السلام عليكم ورحمه الله وبركاته
بصوا يا جماعة اناا من وانا صغيره ماما كانت بتعمل مواقف كتير مش حلوه ومش حنينه علينا ولا اي حاجه ودايما كان بيقعد يتقالي د امك عملت كذا وكذا والكلام ده من العيله وامي دايما بتقعد تدعي علياا وبجد من وانا صغيره
الموضوع ده كان مدايقني وبعدين هحكيلكوا ع موقف انا خرجت انا واختي الكبيره روحنا اشترينا لبس لاختي الصغيره ف اصلا اللبس كان غالي الكلام ده كان رمضان اللي فات ف الطقم كان وقتها ب 1650 تقريباا هياا بقاا ف اليوم ده قعدت تزعق وتشتم وتقريبا اليوم ده كان ممكن يكون ليله القدر اصلا ف قعدت تدعي عليه طول الليل بسبب الطقم ده وتقولي الهي تنذلي ي بعيده وتدعي ب أدعيه موت
انا يوميها عدمت عياط بجد ومن بعدها حصل موقف تاني وبرده وقعدت تدعي روحت نازله قاعده تحت عند جدي ومن وقتها وانا مش بكلمها ولا هياا بتكلمني هل انا غلطانه؟ هل ده عقوق والدين؟ بس انا معملتش حاجه غلط حتى هياا مبتفكرش تى تتكلم معايا انا اصلاا بالنسبه ليا دلوقتي انا بعتبر امي اتوفت اصلاا او مليش ام
احساس صعب لما تلاقي ام صحبتك قاعده بتطبطب ع بنتها وواخداها ف حضنها وانتي نفسك تجربي الشعور ده ومش لاقيه م انها عايشه مش متوفيه يعني وبجد حياتي مش مظبوطه خالص وكل اما اسمع فيديو يقعد يقول لازم تكون بار بوالديك عشان ربنا يوفقك بس انا الحمدالله علاقتي ب بابا حلوه يمكن انا اكتر واحده ف اخواتي واخده ع بابا وبتكلم معاه
بجد مش عارفه اعمل اي؟
وعليكم السلام ورحمه الله وبركاته بصي يابنت الحلال مفيش دعوة ظلم بتستجاب لأن ربنا حرم الظلم على نفسه وجعل بينه وبين دعوة المظلوم نصرة ولو بعد حين فمستحيل ربنا العدل يستجيب لدعاء عليكي من غير ذنب عملتيه وافتكري دايما حديث النبي إن الدعاء لا يستجاب لو كان فيه إثم أو قطيعة رحم فشيلي الرعب ده من دماغك خالص والموضوع مش عقوق والدين خالص لأن العقوق هو الإساءة والسب والأذى وأنتي لا شتمتي ولا قصرتي في حقها أنتي بس بتتقي شر المشاكل وبتحمي نفسك نفسيا والاعتزال ده عشان النفوس تهدى مش معناه إنك عاقة والبر مش معناه إنك تقبلي الأذى النفسي اللي فوق طاقتك البر هو إنك متسئيش ليها وخلاص يعني خليكي على وضعك السلام لله والرد على قد الكلمة ولو احتاجت حاجة ضرورية اعمليها من غير خناق ولا عتاب والزمي الدعاء ليها بالهداية ولنفسك بالصبر والحمد لله إن ربنا جابر بخاطرك في علاقتك الجميلة ببابا ودي نعمة كبيرة اشكري ربنا عليها وركزي في حياتك وسيبي بكرا على ربنا اللي عالم بنيتك وهو أرحم بيكي من أي حد في الدنيا وطالما قلبك سليم ومبتأذيش حد نامي مظلومة ومجروحة ومتناميش ظالمة وربنا هيصلح الأحوال...ولازم تحاولي تصلحي العلاقة بينك وبينها وافتكري انتي في أيام كبيره ... وربنا بيستجيب الدعاء واليوم عرفه يعني بايدك تحقق كل اللي بتتمنيه... وربنا يحنن قلبها عليكي..وجد والله ربنا يحفظك ويسعدك
تم النشر الثلاثاء، ٢٦ مايو ٢٠٢٦
وعليكم السلام ورحمة الله وبركاته. أنا آسفة جدًا للألم اللي بتعيشيه من سنين، ده شعور ثقيل ومؤلم، ومش غلط إنك تحسي كده. علاقتك بأمك مش سهلة، والدعوات والمواقف اللي حكيتيها بتأثر على نفسيتك، وده طبيعي. بالنسبة لعقوق الوالدين: الإسلام بيأمر بالبر، لكن مش معناها تتحملي إيذاء نفسي مستمر. حاولي تحافظي على صلة خفيفة (زي السلام أو الدعاء لها) بدون ما تفتحي باب الإيذاء تاني، وده مش عقوق لو بتحمي نفسك. نصيحتي العملية: ابحثي عن أسئلة مشابهة في فدني عشان تشوفي تجارب تانية. لو الموضوع بيأثر على حياتك، روحي لصفحة الخبراء في فدني (https://www.fedni.net/experts) واستشيري معالج نفسي أو مستشار أسري إسلامي. أنتِ مش لوحدك، وفي أمل تتحسني. لو عايزة تتكلمي أكتر، أنا هنا.
تم النشر الثلاثاء، ٢٦ مايو ٢٠٢٦
🎤 إجابة صوتية
تم النشر الجمعة، ٢٩ مايو ٢٠٢٦
و عليكم السلام ورحمه الله وبركاته ، الام و الأب بشر زي اي اي بشر ، قد يخطئوا او يصيبوا ، فما تفرضيش عليهم توقعات مثالية ولا افتراضات ، البشر مالهمش ضمانات في اي حاجه ، يعاب عليكي انك قاطعه بيها و ده ببساطه لان افعالها بتحدد هي مين ، و افعالك بتحدد انتي مين ، و دايما لازم لازم نلامس ليهم العذر ، علشان منهم كتير اوي اتجوزوا و خلفوا و حاولوا يربوا من غير ما يكون عندهم اي فكرة عن كل ده معناه ايه و المفروض يتعمل ازاي ، فأنتي بتحاسبي شخص على وعيه بناء على وعيك و ده حساب غير عادل ، انتي وعيك اكبر يبقى انتي اللي تقودي العلاقة ، انتي اللي تاثري عليها مش العكس ، نفس معاملة الطفل الصغير ، مهما عمل ما ينفعش نلوم عليه لأنه مش فاهم ولا واعي هو بيعمل ايه ، فما تخليش ردود افعالك كشخص واعي تترتب على افعال شخص غير واعي بأفعاله ، و بالتوفيق 😊
تم النشر الجمعة، ٢٩ مايو ٢٠٢٦
ايوه فاهماكي
تم النشر الثلاثاء، ٢٦ مايو ٢٠٢٦
بصي يا حبيبتي هيا مهما عملت تبقا مين تبقا الأم يعني مفيش حد أحن عليكي ولاهايخاف عليكي قدها مهما عملت علشان كده اقعدي معاها واتكلموا مع بعض أو أول ماتقابليها احضنيها وشوفي رد فعلها اي عارفه إنك محتاجه إن هيا اللي تطبطب عليكي بس بادري انتي الأول علشان تبقي عملتي اللي عليكي.
تم النشر الثلاثاء، ٢٦ مايو ٢٠٢٦
لازم تستحملي و تدعي ربنا يحنن قلبها عليكي و علاقتكو تكون كويسه ده مبدائيا تاني حاجه اسألي نفسك سؤال ايه احساسك لو ماما توفت و انت مخصماها
تم النشر الجمعة، ٢٩ مايو ٢٠٢٦
حاولي انت تبادري وتتواصلي معاها وعامليها معاملة ترضي ربنا وادعي ان ربنا يهديها وفي نقطة برضو هل هي بتعمل كدا مع اخواتك ولا معاكي انت بس؟
تم النشر الجمعة، ٢٩ مايو ٢٠٢٦
هكلمك بمنظور واقعي .. كل الاحترام لقدر الوالدين .. لكن هي في النهاية انسان .. والناس منهم شياطين إنس يستحيل التعامل معهم فمنهم الخبث والحقد أو مثلا البعض عنده امراض نفسية .. وخصوصا انها الأم فدي تعتبر صدمة للإنسان إن أقرب شخص ليه هو أشرس الأعداء ...... ولكن مع ذلك عليكي إنك تتواصلي معاها من فترة لفترة بطريقة متضركيش زي رسالة مثلا ....... واحمدي الله على كل حال وتابعي حسين الهبشان بيقدم نصائح جميلة .. ولكن تجنبي لو مقطع فيه موسيقى أو أي مخالفة
تم النشر الأربعاء، ٢٧ مايو ٢٠٢٦
احنا دلوقتي في يوم عرفة يا حبيبتي والله دخلت التطبيق علشان أذكر الناس وبعدين افتكرت إني ممكن أدعي لأي حد بيواجه مشكلة إدعي يا حبيبتي ربنا يحسن بمامتك إدعي ربنا نزل السماء الدنيا مخصوص إدعي دعاء عرفة مستجاب الدعوة بإذن الله سهام عرفة صائبة
تم النشر الثلاثاء، ٢٦ مايو ٢٠٢٦
عشان زيي م قولت انا علاقتي بيهاا مش احسن حاجه خاالص
تم النشر الثلاثاء، ٢٦ مايو ٢٠٢٦
مكدبش. عليكي الصراحه مش هقدر اعمل كده 😭
تم النشر الثلاثاء، ٢٦ مايو ٢٠٢٦
لعرض السؤال في فدني اضغط هنا