أنا فتاة عمري 16 سنة، لدي صديقة مقربة واحدة (لا أثق بالناس بسهولة ولكني أمنحها الأمان)، وهي فتاة عسولة وخلوقة وبريئة ونقية جداً لكنها تثق بالناس بسهولة وهذه مشكلة. لدينا صديقة ثالثة أعرفها منذ زمن، وهي مصلحجية ولا تحب نجاح الآخرين وتحاول دائماً التقليل منهم. عندما رأيت صديقتي المقربة تتقرب من هذه البنت وتتأثر بها سلبياً، شعرت بالخطر عليها وقررت تحذيرها بوضوح. الآن أشعر بتأنيب ضمير ووسواس عما إذا كان تدخلي هذا صحيحاً أم لا، فما رأيكم؟
بصي يا بنت الناس انتي جدعة ومتربية ومفيش أي حاجة تأنب ضميرك عليها انتي عملتي الصح وصاحبتك الرقيقة دي كانت هتضيع وتتشتت في وقت صعب وهي داخلة على ثانوية عامة يعني مستقبلها كان هيتبهدل بسبب البنت التانية المصلحجية وانتي لما روحتي كلمتي مامتها ده مش معناه إنك بتفتني أو بتبوّظي سمعة حد لأ خالص انتي كده بتنقذيها وبتحميها عشان هي طيبة زيادة عن اللزوم وبتثق في أي حد ومامتها نفسها وثقت فيكي وشايفاكي البنت العاقلة اللي تطمن على بنتها معاها وموضوع الأبليكيشن اللي مش راضي يفتح ده كرم ولطف من ربنا عشان يبعدها عن الحوار ده خالص فريحي قلبك وميجيلكيش وسواس وتأنيب ضمير ومتقوليش وأنا مالي لأن الصاحب الجدع هو اللي بيقف في ظهر صاحبه ويحميه لما يشوفه رايح لطريق غلط وانتي عملتي بأصلك وبزيادة وربنا يجازيكي خير على جدعنتك دي ركزي في مصلحتك وثانويتك انتي وهي وربنا يوفقكم
تم النشر الأحد، ١٤ يونيو ٢٠٢٦
أختي العزيزة، أول حاجة أحب أقولها لكِ إن شعورك بالوسواس ده طبيعي جدًا، خاصة إنكِ بنت حساسة وبتحبي صحابكِ بصدق. اللي عملتيه مش تدخل في حاجة متخصكيش، ده كان نصيحة وتحذير من ضرر واضح، وده من باب الإحسان والرعاية اللي ربنا بيحبه. صاحبتكِ الرقيقة دي لسه صغيرة وبتتأثر بسهولة، وأنتِ شايفة قدامكِ إن التطبيق ده هيضيع وقتها وتركيزها في سنة مهمة زي تالتة ثانوي، فتحذيركِ ليها ولأمها كان تصرف ناضج ومسؤول. بالنسبة للبنت التانية اللي بتتكلمي عنها، أنتِ ما سوّتيش سمعتها قدام الناس، أنتِ بس وصفتي تصرفاتها اللي هي نفسها عملتها معاكِ قبل كده، وده عشان تحمي صاحبتكِ الجديدة. اللي بيحصل دلوقتي هو إن الوسواس بيخليكِ ترجعي للورا وتشكي في كل حاجة عملتيها، وده شيء شائع لما الإنسان يكون عنده ضمير حي. لكن خليني أسألكِ سؤال بسيط: لو ما قلتيش حاجة وصاحبتكِ ضاعت في التطبيق وفشلت في دراستها، كنتِ هتحسي براحة ولا بندم أكبر؟ الإجابة واضحة، وده بيثبت إن نيتكِ كانت سليمة. نصيحتي لكِ دلوقتي إنكِ تركزي على تهدئة نفسكِ بالدعاء والاستغفار، وتذكري إن الاختيار في الآخر راجع لصاحبتكِ وأمها. أنتِ عملتِ اللي عليكِ، والباقي مش مسؤوليتكِ. حاولي تحطي حدود واضحة مع البنت التانية عشان ما تتأثريش بيها تاني، واستمري في دعم صاحبتكِ الرقيقة بدون ما تتحملي هموم زيادة. لو الوسواس ده مستمر ومأثر عليكِ، جربي تكتبي أفكاركِ في ورقة كل ما يجي لكِ، عشان تخرجيها من دماغكِ وتشوفي الحقيقة بوضوح أكتر. أنتِ بنت طيبة وبتحبي الخير للناس، وده شيء يستاهل التقدير. لو عايزة تتكلمي أكتر عن الموضوع أو عن أي حاجة تانية، أنا هنا.
تم النشر السبت، ١٣ يونيو ٢٠٢٦
انتي عملتي الصح
تم النشر الأحد، ١٤ يونيو ٢٠٢٦
عادي ولا تأنيب ضمير ولا حاجه اللي عملتيه صح
تم النشر السبت، ١٣ يونيو ٢٠٢٦
هى مش حاجه وحشه لكن صاحبتك الرقيفه دى لو عرفت نش هتفهم الموضوع بالمنظور بتاعك .. ف انا شايف لو الموضوع اتكرر ف اى حاجه تانى ممكن تبقى تتكلمى مع صحبتك الرقيقه دى منك ليها احتراما ليها وحبا فيها أتقد الطريقه دى اشيك وافضل من الاولى
تم النشر السبت، ١٣ يونيو ٢٠٢٦
لعرض السؤال في فدني اضغط هنا