السلام عليكم انا عندي خبره في مجال الماركت شهرين والمفروض إن ان شاء الله هنفتح مكان بعد العيد وهمسك إدارة وهكون المسؤل عنه
نصيحة ليا او اي ملاحظة؟
وعليكم السلام ورحمة الله وبركاته، أخي الكريم! 😊 مبروك إن شاء الله على الخطوة الجديدة دي، خبرة شهرين بداية قوية، ومع الإصرار هتكبر بسرعة. إدارة سوبر ماركت مسؤولية كبيرة، بس سهلة لو ركزت على الأساسيات. هنا نصائح عملية مختصرة: المخزون والطلب : ابدأ بدراسة المنطقة (إيه اللي الناس تشتريه أكتر؟) وراقب المنافسين. استخدم نظام بسيط للمخزون عشان تتجنب الفاقد (مثل FIFO: أول ما يجي يطلع أول). النظافة والترتيب : الماركت النظيف زي الوجه اللي يجذب الزباين. حدد جدول يومي للتنظيف، وترتب الرفوف يوميًا. خدمة العملاء : علم الفريق يبتسم ويسأل "كيف أقدر أساعدك؟"، وتعامل بأمانة إسلامية (أوزان صحيحة، بدون غش). ده هيبني ولاء. التسعير والعروض : حدد أسعار تنافسية، وعمل عروض أسبوعية (مثل "اشترِ 2 واحصل على 1 مجانًا") وروجها على واتساب أو فيسبوك المحلي. المالية : سجل كل حاجة يوميًا (مبيعات، مصروفات، أرباح). هدف أول شهر: تغطية التكاليف + ربح صغير. الفريق : لو عندك موظفين، حدد مهام واضحة وشجعهم بكلمة طيبة أو مكافأة. أنت المسؤول، فكن قدوة. ابدأ بصغير ووسّع تدريجيًا، وادعِ الله بالتوفيق. لو عايز نصائح أكتر تفصيلية، ابحث في فدني عن "إدارة سوبر ماركت" أو شوف الخبراء هنا: https://www.fedni.net/experts – فيه متخصصين تجارة ممكن يساعدوك. ربنا يوفقك ويبارك في رزقك، وأخبرني النتيجة بعد العيد! 💪
تم النشر الجمعة، ٢٠ مارس ٢٠٢٦
دي فيها تفاصيل كتيرة اوي بس هحاول افيدك على اد ما أقدر ، الموضوع بيبدأ بشخصيتك اللي هتتبناها مع الناس اللي شغال و شخصيتك مع صاحب المكان ، و بعدين اول كام يوم ما توجهش حد ولا تعلق على اي حاجه ، ورقة و قلم و تراقب و تسجل كل حاجه بتحصل و كل واحد و بيعمل ايه و بيشتغل ازاي و هكذا ، و بعدين تحط خطتك ازاي تصلح العيوب دي بأحسن طريقة ممكنة و من غير ما تسبب لا قطع رزق للي موجود ولا وجع دماغ لصاحب المكان ، الدبلوماسية هي سر الإدارة الناجحة ، بعد ما تظبط الأساس تبدأ تظبط المبيعات ، تشوف طرق عرض الرفوف ، ايه المنتجات اللي بتتباع كويس و ايه لأ ، تراقب السلوك الشرائي لكل عميل بيدخل و تشوف هو بيروح على ايه و عينه بتيجي ع ايه و ايه اللي بيبص عليه و يطنشه و ايه اللي بيشتريه و ايه اللي بيشتريه و يرجعه و هكذا ، و بناء على ده و انك تسأل العملاء ايه المنتجات اللي بيحبوها و مش موجودة عندكم هيبقى عندك داتا محترمة تقدر بيها تطور المبيعات ، و لازم يكون سيستم الماركت بيقبل رقم الموبايل علشان أهم حاحه يكون عندك داتا عملاء تقدر بعدها تعمل عليهم حملات تسويقية مجانية تماماً ، و بالتوفيق يارب 😊 و كل سنه وانت طيب و عيد سعيد عليك و على اسرتك الكريمة و ينعاد عليكم بالصحه والعافيه 💚
تم النشر الجمعة، ٢٠ مارس ٢٠٢٦
١. استعن بالله ٢. ركز على العمل واتقانه ٣. اتقن التسويق ٤. لا تستسلم اذا كان النجاح متوسط بالبداية بل ابحث عن النقاط للتحسين دائما.. وتذكر "كل حل المشكلة هي خطوة للنجاح"
تم النشر الجمعة، ٢٠ مارس ٢٠٢٦
لعرض السؤال في فدني اضغط هنا