كنت بمسح ارقام معرفهاش عندى وبالصدفة رقم لقيتة منهم.. شفتة طلع بتاع بنت دكتورة عرفت اسمها والاكونت بتاعها ودخلت كلمتها وانا وهيا ولا نعرف بعض.. فى الاول كانت رافضة الكلام لكن قدرت اقنعها واتكلمنا واتقابلنا ومن هنا بدأت حكايتنا.. قربنا وارتبطنا وكنا لبعض كل حاجة.. قدر الله وما شاء فعل مكنش مُقدر لينا اننا نكمل ولسبب لا مشكلة فيا ولا فيها.. انفصلت عنها...
الموقف مكنش سهل عليا نهائي لكن عملت كدا لان دا الافضل... انا لسا بعزها وبجد حاسس انى تعبتها جدا وخلتها تحس شعور صعب..تعدى الايام وافتح كلام معاها تانى اطمن عليها ولقتها حرفيا زاى الشمعة الى انطفت.. شعور صعب اوى تشوف حد عزيز عليك كدا حتى لو مافيش حاجة هتبقى بنا قدام.. انا عارف انة غلط لكن اقدر اساعدها ازاى تطلع من الحالة دى خصوصا ان هيا وحيدة مالهاش حد قريب منها سواء من اهلها او صحابها ؟
السلام عليكم، رأيي بلاش تتدخل خالص، مهما كان شعورك بالذنب ناحيتها. لو خلاص تفكيرك ناحيتها اتغير ومش هي دي البنت اللي تقدر ترتبط بها رسميًا وزي ما قلت مفيش حاجة هتبقى بينكم قدام، فابعد وبلاش تفتح جروحها أو تعطيها أمل مش حقيقي، اتركها هي تتعافى وتاخد وقتها حتى لو مفيش أهل أو صحاب. ناس كتير لوحدها وبتقدر تقف على رجليها وتتخطى الألم. رجوعك لها مش هيبقى أكتر من شعور بالذنب وشفقة على حالها فبلاش، ممكن هي أصلا تكون في مرحلة التعافي ورجوعك يرجعها لنقطة الصفر. ورجاء، بلاش علاقات من دي تاني لأن مفيش من وراها غير وجع القلب واستنزاف مشاعر ولازم طرف من الاتنين يخرج منها مكسور أو حتى الاتنين. تحياتي.
تم النشر السبت، ٩ أغسطس ٢٠٢٥
أول حاجة تساعد نفسك وتخطب لانك طول ما انت كده هتفضل تفكر فيها وهي مسير الايام تعدل حالتها دي نصيحه من القلب لاخويا
تم النشر السبت، ١٦ أغسطس ٢٠٢٥
تسلم 🤝🏻
تم النشر الأحد، ١٧ أغسطس ٢٠٢٥
لعرض السؤال في فدني اضغط هنا