انا طالبة جامعية فكنت بفكر اني احضر للدكتوراه وكنت خايفة اكون متسرعة في القرار وان اكون دكتورة في الجامعة لمجرد اللقب أو اخترت طريق مش هقدر اكمل في خاصة اني بتعب نفسيآ لما بضغط في الدراسة لاكن بحاول اعمل الي عليا كذالك وغير اني شخصية انطوائية شوية فنا حاسة بالخوف وانو دا هيأثر عليا واني اخد قرار متسرع لمجرد اني مش فاهمة هعمل ايه بعد كدا أو اكمل ازاي لانو اكتشفت انو لو خلصت جامعة وقعدت في البيت بحس اني معزولة عن العالم والفراغ بيقتلني وانو حاسة انو في حاجة غلط لمجرد فكرة اني اخلص جامعة واقعد في البيت خاصة اني كنت ثانوية علمي فالطريق مكنش سهل وكمان قالولي انو الدكتوراة خاصة في مصر بتاخد وقت ممكن 8 سنين ودا عمر وانو المشكلة مش بتكون في الطالب ممكن في الإشراف الي بيصعب كل حاجة يعني مثلآ ممكن تكون مقدم حاجة ممتازة كويسة لاكن مجرد انو الدكتور مثلآ المشرف عايز حاجة من كتاب معين أو حاجة معينة هو ماشي عليها ميعجبوش الي انت عملتة وتعيد تاني وانو هيقابلني احباطات كتير من الناس الي هقابلهم ودا ممكن يزود فترة الدراسة حتي لو انا عايزة اخلص بدري يعني مش بايدي وفي جوانب اكيد تانية انا مش واخدة بالي منها بس كدا مش عارفه بقاا خايفة اتخذ قرار غلط وفي طريق تاني قدامي وهو اني اتخصص في مجالي واجتهد ع نفسي ودا محتاج بردو مجهود مش سهل وادور ع مكان اوظف في مهاراتي لاكن بفضل انو يكون ع حسب منا حابة او حسب ميولي
اتمني يكون كلامي مفهوم وتقدرو تساعدوني اتخذ قرار.
أهلاً يا كاميليا، شكراً إنك شاركتيني كل التفاصيل دي بصراحة، وأنا فاهمة تماماً إنك في مرحلة حيرة طبيعية جداً في حياة أي طالبة جامعية. قرار الدكتوراه مش قرار بسيط، وخوفك من التسرع أو من الضغط النفسي أو حتى من العزلة بعد التخرج ده شعور واقعي ومش غريب، خاصة إنك شخصية انطوائية شوية وبتحسي بالفراغ لما بتقعدي بدون هدف واضح. خليني أساعدك نفكر مع بعض بطريقة عملية. أول حاجة، اسألي نفسك سؤال أساسي: هل أنتِ فعلاً بتحبي البحث والقراءة والكتابة والتفكير العميق في مجالك، ولا الدكتوراه مجرد "خطوة تالية" عشان ما تقعديش في البيت؟ لو الإجابة الأولى، يبقى الطريق ده ممكن يناسبك رغم الصعوبات. أما لو السبب التاني، فممكن تلاقي بدائل أفضل زي التخصص المهني أو التدريب العملي اللي بيخلّص في وقت أقصر ويفتح لك فرص عمل مباشرة. بالنسبة للدكتوراه في مصر، أنتِ محقة في ملاحظاتك عن الوقت الطويل والإحباطات اللي ممكن تحصليها مع المشرفين. ده واقع موجود، ومش كل الناس بتقدر تتحمله. عشان كده، جربي تعملي خطوة صغيرة دلوقتي: ابحثي عن رسائل ماجستير أو دكتوراه في مجالك وقرّيها، وشوفي لو الموضوع بيشدك ولا بيحسسك بالملل. كمان، حاولي تتواصلي مع طالبات دكتوراه حاليين (من خلال مجموعات أكاديمية أو منتديات) عشان تسمعي تجاربهم الحقيقية بدون فلتر. أما الخيار التاني (التخصص والعمل حسب ميولك)، فده خيار ممتاز لو أنتِ بتحبي التطبيق العملي أكتر من البحث النظري. ابدئي دلوقتي بتحديد مهاراتك القوية في مجالك، وشوفي الوظائف اللي بتستخدمها، سواء في القطاع الخاص أو الحكومي أو حتى العمل الحر. ممكن تبدئي بدورات تدريبية قصيرة أو مشاريع صغيرة عشان تختبري نفسك قبل ما تلتزمي بقرار كبير. في النهاية، القرار مش لازم يكون "إما دكتوراه أو لا"، ممكن تفكري في تأجيل القرار سنة بعد التخرج وتجربي العمل أو التخصص، وده هيديكِ خبرة حقيقية تساعدك تقرري بثقة أكبر. أنتِ مش مضطرة تختاري دلوقتي، وإنك بتفكري كده ده دليل على نضجك. لو عايزة نناقش أي جزء من كلامك بتفصيل أكتر، أنا هنا. ولو حابة تشوفي أسئلة مشابهة على فدني، ابحثي عن "قرار الدكتوراه" أو "حيرة بعد التخرج" عشان تلاقي تجارب أخرى.
تم النشر الأحد، ٢٦ يوليو ٢٠٢٦
السلام عليكم ورحمه الله وبركاته. شوفي يا ست البنات في حاجات مقدرش نقررنا ولا نبقى يعني حازنين في قرارات ومتاكدين منه جدا الا لما نبدا ناخذ خطوات في الطريق ده علشان ما تلمسه هو هيكون بالنسبه لنا ايه لانه مش كل القصص زي بعضها في ناس ربنا اكرمها وعملت الدكتوراه وربنا ييسر لها الامور وما اخدتش معاها سنتين ثلاثه وفي ناس تانيه ربنا رد لهم ان الدكتور راضي يكون طريقها طويل ويكون في بعض الصعوبات وبعض التحديات وكل واحد بقى دستور يا اما يقدر بالتحديات دي يا اما هيشوف انه مش دي مش اولوياته انه طول المده ده مش هيناسبه بناء عليه بيغير طريقه ويوقف الطريقه. يعني زي المثل كده بيتقال كل طرق تؤدي الى روما اللي يهمنا ايه في الموضوع انا هدفي ايه من الموضوع يعني انا عايزه اكون دكتور علشان اللقب طيب يبقى انا مش هيفرق ليه اللقب ده هيجي امتى؟النقطه بتاعه الهدف مهمه جدا فكري كويس قوي مع نفسك انت عاوزه ايه في بقيه حياتك ايه الشكل اللي هتكوني عليه بعد مثلا خمس سنين ست سنين 10 سنين من النهارده وهتكوني فخوره بنفسك انك وصلتي بنفسك للمستوى ده في ايه بقى كل حاجه عايزه تكون ازاي كانسان عايزه تكوني ازاي كشخصيه اكاديميه يعني كدراسه اكاديميه عايزه تكوني ازاي شخصيه اجتماعيه لما تختاري لنفسك مفيش مشكله ممكن تفضلي نفس الشخص الاجتماعياته قليله ولكن اا ناجح ومتميز جدا في الجزء الاكاديمي فانت هتحطي كل جهودك في الجزء الاكاديمي عايزه تكوني ازاي كانسانه انت هتكوني على قدر اكاديميتك الكبيره ولكن هتكوني انسانه لطيفه ورحيمه بكل الطلبه مثلا اللي بتتعاملي معاها فانت كده على المستوى الانساني انت مقرره لنفس القرار وتستغلي وجودك في المكان ده علشان تحققي الهدف ده وهكذا. وجود هدف للانسان بيساعده كثير جدا في اختيار الطرق اللي هيمشي هو الطرق اللي هي متناسبهوش حتى لو كانت فيها مميزات يعني ممكن في اشخاص وقرروا نلقى انا مش عايز اخش اساله المبيعات لان مثلا فيها ضغوطات في الارقام وعايزين نحقق والكلام ده راجل هو شاطر في المبيعات ما بيختارش كريم المبيعات علشان هو شايف ان الضغوطات بتاعه النوعيه دي من الشغل رغم من الشغل ده ليه مميزات وهو عنده المهارات اللي تنجحوا فيه ولكن هو شايف ان فيه جزئيه خارج نطاق اهدافه او خارج ونطاق المميزات اللي هو بيدور عليها فلذلك بيبعد عن الطريق ده خالص وبيختار طريق ثاني يكون مناسب للهدف بتاعه اللي هو عاوز يحققه
تم النشر الثلاثاء، ٢٨ يوليو ٢٠٢٦
السلام عليكم ورحمة الله وبعد حضرتك في الاول بتصلي إستخارة ثم بعد كدا تاني يوم إن شاء الله تصحي تصلي الفجر و تدعي ربنا يدلك للطريق الصحيح و انتي حاليا بعد صلاة الفجر العقل بيكون في كامل نشاطه و تركيزه تبدأي في ورقة و قلم تكتبي مميزات و عيوب القرار دا هل هيعود عليكي بالسلب و لا الإيجاب ثم بعد كدا تبدأ تشرحي للبيت عندك فكرتك و انك مقتنعة بإيه و لعل حضراتهم النصيحة تكون معاهم ثم بعد دا كل هتبدأي تخططي بعد ما تخلصي جامعة إن شاء الله ناوية تخططي لحياتك ازاي ؟ و رجاء ترك الفكرة دي لبعد التخرج ، لأنه التفكير حاليا في دي لن يفيد و إنما الأولى و التخطيط و التفكير يكون بعد ما تنهى فترة الجامعة و بالتوفيق
تم النشر الأحد، ٢٦ يوليو ٢٠٢٦
هو انتي مخلصه كليه اي ،طيب عامة موضوع الانطوائيه ده مش حلو ومش وحش بالنسبه للبنات لازم يكون في حالك مع الاشخاص الغرب وما في ذلك اما بالنسبه للأهل لا لازم تبقي مشتركه ولك رأي وفكر وتندمجي مع العيله وكده يعني وان كان على موضوع الدراسه ممكن تختاري اكثر حاجه ترتاحي فيها وتكون مناسبه ليكي انت وتقدري عليها.
تم النشر الثلاثاء، ٢٨ يوليو ٢٠٢٦
متشكرة ع النصيحة،لا انا لسة ما خلصت.
تم النشر الثلاثاء، ٢٨ يوليو ٢٠٢٦
لعرض السؤال في فدني اضغط هنا