انا كنت كتبت قبل كده هنا اني بعاني من السحر من وانا عندي 11 سنه ومكتشفتش ده الا وانا ف أولي ثانوي وبدأت اتعب وشيوخ كتير قالو ده سحر فعلا بس حاولت كتير محطش ف دماغي عشان متعبش لكن غصب عني أنا طول عمري مستوايا متوسط كنت عام وحولت ازهر ف تالته اعدادي اول ما دخلت طلعت التالته علي المدرسه بس افتكر ايام الامتحانات كنت بدأت اشرب مايه مقروء عليها ومايه زمزم دخلت ف دوامه لما دخلت تالته اهلي قالولي متحوطيش ف دماغك بس دخلت ف دوامه التعب الجسدي والنفسي والبعد عن الناس كلها والمشاكل اللي ف اي مكان كل ما اخرج طول الوقت تايهه مش مركزه عدي عليا فتره مكنتش بعرف اقعد كنت بحس حد خانقتي و ف وقت معين كل يوم كشفت كل التخصصات حتي مخ و اعصاب مبيعديش يوم من غير ما اشكي الحمدلله الحمدلله بس تعبت اوي معنديش صحاب فجاه لقيت الكل بيبعك و القريبين بكتشف انهم لمصلحه يشهد ربنا اني مش وحشه مع حد بالعكس بدي اكتر ما باخد حتي بحس ساعات اني متشافه حلمت احلام كتير وفسرتهم علي ناس مختلفه قالو تعطيل ولازم تتعالج مصدقتش دخلت تالته ثانوي وقسمتها خدت اول سنه 5 مواد وعديت تاني سنه لقيت نفسي دور تاني ف المواد العلميه كلها والنجاح واقف معايا علي درجتين تلاته تعبت شويه و ذاكرت ودخلت الامتحانات قولت اكيد هنجح كله ناجح كنت بحلم دايما اني سقطت وفعلا ناجحه ف ال اربع مواد وساقطه ف فرع رياضه ولاقيه الكل ناجح منكرش اني لحد اللحظه دي حاسه ف حلم اول مره اشوف والدي بيعيط لاني انا الكبيره وكان حاطط امل اوي والدتي قالت لازم نقول انك نجحتي عشان انتي نفسك لاني سمعت شماته كتير وفعلا قولت كده والدي بيسافر يعني فكر انه يسفرني واخد تالته من هناك وانزل اخد اي كليه مش عارفه هل هينفع ولا لا بس لو ينفع ممكن حد يفيدني اعمل اي اعدي ازاي الفتره دي وانا مش قادره اقول لحد اني سقطت بس كان غصب عننا مش مستوعبه اني تلات سنين واصحابي ماشاءالله كلهم هيدخلوا جامعه وانا لسه
بعتذر عن الإطالة بس ارجو حد يفيدني
جزاكم الله خيرًا.
حضرتك هتحتاجي زيارة طبيب نفسي في القريب العاجل لأن مثل هذه الحالات قد تتطور لهيستيريا وهوس ذهاني.
تم النشر الاثنين، ٧ سبتمبر ٢٠٢٦
طب روحي لحد يعالجك
تم النشر الاثنين، ٧ سبتمبر ٢٠٢٦
لعرض السؤال في فدني اضغط هنا