ما الحل لمشكلتي مع أمي؟

Question

انا ماما علطول شاكه فيا بشكل أو بآخر عندها اهتمام ب اخواتي الكبار اكتر مني دا مزعلني جدا منها بس هي مش مقدره دا ولو كلمتها في دا بتنفعل جدا وبتتحيز ليهم أنهم محتاجين اهتمام اكتر لاسباب ممكن نقول انها مهمه ومش عشان بردو هي مقتنعه أنهم لازم تهتم بيهم أنها تهملني بس بصراحة هي مش مهملاني يعني بضبط هي بس بتركز لو انا بعمل حاجه غلط او لا دايما شايفه اني وحشه وبعمل حاجات غلط دايما شايفه اني مش كويسه كل حاجه تهديد الموضوع كبر معاها بقالو فتره أنها هتقص شعري او أنها ممكن تعمل فيا مصيبه يعني وكبر اكتر انو بقي قدام الناس بقت تقول اني مليش لازمه واني عصبيه اوي واني صوتي عالي واني سبب مشاكل كتير اوي انا مش سببها انا رد فعل علي الكتمه الي انا فيها بسببها بردو هي مش بتقدر كل دا عايزاني بس اكون مطيعه وبذاكر عشان يكون شكلها حلو قدام قرايبنا ماما فرق السن بيني وبينها كبير اوي عشان كدا هي تفكيرها قديم ولو فكرت اقول ليها حاجه زي دي ممكن بردو تعمل حاجات كتير وتزعق وتتخانق ومن فتره قريبه اوي قلت لها اني عايزاه تسمعني ورفضت جدا بجد ووجعتني بكلامها ومشكلتي أن بعد شويه بتعامل عادي وبهزر عادي بس دي طبيعتي انا مش بعرف اشيل جوايا كتير يمكن هيا بتعمل كدا عشان انا كنت صغيره كنت بعمل مشاكل شبه اللي هي بتشك فيا دلوقتي فيها يعني ودا حقها اه انا عارفه بس انا داخله تانيه ثانوي بكالوريا يعني شهاده بردو محتاجه اكون مرتاحه نفسيا اكتر من كدا وياريت الحل الي حد يقدمهولي ميكونش اني اخلي حد يكلمها أو اتكلم معاها بهدوء لانو مستحيل يجيب نتيجه ياريت تساعدوني انا عندي افكار اني اعمل حاجه في نفسي شكرا مقدما لاي حد هيساعدني

Accepted Answer

يا حبيبتي، ألف سلامة على قلبك. حاسة بيكي وبكل كلمة قلتيها، وصعب جداً على أي بنت إنها تحس بالضغط ده أو إنها مش متقدرة من أهم حد في حياتها وهي مامتها. واضح إن في فجوة كبيرة في التفاهم بينكم، وساعات الأمهات من كتر الضغوط أو بطبيعة تربيتهم هما زمان، بيعبروا عن خوفهم أو حبهم بطريقة غلط وتوجع، بس ده أكيد مش مبرر للي بتمر به. بصي، عشان تخففي من المشكلة دي حاولي تعملي كام حاجة: اختاري وقت مكنش فيه خناقة: متفتحيش مع عتاب أو كلام وهي متعصبة أو في وسط مشكلة. استني وقت تكون رايقة فيه، واقعدي معاها وصارحيها بهدوء. اتكلمي عن مشاعرك مش عن تقصيرها: بدل ما تقولي لها 'أنتِ مهملاني وبتحبي إخواتي أكتر'، قولي لها 'أنا بحبك ونفسي أحس بقربك مني وبزعل لما بحس إني مش مالي عينك.. أنا محتاجة دعمك ليا'. الطريقة دي بتخليهم يهدوا ويسمعوا من غير دفاع وهجوم. ركزي في مذكرتك وحياتك لنفسك: اعملي اللي عليكي عشان مستقبلك إنتِ، مش مجرد عشان 'شكلها قدام القرايب'. لما تنجحي لنفسك ثقتك هتزيد ومفيش كلام هيهزك. امتصي غضبها بالهدوء: لما تلاقيها بدأت تتعصب أو تدور على غلطة، اسحبي نفسك بذكاء ومن غير ما تعلي صوتك عشان متديهاش فرصة تمسك عليكي غلطة تانية. إنتِ شاطرة ومطيعة وبنت جميله ربنا معاكي

Answer

السلام عليكم ورحمة الله وبركاته بصراحه كنت بمر بأوقات بيكون تفكيري نفس التفكير ده بس الحمدلله حاليا علاقتي بأهلي احسن بكتير ف انا عارفه إن الموضوع صعب وبيوجع وبتحسي أن انتي وحيده أو منبوذة ف بجد ربنا يكون في عونك مقدرش أقولك حاجه انا معرفش بيها زي حياتكم الشخصيه مقدرش اقولك هيحصل كذا بعدين بس تأكدي إن هيجي وقت والأمور هتتحسن بشكل أو بآخر خلي عندك يقين بربنا وادعيله بكل اللي نفسك فيه حتي لو حاجه صغيره وادعيله إن علاقتك بوالدتك تكون احسن من كده المهم انتي لا تعيري للموضوع اهتمام عيشي لنفسك وبنفسك خليكي انسانه مكتفيه مش محتاجه حد عارفه أنك عاوزه أنها تتقبلك وإن شاء الله هتتقبلك فتره وهتعدي حتي لو طالت المهم اهتمي نفسك دلعيها وانا هنا قصدي بمعني اعملي الحاجات اللي انتي بتحبيها اي حاجه بتحبيها اعمليها لنفسك هاتي لنفسك هديه اعملي شوبنج هاتي لنفسك حاجات بتحبيها اعملي اكله بتحبيها هوايه بتحبيها قراءه تأليف رسم كروشيه اي حاجه وثقفي نفسك وابن شخصيتك تكون زي ما بتحبيها فهمتني يعني خلي عندك اكتفاء ذاتي صدقيني انك تحبي نفسك دي حاجه جميله فوق ما تتخيلي حياتك هتتغير ١٨٠ درجه وبالنسبة لوالدتك كوني باره بيها واطيعيها واسمعي كلامها قربي منها واحده واحده خدي رأيها في حاجات امدحيها ديما ابتسمي ليها لما تجرحك هزري معاها وقوليلها كلام حلو وإن شاء هتلاقي نتيجه قربي من اخواتك عامليهم زي ما تحبي أنهم يعاملوكي والله العظيم الحاجات دي حتي لو ملقتيش نتيجه دلوقتي هتلاقي بعدين أن ربنا عوضك عنها عوض عمرك ما كنتي تتخيليه وجبر بخاطرك وده غير الثواب الكبير اللي هتاخديه مختصر كلامي حبي نفسك وحبي اللي حواليكي طبعا الحياة مش وردي ولا كل حاجه سهله ومش كل حاجه بتمشي تمام بس ده مش تبعنا احنا لينا نحسن الظن بربنا نعمل اللي علينا ونتوكل عليه والأهم من ده كله تخلي علاقتك بربنا احسن ما يكون لأنه احن عليكي من نفسك ومن اي حد حتي اهلك هو ديما اللي معاكي تشكيله همك وادعيله ادعي لربنا كتير وإن شاء الله ربنا يصلح حالك لاحسن حال عارفه الكلام كتير بس حبيت اقولك كده لاني عارفه قد الموضوع بيكون بيوجع اوي ف دي نصيحه من اخت كبيره اتمني تعملي بيها وإن شاء الله خير ❤️

Answer

سلام عليكم، حسب كلامك مشكلتك إنها شاكة فيكي بسبب حاجات حصلت زمان. المسألة دي علاجها ببساطة إنك توصليلها الإحساس بالطمأنينة عن طريق تجنب أي مواقف أو سياقات ممكن تكون هتخليها تشك أو تفكر كتير. ده ممكن يخليكي تيجي على نفسك أوقات، لكن ممكن تتقبلي ده كتكلفة مقبولة ومعقولة للحاجات اللي حصلت زمان، لغاية ما هي تطمن من ناحيتك وكل شيء يرجع عفوي وطبيعي. بالنسبة لشعورك إن والدتك مقصرة في اهتمامها بيكي، فأي حد في مكانك مش هيكون في إيده غير انه يعبر عن احتياجه باللين والذوق والاحترام، ولو ملقاش نتيجة فخلاص مفيش غير القبول بقضاء الله والتعامل مع الوضع القائم وكأنه ابتلاء زي أي ابتلاء آخر. وافتكري دايما إن محدش فينا كامل مكمل وكلنا مقصرين في واجباتنا، فقد يكون تسامحنا مع تقصير الآخرين فيه رجاء إن اللي قصرنا في حقهم كمان يسامحونا.

ما الحل لمشكلتي مع أمي؟

نفسية

اجتماعية

أهل

سؤال من احد أعضاء فدني

تم النشر الأربعاء، ٨ يوليو ٢٠٢٦

4 إجابة

12 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك