ازيكم يارب تكونو بخير
مش هطول عليكم انا عندي تروما وهي ان الفترات ال فاتت كان بيتقدملي ناس كتير كل مره الموضوع مش بيتم لأسباب مختلفه مش مناسب اهلي مش موافقين الموضوع بيوقف لوحده وهكذا ف بالتالي نفسيا بقيت خلاص عارفه ان مجرد عريس يبقا مش هيكمل وبفضل اعيط ومش بنام من التفكير انا دلوقتي عايزه اعرف حاجه ف حد المفروض متقدم مناسب مع اهلي بس الموضوع لسه مفروض ف رد م اهله انا بقا ف خوف واكتئاب وبقيت خايفه مستنيه اي هيحصل وبقول ف نفسي معقول يتم اصلا!؟ معقول مفيش حاجه هتوقف الموضوع بعدها برجع اقول لا احنا اتعودنا متتعشميش اعمل ايه فيدوني بالله الموضوع دخل ف نفسيتي وبجد بقا عملي زي وسواس وخوف
السلام عليكم ورحمه الله وبركاته. طيب هي التروما جات لك علشان التوقعات اللي انت حطيتيها من البدايه اول ما الشخص بيتقدم اول ما الشخص بيتقدم انت بتقولي خلاص كده تمام انا على اعتاب خطوبه فهنا انت سبتي المرحله الاساسيه انك اصلا مطلوب منك انت تقرري اذا كان الشخص ده مناسب ولا لا انك تفكري فانت بتعملي سكيبت كده يعني بتتلاشى المرحله دي وكانها خلصت يعني مجرد ما الشخص يجي انت بتكرري ان خلاص المرحله دي خلصت انه تمام وكان كل شخص جاي يتقدم هو بالنسبه لك مقبول بدون تفكير فالخطوه دي اللي اتعملت معاكي هي اللي كانت السبب في النتيجه الحاليه اللي انت حاسه بيها فمحتاجين نرجع كم خطوه كده لوراء ونبدا احنا نمسك زمام الامور وشخص متقدم اه لا ده انا اللي هشوف اذا كان مناسب ولا لا انا مش محتاجه اخذ خطوه هي لسه اصلا مقررتش. فبنخلص الخطوه دي بعدين بنخش على اللي بعدها اللي هي برضه فيها عدم تأكيد لانه انا لو اتخطبت انك لو كملتي بهذا السياق فيبقى برده لو يعني لو ربنا كرمك إن شاء الله وفي مرحله خطوبه بدأت انت خلاص هتعتبري نفسك كده كانك اتجوزتي ولو الخطوبه دي ما كملتش ولقيته نفسكم مش مناسبين لبعض بعد مده او حصلت ايا كانت ازمات او مشاكل اثبتت انه ده مش هينفع يكمل للجواز هتبدأ تحصل لك ثانيه خليه يعني احنا ليه نكمل بنفس السياق ده احنا ما بنبداش التوقعات بالعكس احنا بنعيش الحاجه بحياتنا فكره الخطوبه معموله علشان. نفكر ونتأكد احنا مناسبين لبعض ان احنا نبني بيت سوا ولا لا؟ مناسبين ولا لا لازم تبقي شايفاها قدامك طول الوقت لانه في اه وفي لا في ممكن اكمل وفيه ممكن ما نكملش لكن لو حطيتي قدامك طول الوقت انه الاكيد انه نكمل لا راجعي معاييرك ارجوك ثاني شوفي انت محتاجه ايه في الشخص اللي قدامك عشان ما تكونش دي مسأله بالنسبه لك عامله زي الحفره مش قادره تحددي ملامحها خالص وفي الاخر تلاقي نفسك بتقعي في مشكلات انت في غنى عنها.
تم النشر الثلاثاء، ٢٣ يونيو ٢٠٢٦
يا حبيبتي، أول حاجة أقولك إن شعورك طبيعي جدًا بعد اللي مريتي بيه. التروما دي مش مجرد ذكرى، دي صارت زي "برمجة" داخلية بتقولك "هيحصل زي المرات اللي فاتت"، وده بيخلّي الخوف يتكرر كل ما ييجي عريس جديد. الجسم والنفس بيحموكِ من الألم المتوقع، بس الطريقة دي بقت بتأذيكِ أكتر من الحماية. اللي بيحصل دلوقتي هو إن الوسواس ده بقى حلقة مفرغة: تفكير → خوف → اكتئاب → عدم نوم → تفكير أقوى. عشان تكسري الحلقة دي، جربي تكتبي كل يوم 3 أشياء حقيقية حصلت في الماضي وكانت إيجابية (حتى لو صغيرة)، و3 أشياء حالية أنتِ قادرة تتحكمي فيها دلوقتي (زي صلاتك، أكلك، خروجك للمشي). ده بيساعد العقل يرجع يشوف الواقع بدل ما يعيش في "المتوقع السلبي". كمان، خلّي عندك "وقت محدد للتفكير" يوميًا، مثلاً 15 دقيقة بعد العصر تكتبي فيها كل مخاوفك، وبعد كده تقفلّي الموضوع وتقولي لنفسك "هتكلم فيه تاني بكرة". ده بيقلل من سيطرة الوسواس على باقي اليوم. وادعي كتير بالتوفيق والسكينة، واستعيني بربنا إنه يريح قلبك ويبعد عنك الخوف ده، لأن التوكل الحقيقي بيجي مع محاولة تهدئة النفس مش مع الاستسلام للقلق. لو الوضع مستمر ومأثر على نومك ويومك بشكل كبير، فكري في إنك تتكلمي مع متخصص نفسي متخصص في الصدمات، عشان تساعدكِ تتعاملي مع التروما دي من جذورها. ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. أنتِ مش لوحدكِ في الشعور ده، وفي طريق للخروج منه خطوة بخطوة. ربنا يريح قلبك ويتمم لكِ اللي فيه الخير.
تم النشر السبت، ٢٠ يونيو ٢٠٢٦
مهما كان فيه تأخير او م توفيق أكيد هيجى الشخص المناسب اللى كل حاجه هتم معاه لكن مش ده المهم .. المهم انه ف الاخر يبقى شخص مناسب وكويس وبس
تم النشر الأحد، ٢١ يونيو ٢٠٢٦
وأنا مش عايزاكِ تعملي سيناريوهات في دماغك لأن بجد الموضوع نصيب ولو جاء نصيبك الموضوع مش هيبوظ هيتم وهيكون متيسر جدًا وبلاش يكون عندك سوء ظن أن الموضوع هيبوظ كدا كدا لأ في أسباب وبناءً عليها الموضوع ما تمش
تم النشر الأحد، ٢١ يونيو ٢٠٢٦
أعتقد الأهل لو رفضوا بيكون عندهم أسباب
تم النشر الأحد، ٢١ يونيو ٢٠٢٦
@السائلة أيوة فهمتك يعني الفكرة مش خوف من الزواج لأ الفكرة خوف من إن الموضوع ما يتمش، طيب أنتِ شايفة هل سبب إن الموضوع ما يتمش أهلك؟ ولا فعلًا الإنسان غير مناسب وبرضو مش من نصيبك! ولا حاجات بتحصل أنتي مش لاقيه تفسير ليها؟
تم النشر الأحد، ٢١ يونيو ٢٠٢٦
هو اه بس ال اقصده هنا ان انا بخاف م ان الموضوع م الاول ميتمش انا عندي عقده م دي ان ف عريس الدنيا تمام تبوظ م غير اي سبب ف بقيت دماغي خلاص سيناريو بيبقا نفسي الموضوع يكمل واحس ف مره ان صح وان مش كل مره نفس السيناريو فاهمه قصدي مش العريس أو خوف م فكره الجواز
تم النشر الأحد، ٢١ يونيو ٢٠٢٦
انا فاهمه دا انا عايزه اعرف ازاي افرق دي حاجه هتحصل ودا شعور لا واعي م عقلي عشان يحميني
تم النشر الأحد، ٢١ يونيو ٢٠٢٦
لعرض السؤال في فدني اضغط هنا