حاسه انى تايهه ممكن مساعده
انا كنت بحب شخص بقالنا اربع سنين كان متمسك بيا وكان بيحبني بس مكنتش قريبه منه كنت برفض نخرج او كده قلت لما يكون في حاجه رسميه لحد م بعدنا بسبب مشاكل اكتشفت انو كلم واحده وانا معاه واتعلق بيها وحبها رجعلها لما بعدنا البنت دى اذته بعد فتره رجعلى حرفيا ندمان سامحته بعد محاولاته رجع بعد تانى و اتأسف وانه كان ف فتره وحشه وكان طول الوقت زعلان عشانها مع انى حاولت اقرب واعوض لحد ما بعد تانى دلوقت ورجعلها حاسه انى اتدمرت ومقهوره ليه تعمل كده مع اللي حبك بعد من غير ولا كلمه وبحاول عشانها وانا مش ف دماغه حتى مش عارفه اعمل اى معاه والله
مش تعملي حاجه قربّي من ربنا اكتر وكدا كدا دى علاقه محرمه وانتِ عارفه كدا ودى مش فيها نقاش سمعت احد الشيوخ كان بيقول ربنا اما بيشوف العبد منشغل عنه و قريب من حد تانى بيبعد الشخص دا عنه علشان يرجع لربنا تانى يعنى ارجعى لربنا والتعلق بالله يغنينا عن البشر خليكِ واثقه ان اختيارات ربنا هى الخير دايمًا والشخص اللى مشي دا هو الشر ليكِ ومتحاوليش تفكرى فى الموضوع علشان مش هتأذي حد غير نفسك ربنا يهديك ويصلح حالك
تم النشر السبت، ٤ أبريل ٢٠٢٦
يا حبيبتي، أنا ذكية هنا معاكِ، وأحس بوجعكِ تمامًا.. اللي حصل ده مؤلم جدًا، وطبيعي تحسي إنكِ تايهة ومقهورة بعد ٤ سنين حب ومحاولات. بس خليني أقولكِ: هو مش اللي يستاهل دموعكِ . رجع ليها مرات ومرات بدون كلمة، ده معناه إنه مش مستقر ومش بيقدر قيمتكِ زي ما تستاهلي. خطوات عملية عشان تخرجي من الدوامة دي: اقطعي الاتصال نهائيًا : بلوك كل حاجة (واتساب، إنستا، سناب، كل حاجة). متتابعيهوش ولا تسألي عنه، ده هيخليكِ أقوى ويفتح باب الراحة. ركزي على نفسكِ دلوقتي : حددي هدف صغير يومي كل يوم، زي قراءة صفحة قرآن أو تمشية ٣٠ دقيقة أو تعلمي مهارة جديد (زي طبخ وصفة جديدة أو كورس أونلاين). صلي النوافل وقولي "اللهم ارزقني من حيث لا أحتسب"، ربنا هيبدلكِ أحسن بكتير. من منظور إسلامي : الحب ده كان مش شرعي، وده اللي خلاه يجيب ألم. الله قال "وَمَنْ يَتَّقِ اللَّهَ يَجْعَلْ لَهُ مَخْرَجًا"، فابتعدي عن اللي يجرح قلبكِ وثقي إن الزوج الصالح جايلكِ بإذن الله. أنتِ بنت قوية وقيمتكِ أكبر من كده، هتتجاوزي وهترجعي أحسن. لو عايزة استشارة أعمق، روحي لصفحة الخبراء في فدني: https://www.fedni.net/experts – فيه متخصصين في العلاقات والنفسية هيساعدوكِ. وابحثي في فدني عن "كيف أتجاوز حب قديم" هتلاقي إجابات كتيرة. قوليلي إيه رأيكِ، أو إيه الخطوة الأولى هتعمليها؟ 💕
تم النشر السبت، ٤ أبريل ٢٠٢٦
اللة يعينك على اللى انتى فيه ويهدى قلبك بس مش بزايد عليكى والله بس مفيش ظالم ومظلوم فى علاقة ملهاش ملامح بمعنى أصح علاقة محرمة ..... لكن ركزى فى كلامى فوق هو والله ما كان بيحبك ولا عمره ما حبك انتى بالنسبة له كنت محطة مش أكتر وبالنسبة بيعرف ينام ولا لا فعادى بينام ومبيحسش بذرة زعل لأنه شايف انه انتى كنتى تمام وعادى بتكلميه وخلاص هو مش عايز يكلمك وكذلك انتى فاهمانى احنا كشباب مبنبقاش مدركين مدى تعلق البنت بينا وازاى بتعيش أوهام وسيناريوهات فاهمانى ...... لكن بالنسبة لعلاقتهم هما فلازم يحاول علشانها ويعيشها برضه الحب والحنية والاهتمام والأوهام لضمان استمرار العلاقة وفى الآخر وهتشوفى كلامى لا هيتجوزك ولا هيتجوزها .... لكن أنا عايز أقولك فين انتى من الحوار دا مش صعبان عليكى نفسك اللى هنتيها هتفضلى مشغولة كدا لحد امتى ومأذية نفسيا نصيحتى ليكى يا بنت الحلال متتابعيش علاقتهم وامسحى رقمه وكل حاجة خاصة بيه من عندك ولو تعرفى البنت ديه اقطعى معاها فورا وامسحى كل حاجة خاصة بيها علشان متتأثريش نفسيا انتى يا بنتى و حاولى تعملى عادة جديدة مثلا زى القراءه تشغلى وقتك بيها واحفظى نفسك وقلبك واهتمى بنفسك وانتظرى حلالك ربنا يرضى عنك يا بنتى
تم النشر السبت، ٤ أبريل ٢٠٢٦
طيب هو كان بيحبني بس هو أتغير بقي واحد تانى حرفيا لما عرفها انا بس ال واجعنى انو مبسوط معاها وبيحاول عشانها طيب بيعرف ينام وهو ظالم حد ازاى قدر يعمل كده مع حد بينهم عشره صدقنى هو كان كويس عشان كده دا ال تاعبني
تم النشر السبت، ٤ أبريل ٢٠٢٦
السلام عليكم أهلا بيكى ..... بصى يا بنت الحلال اللى انتى فيه دا مش حب دا اسمه تعلق ب شخص بس عايز أرد عليكى من ناحيته الأول ولازم تصدقى وتعرفى الكلام دا هو عمره ما حبك إطلاقا هو بس عايز يشغل نفسه ب حاجه ف بدأتوا تتكلموا وهنا بمجرد ما انتوا تتكلموا انسى بقى ان هو ممكن فى يوم يتقدم لك لأنك خلاص انتى بالنسبه له مجرد محطة هيعدى بيها وقته فى نفس الوقت أصلا اللى بيقنعك بيهت ب حبه واهتمامه بيكى وحنيته وكمان ممكن توصل للوعود سواء زواج وغيره لمجرد بس العلاقة تستمر مع انه فى قرارة نفسه هو عارف انه استحالة يكمل معاكى بس مضطر يعمل دا كله علشان إقناعك انتى ويوهمك تمام بمجرد بقى ما شاف واحدة وعجبته كرف لك انتى ولا كأن ليكى وجود وبدأ يغير الوجهة من الحنية والاهتمام وما شابه ليها هى الفكرة بقى اللى انتى مستغرباها لما هو اتخانق معاها ليه رجعلك وحلفلك ووعود تانى وما إلى ذلك وديه تفسيرها إن احنا كشباب لما واحد بيكلم بنت مثلا وفجأة انقطع عنها بيعانى جدا لأنه مش عارفه يشغل وقته أو مش متأقلم مع الوضع الجديد فهنا بيبدأ يرجع ويهتم ويحب اللى كرفلها ومش بعيد يتذلل لإقناعها إنه بيحبها لمجرد بس إنه يرجع تانى يسلى وقته بأى حاجه يعنى محطة برضه واللى أثبت كلامى إنه رماكى تانى وكرفلك بمجرد ما اتصالح مع التانية لازم تفهمى الكلام دا وتؤمنى بيه ........ عايز أتكلم معاكى انتى بقى انتى ليه يا بنتى بتجروا انكوا تجيبوا تروما نفسية لنفسكم وتدمروا حياتكم ومستقبلكم مفيش حاجه اسمها حب يا بنت الناس طول ما العلاقة ملهاش ملامح ومش ظاهرة قدام الناس ليه يا بنتى فتحتى باب من أبواب الشيطان اتسبب انك مأذيه نفسيا دلوقتى ربنا حطلنا قوانين نمشى عليها اتقى الله يا بنتى واعملى ليه بلوك واقع ومواقع وامسحى كل حاجة ممكن تفكرك بيه وحافظى على قلبك لحد ما يجى حلالك وواللة هتحسى معاه بالجنة حرفيا لأنه راجل جاى فى علاقة واضحة وجايلك انتى دون عن بنات العالم دا ميستاهلش تحفظى قلبك ومشاعرك ليه
تم النشر السبت، ٤ أبريل ٢٠٢٦
الله يبارك في حضرتك بجد كل تعليقات حضرتك فيها إفادة كبيرة جدًا
تم النشر الأحد، ٥ أبريل ٢٠٢٦
لعرض السؤال في فدني اضغط هنا