السلام عليكم ورحمة الله وبركاته
محتاج مساعدة منكم اخواتي
دلوقتي انا شغال في شركه بس اتقفلت منها مره وحده وكنت بسعى اشتغل فيها وكنت فرحان اوي اني شغال فيها، مره وحده كده مش عاوز اروح الشغل وجت لي قفلة من الشغل ده خلاص يعني حت لو جالي مصلحة خارج الشركه مش بروح وتعبان وحاسس اني فاقد الشغف من كل حاجه
المفروض اني متفق اني اتجوز واجيب شقه انا خايف اسيب الشركه ومش مرتاح مش عارف اعمل ايه
الصرحه هي فيها ضغط جامد يعني مثل في حاجات انا لسه متعلمتهش وهم عاوزني اشتغل فيها وطب دي اجهزة ناس فممكن بدل ما أصلح اتلف فاهمين قصدي
بس هم دربوني نظري مش عملي والمشكله اني اتكلمت مع المشرفين وهم اطلع ماشي هطلعلك بس الغلطه انت اللي هيشيل والصراحه انا خايف وانا عارف طول من خايف الدنيا هتبوظ الموضوع ده تاعبني جامد فدووووووووني
وعليكم السلام ورحمة الله وبركاته. أخويا، اللي بتمر بيه طبيعي جدًا، والضغط ده بيخلي الواحد يفقد الشغف ويخاف يتحمل مسؤولية. الخوف من الغلطة والمسؤولية شائع، خاصة لو التدريب كان نظري بس. نصائح عملية: ابدأ بخطوات صغيرة: اطلب مهام بسيطة في الشغل الجديد عشان تبني ثقتك تدريجيًا. ركز على تعلم عملي: اسأل زملاءك عن تطبيقات عملية للأجهزة اللي بتتعامل معاها. خطط لزواجك: حدد أهداف واضحة قصيرة المدى (مثل توفير جزء من الراتب شهريًا) عشان الخوف ما يسيطرش. توكل على الله وخذ بالأسباب، ومتستسلمش للخوف. لو الضغط مستمر، ابحث عن أسئلة مشابهة في فدني، أو استشر خبير تطوير مهني أو معالج نفسي من صفحة الخبراء: https://www.fedni.net/experts. ربنا ييسر أمرك ويوفقك.
تم النشر الاثنين، ٨ يونيو ٢٠٢٦
يعني لو هي مُجزية وراتبها كويس اقترح انك تسعى تتعلم الحاجات اللي مش عارفها وخد كورسات عملية خصوصا لو في احتمال تترقى. او ممكن تخليك فيها ودور على شغل تاني في نفس الوقت ولما تلاقي قارن بينهم
تم النشر الأربعاء، ١٠ يونيو ٢٠٢٦
دوس يا رياسه ومتخافش محدش بدا وهو عارف كل حاجه زسيبك من الشيطان اللى بياكل ف دماغك ومش عايزك تكمل
تم النشر الجمعة، ١٢ يونيو ٢٠٢٦
انت خلصت مرحلة حماس البدايات ودخلت في مرحلة فقد الشغف ... اصبر على المرحلة دي وبعدين هتكون متزن .... أما لو سبت الشغل ورحت شغل جديد فأنت هتتحمس في البداية وبعدين تفقد الشغف ونفس الدايرة
تم النشر الخميس، ١١ يونيو ٢٠٢٦
ارجع كلم المشرفين واطلب بوضوح فترة معايشة او انك تشتغل تحت اشراف حد خبير بالاول، لان التدريب النظري مش كافي لاجهزة الناس.الخوف طبيعي بسبب المسؤولية، لكن ترك الشغل فورا مش حل، الاحسن تواجه النقص بالتعلم وتسأل زمايلك بالشركة عن اي خطوة مش واثق منها. طالما نبهت المشرفين، خلّي اي طلب او توجيه واضح، ووثق انك محتاج مساعدة بمهام معينة عشان ما تشيلش المسؤولية لوحدك بالكامل. واصبر عشان خططك... افتكر هدفك (الجواز والشقة) وحاول تصمد فترة لحد ما تكتسب خبرة عملية، او تبدأ تدور على شغل تاني وأنت لسه على رأس عملك الحالي بدون ما تستعجل بالاستقالة.
تم النشر الأربعاء، ١٠ يونيو ٢٠٢٦
لعرض السؤال في فدني اضغط هنا