انا عندي 19 سنه ابويا مش موجود منفصل عن ممتي و مامتي ربتني في عنف ضرب و الفاظ مش احسن حاجه
عرفت ناس كلهم خذلوني و من سنتين اتعرفت علي شخص بدا يلعب على مشاعر الوحده و عدم وجود الاب و من ذلك فحبيتو و هو معتقدش انو حبني اصلا بعد 6 شهور من ارتباطنا بدأ يطلب صور و فيديوهات(نودز) و يهددني انو يجيلي البيت لو منفذتش و حجات من القبيل ده فحاولت ابعد مره اتنين عشره كان بيؤذيني جسديا بيضربني يحرقني بالولاعه حاجات كتير و في آثار لكل ده
دخلت ناس يبعدوني عنو كرههم فيا و طلعني مش كويسه دخلت أهلي سوء سمعتي معاهم حصلي مشاكل بسببو سيبت بيتي شهر ونص
صوري الي بنزلها علي الميديا وزعها على صحابو و بقى يتكلم عليا قلعني حجابي تلت مرات في الشارع
للعلم انا مختمره و مش عايز يبعد عني و مش عارفه ابعدو كل شويه تهديدات و كلم قريبي بعتلو اسكرينات متفبركه ليا و عملي مشكله كبيره
حاليا انا سايبه بيتي و مش عارفه ارجع و خايفه ارجع اترفدت من مدرستي بسببو و بسبب الي عملو دمرلي حياتي و بعد كل ده بيقولي بحبك و متعلق بيكي انتي ملكي و ليا انا بس ياخدك يا هموتك
مش عارفه اعمل اي انا مدمره مستقبلي ضاع حياتي ضاعت اهلي لو. وصلوا لي هيبقي اقرب حاجه قبري مش عارفه أعيش بجد مش عارفه ابعدو عني ازاي لو حد عندو حل يقولي 😔❤️🩹
بصي أقوى حاجة بيهددك بيها هي الصور. وبمجرد ما تبلغي مباحث الإنترنت رقم 108، الصور دي بتتحول من تهديد ليكي لـ حبل مشنقة حوالين رقبته ومتخافيش المباحث بتتعامل بمنتهى السرية. بيجيبوه من قفاه وبيتم مسح المحتوى من أجهزته وإغلاق حساباته قانونياً. مجرد ما يعرف إنك بلغتي الابتزاز هينتهي لأنه هيخاف من السجن وقضايا الابتزاز في مصر دلوقتي عقوبتها مشددة جداً. والجملة اللي قالها يا هاخدك يا هموتك دي جناية تهديد بالقتل. لازم تعملي محضر عدم تعرض وارفقي فيه سكرينات التهديد دي. لو عندك ده بيخليه تحت طائلة القانون فوراً، ولو فكر يقربلك هيتحبس. والمجلس القومي للمرأة (خط 15115) كلميهم هما عندهم محامين متخصصين هيمشوا معاكي في الإجراءات من غير ما تتدفعي مليم. دعم اجتماعي لو أهلك ضاغطين عليكي أو خايفة منهم، المجلس ممكن يتوسط ويشرح للأهل إنك ضحية استدراج وابتزاز مش مذنبة. وحل مشكلة الدراسة يقدروا يساعدوكي قانونياً في الرجوع للدراسة لو الرفد كان بسبب التشهير ده. والشخص ده سيكوباتي بيأذيكي ويقولك بحبك بلوك نهائي مفيش أي مبرر يخليكي تفتحي معاه كلام. أي كلام معاه هو فرصة بيديها لنفسه عشان يسيطر عليكي تاني. و لو حاسة بخطر حقيقي، اقعدي عند حد من قرايبك (خالة أو عمة) يكونوا متفهمين، لحد ما الإجراءات القانونية تبدأ تفعِّل حمايتك. نصيحة أخيرة ليكي مستقبلك ما ضاعش.. أنتي لسه 19 سنة، يعني لسه بتبدأي. الفضيحة وهم بيصنعه المبتز عشان يكسرك، لكن القانون والمجتمع دلوقتي واقفين مع البنت اللي بتدافع عن نفسها تمام ،وجد والله ربنا يحفظك ويسعدك
تم النشر الأحد، ١٥ مارس ٢٠٢٦
بصي الكلام اللي حكيتيه ده اسمه ابتزاز وعنف، وده جريمة كاملة مش حب. الشخص ده واضح إنه بيستغلك وبيهددك عشان يسيطر عليك، ولو فضلتي ساكتة هيفضل يتمادى أكتر. أول خطوة لازم تقطعي أي تواصل معاه فورًا، ومتبعتيش له أي صور أو ردود تاني. احتفظي بكل الرسائل والتهديدات كسكرين شوت لأنها دليل عليه. ثاني حاجة ضروري جدًا تدخلي حد كبير من أهلك أو حد تثقي فيه، لأن مواجهة الشخص ده لوحدك صعبة. ولو استمر في التهديد تقدري تبلغي مباحث الإنترنت، والابتزاز الإلكتروني بيتاخد بجدية كبيرة وبشكل سري كمان. متخليش خوفك منه يخليه يتحكم في حياتك. اللي عمله غلط وهو اللي المفروض يخاف مش انتي. واحنا ف ايام مباركه ادعي ربنا يصلحلك الحال .
تم النشر الأحد، ١٥ مارس ٢٠٢٦
اتصلي بخط نجدة الطفل هما أكتر ناس يقدروا يساعدوكي في التوقيت الحالي ويحموكي ده رقمهم 16000
تم النشر الأحد، ١٥ مارس ٢٠٢٦
يا حبيبتي، أنا ذكية هنا معاكِ، وأنا آسفة جداً على اللي مريتِ بيه.. ده مش حب، ده عنف وابتزاز، وأنتِ مش مذنبة خالص. أنتِ قوية وبتقدري تخرجي من ده كله بإذن الله. خلينا نرتب خطوات عملية دلوقتي عشان تحمي نفسك وترجعي حياتك: 1. السلامة أولاً (ابتعدي عنه فوراً): احظريه من كل حاجة: تليفون، سوشيال ميديا، كل حاجة. غيري رقمك لو تقدري، أو استخدمي تطبيقات زي "Truecaller" عشان تحجبي الرقم. لو هدد تاني أو نزل صور، روحي الشرطة فوراً وقدمي بلاغ (ده جريمة: ابتزاز، عنف، نشر صور خاصة). خدي معاكِ أي دليل (سكرين شوت، رسايل). في مصر، في وحدة مكافحة العنف الأسري والنسائي في الشرطة، هيساعدوكِ. متخرجيش لوحدك، ولو قرب أو قلعك حجابك تاني، صيحي ولمي الناس حواليكِ واتصلي بالطوارئ. 2. ارجعي بيتكِ خطوة خطوة: كلمي أمكِ أو قريب موثوق (مش اللي عمل مشكلة قبل كده) بهدوء، قوليلهم "أنا نادمة وخايفة، عايزة أرجع وأصلح". الله يغفر ويصلح، وأنتِ تقدري ترجعي أحسن. لو مش قادرة، دوري على مكان آمن مؤقت زي بيت عمة أو خالة موثوقة لحد ما تهدي الأمور. 3. المدرسة والمستقبل: كلمي مديرة المدرسة أو مستشارة، اشرحي اللي حصل باختصار (بدون تفاصيل شخصية)، واطلبي فرصة رجوع. أنتِ 19 سنة، مستقبلكِ مش ضاع – ركزي على الدراسة دلوقتي، وادرسي أونلاين لو لزم. ابدئي روتين يومي: صلاة، قرآن، وحددي هدف صغير زي "أدرس ساعة كل يوم". 4. دعم نفسي وروحي: توكلي على الله، قولي "حسبي الله ونعم الوكيل" كل ما يجيلك خوف. أنتِ ملكة عند ربنا، مش ملك لحد. في Fedni، دوري على خبراء في "الصحة النفسية" أو "الاستشارات الأسرية" هنا: https://www.fedni.net/experts – هما هيقدموا استشارة خاصة بيكِ. كمان ابحثي أسئلة مشابهة في Fedni عشان تشوفي حلول ناس تانية. أنتِ مش لوحدك، وده هيعدي إن شاء الله. ربنا يفرج همكِ ويحميكِ يا قمر ❤️🩹
تم النشر الأحد، ١٥ مارس ٢٠٢٦
اللهم امين
تم النشر الأربعاء، ١٨ مارس ٢٠٢٦
إن شاء الله خير وانا هبدأ اتخذ اجراء قانوني قريب جدا و شكرا لكل حد كتبلي كلمه شجعتني او وقف معايا بجد
تم النشر الأربعاء، ١٨ مارس ٢٠٢٦
محاضر وربنا يقويكي
تم النشر الأربعاء، ١٨ مارس ٢٠٢٦
يعني ولا دنيا ولا اخره؟ انتي لسه صغيرة ومش معني ان حصلنا مشاكل مهما كان حجمها نقرر اننا ننهيها ولقد خلقنا الانسان في كبد ، ان بعد العسر يسر ،الرسل كلهم كان بيحصلهم مشاكل و اهاليهم كانت بتموت والناس اللي بيحبوها هل بعدها قالو لا لازم ننهي حياتنا و كده الكون وقف؟ لا كل اللي حصلك هينفعك قدام انتي مش شايفه ده دلوقتي و هتقولي ازاي هينفعني بعد اللي حصلي ده كله هقولك لو علمتم ما في الغيب لخترتم واقعكم صدقيني مفيش حاجة بتحصل الا لو فيها خير حاولي تبداي حياتك من الاول بعد ما تاخدي حقك احبسيه و ابعدي عن مكانك ابعدي عن كل حاجه ممكن تأذيكي حتي لو اهلك اللي بيعدي عليكي دلوقتي مؤقت و ده كله صدقيني هيخلص ان بعد العسر يسر ربنا هيكرمك الصبر علي المصاعب اجرة كبير عند ربنا و حياتك ليها لازمه حتي لو انتي مش شايفه ده هقولك ليه ربنا خلقك صدقني مفيش حاجه بتحصل غير لما يكون وراها حكمه
تم النشر الاثنين، ١٦ مارس ٢٠٢٦
خدي اسكرينات وسجلي المكالمات بتاعته بس بلاش من نفس الفون اللي بتكلميه منه يعني مثلا لو كلمك كول سجليها لكن هاتي فون خارجي و سجليها بيه عشان ميعرفش ولو تقدري تجيبي شهود وللاسكرينات اللي متفبركه ليكي و اسكرينات لكل حاجه سواء صورك او شاتات واطلعي اعملي محضر فيه و متخافيش هيقفو معاكي وهتعملي اكتر من محضر تهديد بالقتل وسب واعتداء حرفيا هتندميه علي اليوم اللي فكر يكلمك
تم النشر الاثنين، ١٦ مارس ٢٠٢٦
فعلا
تم النشر الأربعاء، ١٨ مارس ٢٠٢٦
بلغي عليه، الانسان مينفعش يبقا طيب زيادة عن اللزوم او مش عايز ناس تزعل منه زيادة عن اللزوم ، لازم تحمى نفسك، وطبعا ده كلو بسبب العلاقة المحرمة، الي بيعمل علاقة محرمة بيكون راجل مش كويس فتتوقعي منه ايه غير كدا، ولو اتجوزتي راجل مش صالح هيحصل مشاكل كتير، لسه كان فيه حادثة عن واحد موت مراته بالضرب وهي حامل، تتوقعي ايه من حياة اتنين مش صالحين او حد فيهم، وان شاء الله هترجعي كويسة
تم النشر الأربعاء، ١٨ مارس ٢٠٢٦
ربنا يحفظك
تم النشر الأربعاء، ١٨ مارس ٢٠٢٦
شوفي حد كويس من اهلك يكون بعيد عن المكان ده وروحي اقعدى عنده شويه وحولي تبعدى عن البيئه دى خالص واى حاجه ليك علي التواصل الاجتماعي احذفيها واعمل حسبات تانيه وهميه وروحي اقرب قسم اعملي محضر بالواقعة وربنا يسترها عليك ويحفظك من كل سوء
تم النشر الأربعاء، ١٨ مارس ٢٠٢٦
يارب
تم النشر الأربعاء، ١٨ مارس ٢٠٢٦
الحل الوحيد اللى مفيش غيره تخدى اسكريناتك و حوراتك دى و الاذى اللى سببهولك و من سكااات كده تموتى قلبك و تلغيه وتطلعى على القسم و تستاهلى اللى يجرالك لو اتنازلتى
تم النشر الاثنين، ١٦ مارس ٢٠٢٦
حاضر
تم النشر الاثنين، ١٦ مارس ٢٠٢٦
عارفه ان اللي حصلك صعب بس ربنا هيعوضك ب ده كله خير و هينتقم منه و علي الاقل اتعلمتي انك متقربيش من اي حد بسهوله و تحافظي علي مشاعرك و ترجعي حقك و متسمعيش كلام حد حتي لو بيهددك وتاخدي اجراءات فورا منغير ما تستني
تم النشر الاثنين، ١٦ مارس ٢٠٢٦
هحاول بس البني ادم ده دمرلي حياتي
تم النشر الاثنين، ١٦ مارس ٢٠٢٦
بلاش تستسلمي لفكره الانتحار خليكي واثقه في ربنا واغتكري ان بعد العسر يسر
تم النشر الاثنين، ١٦ مارس ٢٠٢٦
بعيده عني للاسف كنت عايزة ابقي معاكي
تم النشر الاثنين، ١٦ مارس ٢٠٢٦
انا من شبرا
تم النشر الاثنين، ١٦ مارس ٢٠٢٦
ربنا معاكي و ربنا احن من كل البشر اللي في الدنيا صدقيني كل حاجه هتتحل قوليلي انتي منين ؟
تم النشر الاثنين، ١٦ مارس ٢٠٢٦
عارفه بس انا نفسيا م قادره و محدش جمبي و بموت حرفيا
تم النشر الاثنين، ١٦ مارس ٢٠٢٦
انا هعمل كد فعلا بكرا بس انا وصلت ل مرحله اني هموت نفسي و فعلا هعملها
تم النشر الاثنين، ١٦ مارس ٢٠٢٦
يارب بجد
تم النشر الاثنين، ١٦ مارس ٢٠٢٦
ربنا يعينك ع الحياة ياصديقى
تم النشر الاثنين، ١٦ مارس ٢٠٢٦
لعرض السؤال في فدني اضغط هنا