عندى كمية طاقة سلبية وتعب جسدى وعقلي ونفسي كله حرفيا انا فى تالتة ثانوى امتحنت العربي كان سهل جدا ولكن دخلنا اللجنة متاخر وعقبال ما الاستاذات اجت وادتنا الورق ومضينا وراجعوا وهما كما مضوا وغير انه حصل لخبطة فى رقم الجلوس
المهم كان فاضل ساعتين قعدنا نحل ولكن الوقت مش كافي اننا نخلص الامتحان انا وبعض الناس سبنا المقالي كله محلنهوش واخدوا الورق مننا
قعدت اعيط لان ضيعت درجات كتيرة اوى فى اول مادة ولحد دلوقتى نفسيتى تعبانة ومش قادرة ادرس مرة تانية ورايا فيزياء بعد بكرة ومش قادرة اقعد ع الكتاب خمس دقايق بامانة بمووت وانا من النوع اللى بيكتم ومربضاش اتكلم واقول مش قادرة اقعد ازاكر علشان اهلى ميزعلوش بشيل بس جوايا وتعبت بجد مش قادرة ابص فى كتب 😭😭😭😭
طيب سبب الحال ده هو انك ربطتي قيمتك وشخصيتك بالدرجة .. فلما حسيتي انك هتنقصي كأن قيمتك انهارت فيجب ان تفصلي قيمتك عن درجاتك فهي توفيق ....... دلوقتي ادعي الله في سجودك واذكري الله وكافئي نفسك واتذكري مميزات شخصيتك .. فهيرجع لك مشاعر ايجابية تدفعك للأمام بإذن الله
تم النشر الأربعاء، ٢٥ يونيو ٢٠٢٥
عمرها ما كانت بحسابتنا حسابات ربنا ديما مختلفه بجد و هيديكي على قد تعبك و مجهودك طول السنه و لسه قدامك فرصه في المواد التانيه تذاكري و تمتحني انا كنت في تالته ثانوي من سنتين و حسه بيكي بجد هي سنه طويله و متعبه بس هانت بجد و كنت بقعد احسب لنفسي برضو بس النتيجه طلعت في الاخر احلى بكتير مما توقعت و دخلت طب اسنان فأدعي كتير و اعملي الي عليكي و خليكي فخورة بنفسك ديما ايا كانت النتيجه
تم النشر الثلاثاء، ٢٤ يونيو ٢٠٢٥
تحبى تاكلى بيتزا صح تفتكرى لو حد اخد قطعه من البيتزا ده يخليكى تفضلى قاعده جعانه ومتاكليش خالص وتزعلى على الحته اللى اتاخدت وخلاص سيبك من اللى نقص وركزى فى اللى جاى واستمتعى بيه وخدى اكبر جزء من الامتحانات اللى جايه كلها وان شاء الله هتخرجى من الامتحانات راضيه عن نفسك وربنا هيراضيكى بالنتيجة الحلوه
تم النشر الثلاثاء، ٢٤ يونيو ٢٠٢٥
عزيزتي، أولاً أريد أن أقول لكِ إن مشاعرك هذه طبيعية جداً، خاصةً بعد التجربة الصعبة اللي مرّت بها في امتحان العربي. إحساسك بالإحباط والضغط النفسي والتعب الجسدي والعقلي له أسبابه، ولا يعني أبداً أنك ضعيفة أو قادرة على المواصلة. بالعكس، هذا دليل على حرصك وحداثتك في التفوق وتحملك للمسؤولية. خليني أساعدك بخطوات عملية عشان ترجعي تهيئي نفسك للامتحانات القادمة وتخففي من هذا الضغط: رتبي أفكارك وخطواتك: سجلي كل اللي مضايقك، حتى لو كان مجرد جمل قصيرة، هذا حيساعدك تخرجي الطاقة السلبية عشان تخفّ. حددي الأولويات: الفيزياء قادمة بعد يومين، فابدئي بتركيز بسيط جداً عليها. قسمي وقت المذاكرة: بدل ما تحاولي تذاكري لساعات، ابدئي بخمس إلى عشر دقائق فقط، وازودي الوقت تدريجياً. خدي فترات راحة قصيرة بين المذاكرة، مثلاً 5 دقائق تمشي فيها أو تشربي شيء مريح. تقبلي مشاعرك وما تضغطي على نفسك: البكاء والتعب النفسي جزء من معالجة الضغط، وما في حرج في التعبير عن مشاعرِك بأي شكل تحسيه صح. لا تلومي نفسك ولا تحسي أن خسارة درجات مادة واحدة هي نهاية الطريق. طلب المساعدة: حتى لو كنتِ تميلين لكتم مشاعرك، حاولي واحدة من هذه الوسائل: كتابة مشاعرك في دفتر. التحدث مع شخص تثقين به أو مع مستشار نفسي في المدرسة أو عبر الإنترنت. يمكنكِ في تطبيق فدني البحث عن خبراء نفسيين أو مختصين تعليميين لديهم خبرة لمساعدتك. روحك مع الله: لا تنسي الدعاء والاستعانة بالله، فهو دائمًا معينك في كل الأوقات. توقفي للحظات وادعي ربك يرزقك الطمأنينة والتركيز. وأخيراً، لا تنسي أنتِ أكثر من مجرد درجات. النجاح الحقيقي هو الصمود والمحاولة من جديد، وأنتِ قادرة بإذن الله على تجاوز هذا التحدي. لو حبيتي، ممكن أساعدك أوجّهك لخبراء نفسيين أو مدربين دراسيين في تطبيق فدني يعاونوا معك بشكل مباشر. أنا معك، لا تترددي تسألي أو تشاركي أي شيء. ربنا يسهّل لكِ ويرزقك الراحة النفسية والنجاح 🌸✨
تم النشر الثلاثاء، ٢٤ يونيو ٢٠٢٥
انا كمان تالته ثانوي ولسه ممتحن العربي وتقريبا حصل معايا كده الوقت قليل بس خلاص بقي الي حصل حصل والمفروض تركزي في الجاي عشان متضيعيش درجات اكتر من كدا ..... اعرف واحد كان ناقص ١٧ درجه في العربي بس وهو حاليا طب بشري عوض في باقي المواد.ف حاولي بقي تظبطي الدنيا عشان الجاي اهم حاجه...كنت بحل فيزيا واخد بريك 😂
تم النشر الثلاثاء، ٢٤ يونيو ٢٠٢٥
لعرض السؤال في فدني اضغط هنا