السلام عليكم ورحمه الله وبركاته ربنا يحفظك يا رب ويثبتك على اللي انت فيه بس خلي بالك عشان انت في مجتمع الافلام والاعلام بتاعه كله متوجه لذم الفئه دي فئة الملتحين والملتزمين والكلام ده يعني فكثير من من تصور اهلك وكده ويعني صدامهم معاك هيكون بسبب الاعلام اللي هو بيتفرجوا عليه الافلام مسلسلات كده يعني. فأنت رقم واحد اهتم بنفسك انت، يعني بلاش في الفتره دي بلاش الدعوة بلاش تقول ده اعمل ما تعملش بلاش محدش هيقبل حاجه زي كده بالذات في الواقع اللي انت عايش فيه ده ولكن خلي المرحله دي قدام قوي يعني ولكن اول مرحله اثبت على اللي انت فيه اثبت على الخمس صلوات بعد شويه ضيف الاذكار بعد شويه خلي في حد يكون كويس وتسمع له شيء كويس يكون ثقه تسمعله دائما اطلع على فتاوى الازهر لما تحب حاجه لان لما اكلم اهلك في فتاوى الأزهر هو اللي قال ما حدش هيتكلم طبعا لان الازهر جهه رسميه يعني اوصيك بالتدرج في الدين الرسول صلى الله عليه وسلم قال لا يُشاد الدين أحد الا غلبه يعني دي لو دخلت في مره واحده تتكس وده حصل مع ناس كثير ولكن ادخل فيه واحده واحده الصلاه الاول اثبت فيها الأذكار دراستك طبعا ودنيتك اهم حاجه ما حدش هيقبل منك الدين بتاعك الا لما اكون دنياك كويسة في دنياك كويس وده شرط اساسي يعني تكون ناجح في الدنيا ناجح في الدراسه كويس اخلاقك عالية هيقبله منك الدين، لكن لو في دراستك مش كويس او اخلاقيتك فيها قلق ومشاكل محدش يقابل منك الدين بتاعك يعني وده شيء يعني معروف بالتجربه يعني ربنا يثبتك يا رب.
لعرض الإجابة في فدني اضغط هنا