شوفي يا غالي عشان تبتدي العلاج صح لازم تعرف إيه الأسباب إللي بتوديك للمعصية دي مثلاً ملامستك لأعضائك التناسلية بإستمرار بدون سبب أو إنك تكون لوحدك في البيت دي الأسباب أنت كده عرفت السبب أحاول أمنع السبب دي أول خطوة تاني حاجة أول ما تجيلك الشهوة روح اتوض ولو قدرت تصلي ماشي مقدرتش خلاص الوضوء كفاية أنه يمنعك ويهديك شوية ويبعد عنك الشيطان وبعدين اقرأ سورة الفاتحة برضو مهمة جداً حاول تنس وتعمل نشاط جديد تعملي أي حاجة "قرآن ، تجويد ، مهارة جديدة ، دراسة" وأعرف حاجة أنا سمعت حد قال لي كلام أثر فيا سيدنا يوسف لما امرأة العزيز عرضت نفسها عليه ليزني بها رفض وأبى شوف أنت مش متخيل الموقف حط نفسك مكانه واحد مع واحده والباب مقفول عليهم وهي اللي عرضت نفسها عليه وكمان دي مش أي وحده دي امرأة العزيز يعني واحده شديدة الجمال وصاحبة منصب عالي دي سيدة مصر كلها زمان قام هوعمل إيه رفض وهرب منها عشان ميعملش الذنب قام ربنا معوض عليه بإيه عطاله ملك مصر كلها عشان ترك الذنب واستعصم وانت كمان اعمل زيه لما تجيلك الشهوه فكر نفسك أنك لو عملتي كده انك هتتحرم من الحاجات اللي نفسك فيه ومن التوفيق ومش هتنجح في حياتك ولو تركته ومعملتش الذنب ربنا هيعوضك وعوض ربنا لا يوصف و اعتبر نفسك دي حاجه وانت بتربيها لما تجيلك الشهوه قوليلها اليوم لا وحاول ده امتحان من ربنا وبعد الكلام ده كله لازم مجهود منك مينفعش عربية تتحرك وهي ماسكه فرامل ده امتحان من ربنا ليك اجتهد عشان تعديه وحمل البرنامج ده اسمه" انا مقلع " وخلاص كده كلامي خلص وفتكر انا كتبتلك في أول الكلام "يا غالي " فخليك غالي ومتبقاش رخيص عند ربنا وسلام
ياعم إن شاء الله تكون دي آخر مرة ترجعلها تاني استعن بالله "وعجلت اليك ربي لترضى" أنت طالما لسه بتحاول ف أنت كده ربنا بيحبك أحسن من اللي مش بيحاول خالص بس بقى عاوزين نمنع خالص لو حابب تسيب لي رقمك أتابع معاك واتس عادي وتكون أكتسبت صديق جديد ليك وأنا لي الشرف وهخليك توصل لحلمك بإذن الله
تم النشر الاثنين، ٢١ أبريل ٢٠٢٥
ان شاء الله اخي تسلم
تم النشر الاثنين، ٢١ أبريل ٢٠٢٥
بقالي سنه احاول واجاهد نفسي ولكن انتكس في كل مره وبدعي في كل صلاة
تم النشر الاثنين، ٢١ أبريل ٢٠٢٥
وأنا يومين كده أو تلاته وهرجع أطمن عليك وأشوفك وصلت لحد فين وشد حيلك يا صديقي
تم النشر الاثنين، ٢١ أبريل ٢٠٢٥
بس أهم حاجة أنت ومجهودك مش بكتر الفيديوهات اللي شوفتها المهم انت وعليك بالدعاء في أوقات الاستجابة"بين الأذان والإقامة وفي الثلث الأخير من الليل في السجود"
تم النشر الاثنين، ٢١ أبريل ٢٠٢٥
حملته وشوفت بودكاست الشهوه لاحمد عامر بس حاضر هشوف دول برضو تسلم الله يكرمك يارب
تم النشر الاثنين، ٢١ أبريل ٢٠٢٥
ولو عاوز نصائح اكتر ممكن تسمع مقاطع فيديو على اليوتيوب في بود كاست عن "التوبة " و " الإدمان " حلوين جدا لشيخ محمد الغليظ وأمير منير
تم النشر الاثنين، ٢١ أبريل ٢٠٢٥
وحمل تطبيق I Am Sober هيساعدك كتير في رحلة التعافي
تم النشر الاثنين، ٢١ أبريل ٢٠٢٥
العفو يا صديقي لو احتجت حاجة انا موجود معاك
تم النشر الاثنين، ٢١ أبريل ٢٠٢٥
شكرا ليك جدا هعمل بكل نصايحك وان شاء الله خير شكرا لاهتمامك وردك
تم النشر الاثنين، ٢١ أبريل ٢٠٢٥
لعرض الإجابة في فدني اضغط هنا