زوجي خاني قبل كده وانا سامحته لما عرفت ودلوقتي انا عرفت إنه بيخوني تاني ومع ذلك قررت اسكت بس انا بكرهه بجد يكرهه ومع ذلك مكمله معاه لأن معايا منه طفلين صغيرين أوي وهيتبهدلوا معايا لو انفصلت في الوقت ده ده غير انهم محتاجين مراعاه ،
فقررت إني هصبر لحد ما ربنا يقويني ويبقى عندي قدرة ماديه ونفسيه إني انفذ القرار ده بس حاليا مش بستحمله معايا
نفسي اتخلص من أذاه النفسي ليا ومع ذلك ماعرفش ليه كل ما اعرف إنه بيكلمها بحس بخنجر فقلبي نفس الوجع والقهر والحسرة !!! مع اني مابحبوش بس ليه ليه نفس الوجع ده وازاي اتخلص منه 💔💔
السلام عليكم ورحمه الله وبركاته لو بنسال ليه الوجع زي ما هو لانه مكان الزوجه عندك ما تغيرتش في اي حاجه هو زوجك انت بتحبيه انت من جواكي. في علاقه نفسيه وذهنيه وسنين قضيتها مع بعض ومواقفته وكل حاجه فشيء طبيعي جدا الحاجه اللي لامسه جلدي لو بدات يبقى فيها مشاكل هتوجع هتحس بالالم هتقول فاحنا عايزين بس نبص للموضوع من كذا اتجاه عارفه انه طبعا الوضع اللي انت شايفاه خليكي تقرري انه لا انا هبقى حابه انفصل بس خلينا نشوف كل الاحتمالات اهم شيء في الموضوع انك تقرري يكون ليكي وقفه تجاه الخطأ اللي بيحصل ده يعني اولا ضروري جدا تكوني مصارحاه طول الوقت انه ده مش مناسبك وده مرفوض تماما وانك منتظره ان هو يغير الكلام اللي بيحصل ده لازم طول الوقت يبقى عارف انك مش موافقه على ده او انك بترفضي ده وانك هتبداي تاخذي ردود افعال تجاه الخطا اللي بيحصل ما ينفعش تبقي عاديه ما ينفعش تبقي كانك خلاص قبلت الامر الواقع ما ينفعش خالص بابسط ردود الافعال وكل الافعال حتى يعني طبعا معرفش هو. بالنسبه له الوضع عامل ازاي ولكن حتى لو هو تعامل ببجاحه وانه خلاص بقى انت ما قدامكيش حل غير انك تستحملي اللي انا بعمله لا ما ينفعش تبقي بتتعاملي على اساس انه تمام خلاص انا هتعامل معاك عادي رغم الخطا اللي بيحصل لا طبعا مفيش اي حاجه هتكون عاديه ولكن مش هنخسر كل الجوانب مره واحده. نيجي نتكلم في الاحتمالات احنا ممكن تعمليه وايه الحاجات اللي ممكن توصل لها الاوضاع انت ممكن تبقي مقضيه الفتره اللي جايه معايا كلها بتحاولي زي ما انت بتقولي تهيئ لنفسك معيشه تقدري بها تنفصلي عنه ده لو هو مصمم ومش ناوي يتراجع قوي يحاول ان هو يوقف الخطا بتاع مساله الخيانة دي فهتفضلي طول الوقت بتعملي ايه بقى نفسيا بتبقي بتفصلي نفسك منه نفسيا عشان الانفصال مايجيش مره واحده حتى لو قعدت سنين بتتجهزي له هيبقى واقعه صعب عليك جدا فاحنا هنا هنستعد نفسيا لمسأله الانفصال فهنبدا لو في حاجات احنا ما بنعرفش نعملها من غيره وهنبدأ نتعود نعملها من غير ولو في حاجات احنا بنستنى لما هو يكون موجود عشان نعملها او ما بنعملهاش الا عشانه هنبدأ نعملها عادي جدا حتى لو هو مش موجود وهنعملها عشان نفسنا فده كده واحد من الاحتمالات الاحتمال الثاني هو انك هتحاولي معاه انك ترجعي علاقتكم افضل من الاول وانه يكون في حلول علشان الراجل ده يتوقف عن اللي هو بيعمله وهنا هنبدأ ندخل في حاجات هتبقى يعني ميكس ما بين انك هتبقي مهتمه بنفسك جدا مش كل حاجه ربطاها بيه وما بين انك هتبقي ماشيه معايا واحده واحده في انك توقفي الخطا ده بانك تشوفي اسباب هو الراجل ده بيعمل كده ليه عنده بقى وقت فاضي انا واخده منه المسؤوليات كلها وبعمل حاجات كتير هو المفروض ان هو يعملها ما بيعملهاش فالسبب ان انا سايبه له الفراغ ده وشايله عنه مسؤوليه هو بيتصرف بالشكل ده ولا ده هو في عنده جزء ناقصه ولا هو اصلا كان عنده تاريخ بانه بيعمل النوع ده من العلاقات مثلا اونلاين وشبه متعود على الموضوع من غير ما يحس في عمال يكرره هنبقى ماشيين نشوف السبب علشان نحسن من العلاقه واحده واحده يقول لك ان دي مش حاجات مستحيله دي حاجه بتجيب نتائج مع ناس كتير وحياتهم بترجع ثاني وهقول لك كمان انها ترجع احسن من الاول فاختاري انك تبقي ماشيه الطريق وعامله حساب كل الاحتمالات. افضل من انك تمسكي في طريق معين أو قرار معين وبعدين ممكن يظهر لك كده امور في النص تبقي مش قادره ترجعي خطوات لورا.
تم النشر السبت، ١٩ يوليو ٢٠٢٥
الخيانه ليس لها علاقه بك هو خان عهده مع ربنا في الأساس ، وان لم يتوب لربنا ،غير كدا هتكرر كثيرا ، طبيعي تشعري بألم ومراره من الموقف ، وطبيعي كمان لانك مضغوطه في وجود أطفالك الصغار .طول مانت ساكته تماما بدون أخذ أي خطوه هتفضلي تعبانه ، محتاجه تتكلمي معاه ولكن ليس باللوم او الخناق ، عتاب لأنه حسابه الأساسي مع ربنا ،يكون في احد من الأهل لو بيسمعله يكون عنده حكمه ممكن يساعد ، لو في فرصه وفي بعض التفاهم احجزوا استشاره علاقات زوجيه بتفرق جدا ، وطبعا اللجوء لربنا بالدعاء هو الأساس وهو الوحيد القادر علي خروجك من هذه الأزمه .
تم النشر الثلاثاء، ٢٢ يوليو ٢٠٢٥
هو انتي ليه مختيش موقف من اول مره لو كنتي ختي موقف كانت الأمور هتبقى احسن لان خد فكره أنها عرفت اول مره فتاني مره مش هاتتاثر ورابع وخامس هو محسش إن الي حصل عمل مشكله فبالتالي هايفضل يعمله وبالنسبه لحته انك بتحسين بقهره لانك لسه بتحبيه بس عقلك مش عاوز يفهمك كده بسبب الي انتي شوفتيه منه
تم النشر السبت، ١٩ يوليو ٢٠٢٥
عزيزتي، أفهم تمامًا حجم الألم والحيرة التي تعانين منها، وخاصة وأنتِ تتحملين عبء الصبر من أجل أطفالك ورغبتك في الحفاظ على استقرارهم. خيانة الزوج في حد ذاتها جرح عميق، وخصوصًا عندما تتكرر، فالأثر النفسي يكون ثقيلاً للغاية، ولا عجب أن قلبك يشعر بالخنجر نفسه رغم بعدك العاطفي عنه. هذا الألم طبيعي جداً، لأن مشاعرنا لا تختلط فقط بالحب أو الكره، بل بالأمل، الخيانة، الخوف، الإحباط، والحيرة. إليك بعض النقاط التي قد تساعدك في التعامل مع هذه المرحلة الصعبة خطوة بخطوة: التعرف على مشاعرك وقبولها: لا تحرمي نفسك من الشعور بالوجع أو الغضب أو الحزن، فهذه مشاعر طبيعية ومؤلمة لكنها جزء من عملية التكيف. الاعتراف بهذه المشاعر ليس ضعف، بل هو بداية الشفاء. حماية نفسك نفسياً: بما أنك الآن قررتِ أن تصبري لأجل أطفالك، من المهم أن تفتشي عن مصادر دعم لنفسك، سواء كان ذلك عبر قراءات مفيدة، متابعة أسئلة ونصائح في "فدني"، أو حتى التواصل مع مختص نفسي يمكنه مساعدتك في تقليل الألم النفسي تدريجياً. تقوية ذاتك وروحك: جربي أن تصلي بخشوع وتفضي إلى الله مشاعرك وخواطرك، فهو أحن الراحمين وأقرب منك من حبل الوريد. الدعاء والتوكّل على الله يعطِانك طاقة روحية وطمأنينة نفسية عظيمة. التركيز على بناء قدرتك المادية والنفسية: كما ذكرتِ، الاستقلالية المالية والنفسية ستكونان مفتاح القرار في الوقت المناسب. حاولي تنظيم وقتك بشكل يعطي مساحة للتعلم أو العمل، أو حتى لتنمية مهارات جديدة تساعدك في بناء مستقبل أكثر أماناً. تعلم طرق التخفيف عن النفس: كثير من النساء يواجهن مثل هذه الضغوط وكل واحدة تجد طريقتها بالتعامل. قد تكتبي يوميات خاصة لكي تعبّري عن مشاعرك بكتابة ما يضايقك، أو تمارسي هوايات تستهويك وتبعد ذهنك عن التركيز على الخيانة. تنظيم حدود العلاقة: في فترة الصبر، حاولي تحطيم الحواجز النفسية التي تنقل لكِ الألم، مثلاً ابتعدي عن متابعة أخبار تواصلاته، لأن إعادة الشعور بمعاناتك بنفس الوسيلة تزيد الألم. أنت لا تتحكمين في تصرفاته، لكن يمكنك التحكم بردة فعلك تجاه المواقف. تذكير نفسك بقيمتك: مهما مررتِ بصعوبات، أنتِ امرأة ذات قيمة وكرامة، وحرمتك لا تنقصها أي ظروف. كثّفي من تحمّل هذه الفكرة التي ترفع من مستوى احترامك لذاتك. إذا شعرتِ أن الوحدة أو الوجع النفسي أصبحا ثقيليْن، يفضل أن تتواصلي مع أحد الخبراء المتخصصين في الدعم النفسي وأسريّاً، ويمكنك البحث في موقع فدني عن خبراء في الاستشارات ممن يمكنهم مساعدتك بشكل أعمق وأكثر خصوصية. وأخيراً، أذكرك أن الصبر جميل لكن لا يكون على حساب كرامتك وحياتك النفسية، ولا تغفلي أن القرار في يدك وحقك محفوظ، والله معك دائمًا، ومهما طال الظلام سيأتي الفجر بالفرج، فاحسني الظن بالله، ولا تترددي في العودة إليّ متى أردتِ الدعم أو المشاركة. أنا هنا دائمًا معك، وأتمنى لك القوة والشفاء. 💖 هل تودين مني أن أساعدك في البحث عن خبراء مختصين في فدني ليمكنك التواصل معهم؟
تم النشر السبت، ١٩ يوليو ٢٠٢٥
بصي ربنا جعل المراه عون للرجل وكمان الراجل عون للست بكلمك من ناحيه دينيه اعملي كده معاه لله حاولي ترجعيه عن السكه ديه واكسبي فيه ثواب عشان العشره والحب الي بينكم وفي المقام الأول هي لله احتويه
تم النشر الثلاثاء، ٢٢ يوليو ٢٠٢٥
ليه مش تتكلمى مع حد موثوق ف الموضوع ويخليه يعقل عليه ولو استمر ع اللى هو فيه انا شايفه انه الانفصال احسن
تم النشر السبت، ١٩ يوليو ٢٠٢٥
انا جوزي كدا وكنت بقرف منه ودائما اعمل مشاكل معاه بس شفت أن مجمعنا مش مخلي الحاجه دي عيب هيحطو العيب فيا فقررت لتجاهل الموضوع وكمان مفتش وراه ورغم الشك الي يجيني لما ألقاه ماسك تليفونه بس بروح ناديه ياحبيبي تعال نتفرج علي الفيلم وبعمل أجواء ومشي الدنيا ،بس انتي غيري طريقتك معاه خليكي دائما مبتسمه وفرفوسه اول ما عايز يطلع من البيت ودعيه واول مايجي من بره احضني وسمعيه كلام حلو بس مش دايما مثلا ياعيوني و ياحبيبي وكدا وحاولي انك ماتنكديش علي نفسك لأن في الاخر الرجاله اصلا مابيتئذوش انتي الي هتأذي نفسك
تم النشر الجمعة، ٢٥ يوليو ٢٠٢٥
طيب اقولك علي حاجه بطلي تراقبيه بطلي تفتشي وراه والله دا عشانك وعشان راحتك النفسيه اعملي نفسك غبيه وماتحسسيه انك عارفه حاجه عشان كدا انتي بتهيني نفسك لو قولتيله انك عارفه خيانته ولسه مكمله معاه ،ثالث حاجه الهي نفسك واهتمي بنفسك والعيال وببيتك وهزري وفرفشي مع عيتلك وأصحابه والله مافي حاجه تستاهل وبعدين انتي لما تكلقي مش سبب دا مقنع لمجتمعنا وادعيله وقربي من ربنا وقيمي اليل وادعيله ربنا يهديه و واعرفي أن حياتك بأيدك انتي الي قادره تغييرها للاحسن
تم النشر الجمعة، ٢٥ يوليو ٢٠٢٥
المواجهة أفضل حل
تم النشر الأحد، ٢٠ يوليو ٢٠٢٥
لعرض السؤال في فدني اضغط هنا