجاعه احسن من الخوف.. وفي النهايه دا قدر.. بس لازم تعملي اللي عليكي، وربنا يوفقكو وتحبو بعض وتدخلو بقا ف جو البلوكات والتلقيحات بالاستوريز وبعدين تتجوزو ان شاء الله

الحقيقه المره أحسن من الوهم اللي طعمه حلو، وبعدين ليه بتفترضي الأسوأ!! ما يمكن يطلع بيحبك ومتردد هو كمان

ساعات كتير بيكون النفسيه ليها دور كبير جداً + ساعات السكر والملح والبيبسي والاكل السريع بيعمل خلل في الهرمونات.. ف تلاقيكي فجأه زيدتي وفجأه خسيتي

صغيره كام سنه؟ وفيه ماضي للموضوع دا ولا وليد اللحظه؟

فيه اكواد لشركات الاتصالات وفيه حتى خاصيه في التليفون بتمنع اي رقم غريب يتصل، بس ريحي دماغك وهاتي خط جديد احسن