كل الناس عندها ابهات وامهات اسوياء وكمان اخوات بيحبوهم الا انت
عندك شياطين وتحس ان مفيش محبة بينكم وعلطول خناق وفرض سيطرة كانك مش ابنهم
تربية عنيفة
انا للاسف مش قادرة اسامح اخويا الطاغوت انه بياخد كل حاجة لنفسه بدون اذن وكمان في ميراث طمعان فيه كمان اخد غسالة اطباق كانت المفروض تبقى ليا اداها لخطيبته بعد ما اخد اذني قالي هبقى اجيبلك واحدة وطبعا ولا هيجيب ولا هيعمل
بجد انا تعبت تبعت هو انا مستاهلش حد طيب يحبني هو انا عملت اي فالحياة عشان اتعامل كدا انا واحدة كبيرة مش صغيرة وعندي ٢٥سنة واخويا فرق السن بيني وبينه بسيط يادوب ٣ سنوات بس وبيعاملني كأنه عنده ٧٠ سنة كل ميعمل حاجة يقولي انا كبير مش صغير وكأني انا اللي المفروض استحمل معاملته القذرة عشان هو الكبير
انا فقدت ثقتي فنفسي بسبب اهلي وبسببهم ولا عندي صداقات ولا حد يحبني هما ماهتموش بيا زي باقي الاهالي اللي بتهتم بمستقبل اولادها من جيم لتمارين لمذاكرة لدروس لكل حاجة تقريبا
والله لو ربنا بيحبني ياخدني عشان ابعد عنهم
في الحقيقة مش كل الناس عندها ابهات او امهات او حتى اخوات اسوياء نفسيا ... هو اساسا المصطلح ده جديد على المجتمع (اسوياء نفسيا) محدش زمان كان بيهتم بالصحة النفسية، ولا كان عندهم وعي نفسي ب اولادهم. ف مش كل الناس بالصورة اللي انتي فهماها.. مش كل الناس اسوياء. ولكن طبعا مش لازم تستحملي المعاملة ديه وإبداي دافعي عن حقك .. ليه ساكته عليه! ولكن بخصوص الاهل .. متقارنيش اهلك بحد، وزي ما قولتلك في الاول مش كل الناس اسوياء! وفي نفس الوقت اهلك اتربوا بطريقة ونشأوا بطريقة معينة وبقت هي ديه طريقتهم في التربية معاكم. وحاولي تتقبلي الطريقة ديه وبقدر الامكان تتجنبي الاذي منهم .. وعامليهم بالمعروف. واعملي لنفسك حياة .. انزلي اشتغلي، روحي العبي رياضة، انزلي كل يوم الصبح اجري او اتمشي .. اعملي حاجات نفسك تعمليها ومعملتهاش من زمان. بلاش تعيشي في الماضي علشان متقتليش نفسك ب ايدك .. واعملي انتي الحاضر ده بنفسك. بتمنى ليكي التوفيق
تم النشر الأحد، ٢٣ يوليو ٢٠٢٣
حقك راجع يوم القيامة وكما تُدين تُدان وكما تُعين تُعان
تم النشر السبت، ٢٢ يوليو ٢٠٢٣
طبيب نفسي فى اقرب وقت
تم النشر الأحد، ٢٣ يوليو ٢٠٢٣
استني وشوفي اللي هيحصل في الشخص ده داين تدان بحق كل وجع قلب سببه ليكي هيتاخد منه الوقت هيجي متقلقيش ممكن ياخد سنين بس جاي في نفس الوقت اللي هتستني فيه عقاب ربنا ليه طوري من نفسك انتي ابذلي كل مجهودك انك تبقي احسن حتي ولو هما مش مساعدينك انتي عارفة حقيقة نفسك تقدر تعمل ايه واعمليه واتعلمي تقولي لا لاي حد بياخد منك حاجة مش من حقه
تم النشر الأحد، ٢٣ يوليو ٢٠٢٣
والله انا ماليش سند او ضهر كل الناس طمعانة فيا لغرض جنسي لكن غير كدا انا ماليش لازمة فحياة حد وبستغرب لية الناس اللي بكرهم من البداية هما اللي بيتمنولي الخير لكن اللي مني وبحبهم مفهمش خير
تم النشر السبت، ٢٢ يوليو ٢٠٢٣
واشنعنا ناس حظها تدلع ويجيلها كل شيء عالجاهز وانا ممتلكاتي كلها تروح مني عشان واحد مستهتر بيطمع الناس فينا وبيدلهم حاجتنا انا تعبت من غباءه واسلوبه
تم النشر السبت، ٢٢ يوليو ٢٠٢٣
لعرض السؤال في فدني اضغط هنا