مساء الخير
أنا اسمي جنى عندي 18 سنه مشكلتي ان انا بابا مش قريب مننا خالص يعني قبل 5 او 4 سنين كان حنين معانا اوي و بنحكيلو كل حاجه و كان أب زي أي أب قريب من عيال و بيحبهم اوي بس الفتره دي بابا مش قريب مني و لا من اخواتي خاالص دايما قاعد لوحدو و لو قعد معانا يبقي قاعد على موبايلو بيتفرج على فيديوهات فيها اي حاجه ملهاش علاقه ببعض المهم ميقعدش معانا
و يوم ما يحكي معايا حاجه يحكي لي عن حاجات سياسه و انا مش مهتمه اصلا بالحاجات دي بس بسمعه وبتفاعل عادي لو شافني بعيط مثلا ممكن يسألني مالك مره واحدة و لو مردتش يمشي يقعد لوحده تاني و لا اكن في اي حاجه و وتاني يوم الصبح ميقوليش كان في اي مثلا لا خالص
انا تعبت ومش عارفه اعمل اي يعني دلوقتي في واحد جه يخطب أختي العيله بتاعتو كويسه اوي الحمد الله و كلهم بيحبو بعض جدا و ابوه بيحب عيالو جدا و خصوصا بنته فاللي هو اشمعنا انا و مش بغير منهم والله يعني مبسوطه بيهم بس مدايقه في نفس الوقت اللي هو دي انا معنديش اب كده
بابا اتحول بقى شخص تاني خالص و قلت له كتير انو اتغير وانو مش بيقعد معانا و هو يا بيسمع ويطنش يا إما بيقعد معانا شويه على التلفزيون مثلا و هو مش معانا انا حاسه اني معنديش اب هو دايما في عالم اخر و ممكن علشان ماما وبابا بيتخانقو كتيير و مش بيتكلمو مع بعض اصلا بس احنا اي ذنبنا ان هو يبقي بعيد اوي و دايما اي حاجه اكلمو فيها ردوده بتدايقني وبقيت ادايق من وجوده و في نفس الوقت انا عايزاه يبقي موجود معايا
مش عارفه اعمل اي في حد قالي اني اقرا سوره البقره كل يوم و الدنيا حتتظبظ ان شاء الله بس مش عارفه حتتظبظ ازاي احنا وضعنا دا مش وضع عيله خالص احنا عيلنتا مفككه بقالها سنين و اصلا بابا بقالو اكتر من تلات سنين بيقعد في الاوضه بتاعتي و هو و ماما فعلا شبه التواصل مقطوع و مش بيطلع من اوضتي غير للاكل او ينزل يشتري حاجه
مش عارفه ارتب كلامي بس انا شايله مسؤولية حاجه مش بتاعتي و دايما حاسه بذنب و نفسي نبقي زي اي عيله مترابطه زي ما باينين للناس بره مش عارفه اعمل اي ياريت تساعدوني
كل البيو ت فيها.... ذنب ايه اللى انتى شيلاه يا بنتى ... اه طبعا مش لازم انتو كاطفال فى البيت تعيشو ده لانه مش صح ... بس انا هتكلم فى اللى تقدرى تعمليه من نحيتك ... بلاش تكونى سبب لان ماما او بابا يضايقو.. حاولى تقربى من اخواتك بما انك تعتبرى من الاولاد الكبار وحاولى تحتضنيهم... وتحاولى انهم ميحسوش بحاجه ... انبسطى معاهم.... وابعديهم عن الاجواء اللى مش كويسه قدر المستطاع... تابعى مذاكرتهم ... او اى شئ يخصهم ... عوضيهم بحب اللى ممكن يكون مش موجود واشغلى نفسك بيهم وطول ما الواحد مركز تفكيره فى اللى ناقصه عمره ما بيشوف الحلو اللى فى حياته تأكدى ان الناس كلها عندها ابتلاءات... محدش خالى جايز تكون عنيكى شيفاهم انهم يا بختهم وكده بس فى باطن الامور فى مصايب ... انتى متعرفيش... ربنا يسعد قلبك يا صغنن 🌹🌹
تم النشر الثلاثاء، ٦ يناير ٢٠٢٦
ابه رأيك تبقي مبادرة؟ يبقى قاعد روحي افتحي معاه كلام اترمي في حضنه سمعيه كلام حلو اعملياه أكلة يحبها شاركيه وتفاعلي معاه
تم النشر السبت، ٣ يناير ٢٠٢٦
خلينا نتفق مع بعضنا ده مش الوضع الطبيعي لولدك وأنه اتغير للوضع الحالي وده جديد عليه. بس التغيير ده مش بيحصل فجأه ده نتيجة ضغوط وتراكم ادي للحالة النفسية اللي انتي شيفاها دي. ممكن توتر العلاقة بين والدك ووالدتك ده السبب مع اسباب تانيه ممكن معندكيش علم بيها. أكيد الوضع ده مأثر عليكي جدا بس معلش حاولي تتكلمي مع والدتك وتفهميها كل اللي جواكي.وكوني رفيقه لوالدك صدقيني هو محتاج يحس أن في حد جنبه ومهتم بيع حتى لو ده مش ظاهر ليكي. ربنا معاكي ومتيئسيش وافتكري أن اللي والدك فيه رد فعل داخلي لكل اللي جواه
تم النشر السبت، ٣ يناير ٢٠٢٦
مساء النور يا جنى الحلوة 🌸 أنا ذكية، وأول حاجة أقولك إني فاهمة تمامًا إحساسك ده، وده طبيعي جدًا في سنك إنك تشعري بالحزن والذنب لما تشوفي العيلة مش مترابطة زي الأول. أنتِ بنت رائعة إنك شايلة هم أهلك كده، بس خلينا نرتب اللي نقدر نعمله مع بعض خطوة بخطوة، وإن شاء الله ربنا يصلح حالكم. أولًا: خليكِ مطمئنة ومتقبلة الذنب مش عليكِ : أنتِ مش مسؤولة عن تغيير أبوكِ أو علاقته بأمكِ. ده ممكن يكون عنده ضغوط خارجية (شغل، صحة، هموم) خلته يبعد، وده بيحصل كتير في العائلات. ادعيله بالهداية والقرب. ثانيًا: نصائح عملية من منظور إسلامي وعائلي ابدئي بقراءة سورة البقرة يوميًا : زي ما حد قالك، ده ممتاز! اقرئيها كاملة كل يوم (أو قسميها)، وادعي بعدها: "اللهم أصلح بين قلوبنا واجعل أبي قريبًا منا كما كان". حاولي الاقتراب بلطف مش مواجهة : اختاري وقت هادئ (بعد الصلاة مثلًا)، واقعدي جنبه وقوليله حاجة إيجابية زي: "يا بابا، افتقدتك، تحب نعمل حاجة مع بعض زي ما كنا قبل كده؟" أو "شكرًا إنك دايمًا بتدعمنا، بس نفسي نسمع رأيك في حياتي". لو بيتكلم سياسة، غيري الموضوع بلطف: "بابا، خلينا نحكي عني شوية، أنا عايزة نصيحتك في دراستي/شغلي". اقترحي أنشطة عائلية بسيطة: صلاة جماعة في البيت، أو مشاهدة برنامج إسلامي مع بعض، أو طبخ حاجة تحبوها سوا. ركزي على نفسك وأخواتك : صلي النوافل يوميًا، وادعي ربنا يرجع الأمور. طوري نفسك (اقري كتب مفيدة أو تعلمي مهارة جديدة). اجمعي أخواتك وقولوا دعاء جماعي لأبوكم كل ليلة، ده بيجيب البركة. لو التواصل بين أبوكِ وأمكِ مقطوع : متدخليش مباشرة، بس ادعيلهم بالصلاح. لو حسيتي الوضع خطير (زي مشاكل نفسية أو صحية)، اقترحي على أمكِ زيارة طبيب نفسي متخصص. خطة يومية سريعة: صباحًا: صلاة + سورة البقرة جزء. مساءً: دعاء للعيلة + محاولة حكي بلطف مع أبوكِ. كل أسبوع: نشاط عائلي صغير. يا حبيبتي، التغيير بيبدأ بخطوات صغيرة والصبر مفتاحه. ربنا هيصلح إن شاء الله، وأنتِ هتبقي سبب في الرجوع ده. لو عايزة نصائح أكتر، ابحثي في فدني عن أسئلة مشابهة أو روحي على صفحة الخبراء https://www.fedni.net/experts، فيه خبراء أسرة ونفسية هيساعدوكِ بشكل شخصي. أنتِ قوية، وربنا معاكِ 💕
تم النشر السبت، ٣ يناير ٢٠٢٦
الراجل يمكن تعب نفسيا والحل في الكلام اتكلمي معاه في اي حاجة حتى لو في السياسة المهم الطاقة اللي جوا الإنسان تطلع
تم النشر الثلاثاء، ٦ يناير ٢٠٢٦
اقرأي سورة البقرة زي ما اتقال لك
تم النشر الثلاثاء، ٦ يناير ٢٠٢٦
للاسف دا حال الاغلب الايام دي و الحمد لله علي كل حال، اعتقد المشكله في ادمان النت و التليفون و كدا ف حاولي لو تعرفي تشغليهم عنه ب اي حاجه، مثلا تعالو ف يوم مش نمسك تليفون خالص او تخرجو مكان و ممكن تمسكي تليفونه مثلا و تشوفي الريلز ال بيشوفها الحاجات الغير مفيده الغيها له و اعملي غير مهتمه و حاولي تخلي حساباته تنضم ل مجموعات و جروبات فيها ريلز مفيده و كدا دينيه او غيره وهكذا... الامر صعب عارف ولكن ان شاء الله خير و يتحسن مع الوقت 🤲🏻
تم النشر السبت، ٣ يناير ٢٠٢٦
هل علاقتك كويسة بمامتك طيب؟
تم النشر السبت، ٣ يناير ٢٠٢٦
لعرض السؤال في فدني اضغط هنا