دلوقتي انا كنت دفعه 3ث دفعه 2026 انا الحمد لله ذاكرت وعملت اللي عليا واللي اكون راضيه بيه عن نفسي لكن ربنا م وفقني اني احيب المجموع اللي دعيت بيه وان ادخل كليه احلامي
كان حلمي ان ادخل طب بشري لكن انا جبت 89 وانا مرحله تانيه اللي هي آخرها النهاردة الاحد
كنت عايزه اقدم ع تمريض بابا رفض لان بيكون فيها شفتات بالليل احيانا وكدا واهلي ف البيت قالوا لي ادخلي معهد فني صحي كلهم سنتين وتتوظفي بس انا مش حاباه خالص وكتبته رغبه اولي غصب عني اصلا لكن اللي شاغل تفكيري هو ان آخرتها معهد بعد السنين دي كلها مع ان بعده هكون دكتوره أشعه او تحاليل وفيه قسم تخدير يعني اللهم بارك هو حلو واغلب الدفعه مقدمين فيه لكن انا مش مقتنعه ومش مستوعبه لغايه دلوقتي اي الصح واي الغلط بجد نفسي حد يقنعني او يفيدني برأيه لان بجد حاجة صعبههههه اوووي انا مش بنام الليل من كتر التفكير والبكاء😭😭
السلام عليكم، أنا رأيي متركزيش على حتة إن كلية معينة مش لها تكليف فتبعدي عنها عشان كده، الأفضل أي كلية أو معهد ابحثي عن معلومات عن المجال ومستقبله المهني وفرص العمل المتاحة به بصرف النظر عن التكليف الحكومي. وعامة سواء اخترتِ علوم أو معهد فني صحي أو كلية تانية حتى لو مش لها تكليف، صلي استخارة وتوكلي على الله وإن شاء الله مش هيضيع تعبك ومجهودك وهيكتب لك الخير في الطريق اللي هيوجهك له. النجاح والمستقبل المهني عامة أنتِ اللي بيدك تصنعيه مهما كان مجال دراستك. وخدي بالك إن نفسيتك وشعورك تجاه المعهد أو غيره ممكن يؤثر سلبا على تجربتك فيه وعلى أدائك الدراسي، فأيا كان التنسيق هيوديكِ فين أعيدي برمجة أفكارك ونفسيتك بحيث إن شاء الله تتقبلي مجالك الجديد وتصنعي لنفسك بصمة فيه. بالتوفيق إن شاء الله.💚💚
تم النشر الأحد، ١٦ أغسطس ٢٠٢٦
أنا فاهمة يا مسك إن اللي بتمرّي بيه صعب جدًا، وإن التفكير ده بيأرقك ويخلّيكِ تبكي ومتقدريش تنامي. ربنا يهوّن عليكِ ويشرح صدركِ، وتذكّري إن التوفيق بيد الله، وإنكِ عملتِ اللي عليكِ وذاكرتِ بجد، وده شيء يستاهل الرضا عن نفسكِ. عشان تتغلبي على التفكير المرهق ده، حاولي تكتبي كل الأفكار اللي بتدور في دماغكِ على ورقة، وبعدين تقسّميها لـ"أشياء أقدر أتحكم فيها" و"أشياء خارج سيطرتي". ركّزي على الجزء الأول: مثلاً، ابحثي عن تفاصيل المعهد الفني الصحي أكتر، شوفي الفرص اللي فيه زي قسم التخدير أو الأشعة أو التحاليل، وكيف إن السنتين دول ممكن يفتحوا لكِ باب وظيفة مستقرة بسرعة. ده مش هيقلل من قيمتكِ أبدًا، وكتير من الدفعات بيحققوا نجاحات كبيرة في المجال ده. كمان، ادعي الله كتير بالهداية والرضا، واقرئي آيات عن التوكل زي "وعلى الله فليتوكل المؤمنون"، لأن الإيمان بإن ربنا اختار الأفضل لكِ هيخفف الضغط ده تدريجيًا. جربي تغيّري روتينكِ قبل النوم بأنشطة بسيطة زي قراءة كتاب مفيد أو الاستماع لقرآن هادي، عشان تقللي من القلق وتستعيدي طاقتكِ. ولو لسه مش مقتنعة، فكّري في الإيجابيات اللي في الخيار ده وكيف إنه يناسب ظروفكِ العائلية حاليًا. ابحثي عن أسئلة مشابهة على فدني عشان تشوفي تجارب بنات تانيين مروا بنفس الموقف، وهتلاقي فيها دعم وأفكار عملية. أنتِ قوية، وهتتجاوزي الفترة دي إن شاء الله، وكل خطوة بتاخديها دلوقتي هتكون بداية لشيء أحسن.
تم النشر الأحد، ١٦ أغسطس ٢٠٢٦
انصحك تشوف كلية ذكاء اصطناعي اخويا كان نفس نظامك كدا بالظبط وقدم ذكاء اصطناعي ودلوقتي في سنة تالتة بيقولي الحمد لله اني مجبتش مجموع الطب
تم النشر الاثنين، ١٧ أغسطس ٢٠٢٦
علوم متاحة ولا لا
تم النشر الأحد، ١٦ أغسطس ٢٠٢٦
@Malak Hisham الكليات الخاصه مصاريفها لا تقل عن130 الف فـ السنه وغير مصاريفي انا الشخصيه وسفري للجامعه وغير بقي كورسات كتب وسكن وحاجات كتيره وانا م أحمل والدي فوق طاقته هو قالي ف الاول ادخللك خاص قولت له لا طبعا وغير كدا الخاص دا بعد التخرج عايزه تفتحي عياده لوحدك ودي م سهله ف الزمن اللي احنا فيه في ناس ربنا كارمها وفي ناس غير مقتدره انها تجهز حاجة زي دي وصليت استخارة ولقيت نفسي مرتاحه تجاه المعهد م كليه التمريض وعادي بقي لا خير الا ما اختاره الله
تم النشر الاثنين، ١٧ أغسطس ٢٠٢٦
انتي ممكن تتخلي كليه خاص لو تقدري و صلي استخاره للمعهد و شوفي
تم النشر الاثنين، ١٧ أغسطس ٢٠٢٦
@eslam fayad اللهم آمين يارب والله وانا نفس التفكير لكن عامة انا اصلا مجموعي م هيجيب معهد فـ محافظتي لان سوهاج السنه اللي فاتت كان المعهد اخد من 89 والسنه دي التنسيق اعلي عن السنه اللي فاتت وف الاول والاخر اللي ربنا كاتبه لنا هيكون
تم النشر الأحد، ١٦ أغسطس ٢٠٢٦
ربنا يوفقك وييسر لك امورك أيا كان اختيارك. .. لكن المجموع كويس وشايفه خسارة
تم النشر الأحد، ١٦ أغسطس ٢٠٢٦
@eslam fayad علوم تقريبا م ليها تكليف دا اللي سمعته من اغلبيه الناس والتمريض بابا م وافق عليه لانه فـ الاول والاخر هكون ممرضه اشتغل فـ المستشفي وانا مش اقدر اتأقلم مع شغل التمريض اللي هو رعايه المرضي والمصابين وكدا لاسباب برضو وانا سمعت كلام اهلي وكتبت فني صحي الاول عشان م ادخل فـ جدال معاهم لاني تعبت اووووووووووي من كتر منا اتكلمت ف الموضوع ده ونفسيتي تعبت اوي بجد وانا ان شاء الله تعالي هكمل كليه بعد المعهد حتي لو بابا اعترض انا هقنعه ان شاء الله وقتها اشتغل بجانب الدراسه برضو مهو انا هكون خريجه اشتغل ف قسم الاشعه او معمل التحاليل ايا كان باذن الله
تم النشر الأحد، ١٦ أغسطس ٢٠٢٦
شايفها مناسبة جداً واشيك وارقى اكيد من تمريض كشغل ومستقبل
تم النشر الأحد، ١٦ أغسطس ٢٠٢٦
اه علوم متاحه
تم النشر الأحد، ١٦ أغسطس ٢٠٢٦
لعرض السؤال في فدني اضغط هنا