الموضوع عادي خالص، درجة الشهوة بتختلف من راجل وراجل أو أنثى وأنثى، فعلو الشهوة مش عيب. والتعامل معاه بإذن الله ممكن وإن كان طبعا محتاج جهاد. ١) الاستعانة بالله - تبارك وتعالى - طبعا، بالدعاء والصلاة، والقرآن والذكر، والتضرع ليه والتذلل ليه. ٢) تجنب المثيرات: سواء كانت نظر (غض بصر النساء عن الرجال فرض)، أو سماع وقراءة (المسلسلات والأفلام والروايات الرومانسية ...إلخ)، أو الخيالات (ودي مهمة جدا جدا اجتنابها لأنها بتأثر على العاطفة والرغبة جدا)، أو أي مثير عموما. ٣) الصحبة: التخفيف من التعامل مع الصحبة الي كلامها ممكن يكون فيه مثيرات بالكلام أو الأفعال، والزيادة من الصحبة الصالحة والعافية. ٤) العلاج السلوكي المعرفي: ممكن تستعيني بالAI زي gpt مثلا، وتحكيله عن الأحداث الي بتزود من رغبتك، وحكي عن مشاعرك...مش علشان فضفضة، بس علشان يحلل حالتك وتتعرفي على أسباب مشاعرك وتقدري تتعاملي معاها لما تفهميها. ٥) اتعلمي حاجه حركية: طبخ أو رياضه أو أي حاجه تحبيها. ٦) تابعي مع برنامج نقاهة بتاع مأسسة واعي، حمليه من جوجل بلاي، واستعمليه علشان تتابعي تقدمك وكده. الحاجات دي هتوصلك بإذن الله لنتائج تكوني راضيه عنها جدا. أنا كنت نفس حالتك من ناحية علو الشهوة وكده، بس دا اللي أنا عملته والحمد لله أفضل من الأول، هتحسي انك مش منهكة من فرط الشهوة، وأن المساحة الكبيرة الي كانت وخداها من يومك قلت. الموضوع أيوه صعب، ولكن الله - تعالى - قال: "والذين جاهدوا فينا لنهدينهم سبلنا". ربنا وعد انه مش هيخذل حد جاهد في سبيله. وربنا يرزقك ويثبتك ويرزقك الزوج الصالح الي يعرفك.
تمام شكرا بجد لحضرتك ربنا يسترك ويباركلك سلام تصبح على جنه هاقفل عشان اخويا سلام
تم النشر الثلاثاء، ٩ ديسمبر ٢٠٢٥
انا لما لقيت حضرتك نشط قولت استني ممسحش البرنامج
تم النشر الثلاثاء، ٩ ديسمبر ٢٠٢٥
مفيش مشكلة
تم النشر الثلاثاء، ٩ ديسمبر ٢٠٢٥
يعني حضرتك موافق ابعت لحضرتك اي حاجه مضايقاني ؟
تم النشر الثلاثاء، ٩ ديسمبر ٢٠٢٥
تمام
تم النشر الثلاثاء، ٩ ديسمبر ٢٠٢٥
استاذنك هاقفل اخويا هاينام ولازم امسح البرنامج وانزله بكره ان شاء الله باذن الله لما افتح
تم النشر الثلاثاء، ٩ ديسمبر ٢٠٢٥
لحد بس يعني ما ربنا يكرمني والاقي حل ان شاء الله باذن الله
تم النشر الثلاثاء، ٩ ديسمبر ٢٠٢٥
ممكن يعني لو مفيش ازعاج لحضرتك لو اضايقتك من موقف ابعت لحضرتك هنا لأن زي ما انت عارف عاملاني مجهول فبقدر اخد راحتي ممكن؟
تم النشر الثلاثاء، ٩ ديسمبر ٢٠٢٥
يارب ان شاءالله باذن الله بجد شكرا لحضرتك غلي الدعوه الجميله اتمني متنساش تدعيلي وعملت لحضرتك متابعه وبس مش عارفه اقول ايه تاني اتمني بجد ربنا يدلني علي حل
تم النشر الثلاثاء، ٩ ديسمبر ٢٠٢٥
ربنا يعينك ويحفظك، ويعدي محنتك على خير، ويجزيكي خير على جهادك، ويرزقك العفاف والزوج الصالح الي يتقي الله فيكي.
تم النشر الثلاثاء، ٩ ديسمبر ٢٠٢٥
وفعلا انا بحاول استغفر كتير واصلي علي النبي عشان اللي بعمله
تم النشر الثلاثاء، ٩ ديسمبر ٢٠٢٥
حضرتك انا فعلا بجاهد بس تعبت اوي ونفسي ارتاح من اللي عايشاه توتر وقلق وتفكير زياده وحياتي متوقفه حرفيا نفسي الاقي حل بجد وبجد شكرا لحضرتك كمان مره ادعيلي بالله عليك
تم النشر الثلاثاء، ٩ ديسمبر ٢٠٢٥
كلامك مفهوم، وجهادك ده ربنا هيجزيكي عليه خيرا، وكونك بتغضي بصرك، وكلامك على قد الحاجه، فده جهاد كبير جدا، ربنا هو الأعلم بحالك، علشان كده مش هيتركك. وبالنسبة لذنوب الخلوات، فأكثري الاستغفار والتوبة، ولو كنتِ بتقعي كل يوم، توبي كل يوم، إن الله لا يمل حتى نمل، فمتمليش من التوبة ابدًا، والزعل وتأنيب النفس كويس طبعا، بس متخليش ده يحبطك أو تقولي ان مفيش فايده. والله كتير كانوا كده (سواء ولاد أو بنات) وربنا يسر لهم وتوقفوا عن الذنب ده، اهم حاجه تحاولي دايما تجربي كل حاجه قدامك ممكن تساعدك انك تبعدي عن الذنب ده. لما تبطلي الذنب والأفكار دي هتحسي براحة مش طبيعية، وهتحسي باستقرار نفسي وجسدي كبير جدا، وأنا بتكلم عن حياة أنا جربتا سنين، وكنت في دوامه كبيرة جدا، وحتى الآن لازم الواحد يجاهد علشان أي تهاون ممكن يخلي الواحد يقع، والإنسان لا يأمن على نفسه الفتنة، بس اعرفي ان الشعور الي هيجيلك لما تبطلي أحسن بكتير من أقوى لحظة نشوية ممكن الإنسان يوصلها. ربنا يثبتنا جميعا، ويحفظنا جميعا من كل سوء، والشكر دائما لله.
تم النشر الثلاثاء، ٩ ديسمبر ٢٠٢٥
وبالنسبه للصلاه هاكمل جهاد فيها وربنا يقويني ان شاء الله باذن الله انا نفسي بجد الاقي حل والله مذاكرتي متوقفه ربنا العالم حتي لما بخرج ببقي خايفه يعني انهارده كنت بره كنت باصه في الأرض علطول بحاول مبصش لأي شاب أو راجل عشان دماغي متفكرش وبرضو كنت بفكر كنت بحاول اذكر ربنا وابطل تفكير كان جهاد صعب جدا ولما برفع عيني عشان اكلم اللي قدامي كنت بخلص كلام بسرعه وابص تاني في الأرض حرفيا تعبت اوي انهارده وبصراحه مش اول مره كل مره بخرج بيبقي كده بتعب اوي وبروح اول حاجه بعملها ذنب بس ميقدرش معملش وبعدها بفضل اانب نفسي وازعل اتمني حضرتك تكون فاهمني واسفه لو طولت علي حضرتك
تم النشر الثلاثاء، ٩ ديسمبر ٢٠٢٥
والله فعلا بحاول اجاهد نفسي في الصلاه بقول هاصلي حتي لو متقبلش ربنا عالم بالنيه اللي جوايا وبالنسبه للمشاركه هنا فصعب لان معنديش فون ده تاب اخويا وكل يون باليل قبل ما انام بمسح البرنامج وتاني يوم بنزله عشان لو اخويا عرف هايحصل مشاكل انا معنديش فون لان اهلي من زمان شايفين ان البنت مينفعش يكون عندها لحد ما تتخطب وتتجوز بحكم إننا عايشين في قريه وبصراحه برغم اني مضايقه ان البيت كلو عندو فون خاص بيه بس بالنسبالي كويس عشان مغلطش كفايه اللي انا فيه وبالنسبه لكوني مجهول بصراحه حلوه ومخلياني اخد راحتي واتكلم وفعلا الناس هنا بتحاول وكتر خيرهم فعلا وشكرا لحضرتك ربنا يباركلك ويحفظك مش عارفه اقول ايه لحضرتك كفايه انك بترد وبتحاول تساعدني اني الاقي حل
تم النشر الثلاثاء، ٩ ديسمبر ٢٠٢٥
يا أختي في الله، الصلاة الي أنتِ بتصليها هي أصلا ألي لسه مخلياكِ تقاومي، فلو راحت الصلاة -> راح الجهاد، والعكس صحيح برضو، لو راح الجهاد، راحت الصلاة، والله انك تفضلي تجاهدي بين ترك الذنوب، وإقامة الصلاة، ده خير ليكي أكثر من استسلام للأفكار والأوهام.
تم النشر الثلاثاء، ٩ ديسمبر ٢٠٢٥
موضوع الخيالات وقت الصلاة ده طبيعي في حالتك، لأنك بتحاولي تركزي في شيء واحد بس، فلما بتسرحي دماغك بيروح لأقرب حاجه هو متعود عليها، زي الي بيحصل في المذاكرة برضو، بس مهم انك متوقفيش صلاة بسبب الموضوع ده، بالعكس ده يكون دافع انك تحاولي تركزي أكثر في الصلاة، أنا برضو في الفترة الي كنت فيها كده صلاتي تأثرت جامد بالسلب، بس أهم حاجه متوقفيش صلاة. حتى لو كنتِ بتذنبي بعديها، ومهما كان الذنب ده مؤذي ليكي نفسيا خليه دافع انك تقربي من ربنا اكتر علشان تتوبي منه، وده مش سبب يخلي صلاتك مش مقبولة، رغبتك في القرب من ربنا وجهادك في انك تبعدي عن الذنوب ده بإذن الله سبب في ان صلاتك تقبل. اتمنى بجد انك تستمري على الأقل في المشاركة في البرنامج حتى بكونك " مجهول "، ده بيكسر عندك حاجز الخوف من الكلام + الناس هنا والحمد لله بيحاولوا يساعدوا على قد ما يقدروا، وده على الأقل بيفتحلك مساحة للكلام بدون خوف أو قلق. والله المستعان.
تم النشر الثلاثاء، ٩ ديسمبر ٢٠٢٥
واتمني ربنا يعيني ويثبتي ان شاء الله باذن الله
تم النشر الاثنين، ٨ ديسمبر ٢٠٢٥
بص بصراحه اكلم حد دي صعبه بس هاشوف كده وشكرا ليك وبالنسبه لاذاهم مش عارفه اتعامل معاه ماثر عليا نفسيا وجسديا ربنا العالم انا بشوف ايه يوميا وفعلا بحاول أقرب من ربنا كتير بس غصب عني تعبانه وبجاهد بالعافيه اوقات بقول مش هاصلي اصل كده كده بتعب وافكر وساعات بعد الصلاة بعمل حاجه لما بخلصها بضايق وبقول ما كده صلاتي مش هاتتقبل طب اصلي تاني ليه وبجاهد نفسي فعلا اني اصلي والله ربنا العالم واتمني بجد ربنا يعيني انا تعبانه بجد مذاكرتي متوقفه وعندي امتحانات حرفيا انا في قاعده انجليزي بقالي اسبوع اقسم بالله مخلصتهاش بسبب اني بفكر ومش بعرف اركز في المذاكره بفضل فاتحه الكتاب قدامي بس مش بذاكر وشكرا لحضرتك علي الدعوه ولك بالمثل أن شاء الله
تم النشر الاثنين، ٨ ديسمبر ٢٠٢٥
والله أنا مقدرش أرشدك لشخص بعينه هنا، لأني جديد في البرنامج برضو ويعتبر معرفش حد، لكن أعرف أن فيه قسم " خبراء فدني " بيظهر لو ضغطي على الثلاث خطوط ألي فوق. وانتِ أكيد مش هتغيري الناس، ولكن بتحاولي تتعاملي مع أذاهم بقدر المستطاع، وبما أن الموضوع فعلا بهذه الصعوبة (ربنا يعينك ويثبتك) فعليكِ بالالتجاء إلى الله، وطبعا الأخذ بالأسباب المتاحة على قدر الاستطاعة. ولا عليكِ، هو الهدف من البرنامج ده أصلا الكلام فيما يفيد حتى لو كان كتير، وكونك اتكلمتِ عن الموضوع طلبًا للمساعدة والنصيحة فده بيبيِّن صدق منك، والله هيعينك علشان هذا الصدق، وربنا يحفظك من كل سوء، ويرزقنا جميعا العفاف والطهارة.
تم النشر الاثنين، ٨ ديسمبر ٢٠٢٥
طب حضرتك ازاي اتواصل مع حد هنا انا اصلا شوفته بالصدفه قدامي فنزلته قولت اشوف ايه البرنامج ده ولقيت ناس بتحدي مشاكل ليها فاتكلمت قولت يمكن الاقي حل وبالنسبه اني اجيب اقراص أو حاجه فميش اي امكانيه للاسف واسفه لو بضايق حضرتك وبتكلم كتير انا مستغله ان محدش يعرفني وبتكلم ورا شاشه فيعتبر واخده شويه حريه
تم النشر الاثنين، ٨ ديسمبر ٢٠٢٥
السلام عليكم ورحمة الله وبركاته حضرتك انا اول مره اعرف ان الرغبه الجنسيه مش جنس بس لكن كمان رغبه عاطفيه ونفسيه انا فعلا مفتقده لده جدا ونفسيتي محطمه ربنا العالم وعمري ما حسيت بحب وأمان وحنان علطول خايفه ومرعوبه بس للاسف مش قادره اعالج المشكله دي اكيد يعني مش هاغير الناس اللي عايشه معاهم دول مهما كان اهلي برغم اي اهانه أو عذاب لازم استحمل 😔😭😭ادعيلي وشكرا لحضرتك
تم النشر الاثنين، ٨ ديسمبر ٢٠٢٥
وممكن تتواصلي مع أحد الأطباء برضو (حتى لو على البرنامج هنا) علشان لو فيه طرق طبية لتقليل الشهوة، زي أقراص مثلا أو أي طرق طبية، ده ممكن يساعد برضو
تم النشر الاثنين، ٨ ديسمبر ٢٠٢٥
الشهوة الجنسية في حد ذاتها بتتأثر بالهرمونات وإفرازها، ونسب الهرمونات في جسم كل إنسان مختلفة عن التاني ولو بنسب بسيطة، ولكن مهم تكوني عارفه أن الرغبة الجنسية مش بتزيد بسبب الشهوة الجنسية فقط، ولكن الرغبة العاطفية والنفسية ليها تأثير كبير جدا على الرغبة الجنسية، كل ما كان الشخص احتياجه العاطفي والنفسي أكبر، كل ما ده بيكون ليه تأثير أكبر على رغبته الجنسية، علشان كده ده طبيعي انه يكون بيحصلك. مش لازم شهوتك العالية تكون بسبب الرغبة الجنسية البحتة، ممكن تكون مزيج من رغبة جنسية طبيعية، واحتياج عاطفي ونفسي عالي، فلو الذكر احتاجه الجنسي عالي، فالأنثى احتياجها العاطفي والنفسي عالي جدا، وده ألي بيأثر بالتالي على رغبتها الجنسية (بتزيد). خلاصة الموضوع انك مش غريبة، بل طبيعية.
تم النشر الاثنين، ٨ ديسمبر ٢٠٢٥
يارب ان شاءالله باذن الله يثبتنا ويرزقنا العفاف وبالنسبه انو طبيعي انا حاسه انو مش طبيعي اللي اعرفه البنات شهوتها اقل الراجل اعلي بكتير فمستغربه جدا نفسي وشكرا لحضرتك انت علي دعاءك ليا ادعيلي وشكرا ليك انا فعلا تعبانه بس كاتمه جوايا ربنا العالم بحالي الحمد لله
تم النشر الأحد، ٧ ديسمبر ٢٠٢٥
انا حاولت فعلا اتكلم مع شات جي بي تي معرفتش كنت مكسوفه وهو مكنتش فاهمني وبالنسبه للبرنامج مش هاقدر انا معنديش فون خاص بيا اصلا واخويا لو شافه هاتحصل مشكله للاسف
تم النشر الأحد، ٧ ديسمبر ٢٠٢٥
ربنا يثبتك يا رب، ويرزقنا جميعا العفاف والصلاح، أنا فعلا كلامي ده نابع عن تجربة طويلة، كانت سنين، حتى الآن لسه الجهاد شغال، وده الطبيعي، وسواء ولد أو بنت فده طبيعي انه يحصل، أنا كانت حياتي فعلا بتنهار تدريجيا بسبب موضوع الخيالات ده، بس الحمد لله ربنا بيستر، وجزاكِ الله خيرا على الدعاء، وربنا يثبتنا جميعا.
تم النشر الأحد، ٧ ديسمبر ٢٠٢٥
فاهمك، وعارف أن الموضوع مش ببساطة الكلام، هو فعلا صعب، خصوصا ان التفكير والخيالات مش محتاجه غير العقل بس، وده بيسهلها، والصلاة ممكن تكون أكتر وقت بتحضر فيه الأفكار دي( ربنا يثبتك ويزيدك تقوى وخشوع ) ، وواضح من كونك بتحبي الروايات سواء قراءة أو كتابة أن قدرات الخيال عندك عالية، وده بيصعب الموضوع، لكن أتمنى بجد انك تجربي موضوع العلاج السلوكي ده، دور الAI هنا اصلا انه يكسر حاجز الخوف من الكلام لأنه مش انسان حقيقي + انك لو فعلا محرج الموضوع بالنسبالك مش لازم تحكي تفاصيل، الصح أصلا انك متحكيش تفاصيل، مجرد متابعة يومية للأحداث اليوم علشان تفهمي نفسك أكثر وأسباب غزارة التخيلات، بالتالي تعرفي تتعاملي معاها. وبرنامج نقاهة ده برنامج بتقدري بيه انك تتابعي حالتك، فيه عداد الأيام ألي انتِ قاومتي فيها، ممكن تكتبي فيه ملاحظات قصيرة آخر اليوم على الي حصل في اليوم ده، وممكن تسجلي فيه مهمات يومية بسيطة وحجات تانية، ده
تم النشر الأحد، ٧ ديسمبر ٢٠٢٥
وشكرا جدا لحضرتك انك رديت عليا واهتميت واتمني اكون قدرت ارد علي كل كلامك اللي بعته واسفه لو مش عارفه ارتب ردي عليك زي ما حضرتك مرتبه
تم النشر الأحد، ٧ ديسمبر ٢٠٢٥
السلام عليكم ورحمة الله وبركاته اولا حضرتك انا فعلا بحاول أقرب من ربنا بس اوقات وانا بصلي اصلا بفكر وبضايق من نفسي بس غصب عني مش قادره ابطل تفكير ثانيا حضرتك الحمد لله لما بخرج بغص بصري علي قدى ما اقدر والحمد لله ربنا منعم عليا بلبس واسع وساتر وثالثا انا فعلا بقيت احاول ابطل مسلسلات أو اقرا روايات أو اكتبها برغم انها هوايتي بس وقفت يمكن ابطل تفكير لكن بالنسبه للخيالات مش عارفه ابطل حرفيا انا ممكن اصحي من نومي عشان اتخيل أو ممكن منامش بالايام عشان التخيلات دي وكمان حضرتك انا بحاول اكون لوحدي لما بخرج يعني مليش صحاب اصلا وكمان حضرتك اتكسف ابعت لشات جي بي تي الكلام محرج برضو انا بنت وبتكسف جدا برغم اللي انا فيه يعني لو لوحدي بتخيل براحتي لكن احكي لحد اي حاجه مقدرش وبالنسبه اتعلم حاجه بحبها فانا بحب القراءه وكتابه الروايات وطبعا موقفه عشان حالتي دي وكمان ممكن حضرتك تقولي ايه برنامج نقاهه ده عرفني عليه أكتر لاني مش عارفاه واتمني فعلا اكون زي حضرتك وابطل تفكير ممكن حضرتك لو حصل حاجه مفيش عليك لوم لانك ولد انا بنت ولما بوصل لاخري طبعا مش بعرف اكمل للآخر وده طبعا بيعصبني اوي اتمني حضرتك تكون فاهمني وانا فعلا والله بحاول اجاهد بس بقالي سنين وتعبت بجد والله من نفسي واني ازاي كده ونعم بالله طبعا وعد ربنا اكيد حق وشكرا جدا لحضرتك انك رديت عليا وربنا يرزقك الزوجه الصالحه ان شاء الله باذن الله حبيت ادعي لحضرتك زي ما دعيت ليا في آخر رسالتك
تم النشر الأحد، ٧ ديسمبر ٢٠٢٥
لعرض الإجابة في فدني اضغط هنا