انا بحب واحد جاري من طرف واحد هو اكبر من بخمس سنين اهلو كلهم يعرفو اهلي وصحاب كمان هما ناس طيبه وهو محترم جداااا وكل عيلتي بتحبو اووي كمان، هو بيفضل يبصلي ونا واقفه في البلكونه ويضحك ونا اصلا بقف عشانو
كل الناس اللي هما مثلا ولاد وبنات خالتي بيقولو هو بيبصلي عادي ومش بيحبني وانو بيبصلي على اساس اني اختو بس مفيش حد هكون مجرد اخت له يفضل يبصلي ويضحكلي وبيغير عليا ايوا بيغير عليا في مره كنت وقفه في البلكونه وكان في واحد انا اعرفو برضو وكدا عادي يعني معرفه بس فكان بيبص علي البلكونه راح هو ضربو وقالي بصوت عالي خشي عشان مش بحب حد يبص عليكي ومواقف من دي كتير
قولت لابن خالتي يقولو اني بحبو وابن خالتي ايجه كدب عليا وقالي انو قالو وهو قالو انها اختي وانها اخت صاحبي ونا بعد لما عملت كاتنج طلع هو اصلا مش قالو حاجه خاالص وقولت لابن خالتي انو يقولو عشان انا بقيت احبو اكتر من نفسي حرفيا متعلقه بي اوي ومحدش حاسس بياا خالص والله تعبت اووي...
هو ممكن ميكونش سوال... بس انا خايفه يطلع مش بيحبني بعد كل دااا.. انا اقسم بالله ممكن اعمل حاجه في نفسي... ويبقا السوال هل هو فعلا بيحبني
سؤالك الأساسي هتحبي واحد مبيحبكيش؟ هل انتي عمرك الحالي ناضج كفاية للارتباط ؟ هل مجرد غيرته عليكي ممكن يكون ده بيحسسه برجولته أو موقف شهم حب يظهر فيه بما أن الأسر مترابطة بس هل ده مع حبك ليه كفاية يخلوه شخص مناسب ؟ الاهم بقى ليه حبي يخليني ااذي نفسي ؟ الحب اللي يتحول لضرر ليا ميبقاش حب يبقى اختبار دي حاجات المفروض تفكري فيها كويس اوي تاني حاجة متخليش حد يوصل رسايل على لسانك متخليش حد يلعب بعقلك على حسب أفكاره و قراراته مشاعرك حلوة و تقدر خليها في قلبك و احفظيها لحد ما ربنا يأذن و يجمعكم ♥️ معرفته مش هتخليه يكون معاكي لو انتي مش في سن ارتباط او لو هو حد مش كويس ممكن يستغل مشاعرك و لو كويس معرفته ممكن تجرحك برد فعله هو لو بيبادلك نفس الشعور الاولى يعترف هو يعرفك هو نفسك اهم من كل ده و روحك حقيقي متستحقش تتعب على افتراضات أو توقع
تم النشر الخميس، ٢٩ مايو ٢٠٢٥
السلام عليكم و رحمة اللّٰه و بركاته مبدأيا حابه افهمك نقطه معينه و هي إن لو الشخص ده من نصيبك ف مهما حصل هتبقوا لبعض ، مينفعش تعملي في نفسك كدا عشان خاطر حد أنتِ كدا بترتكبي ذنب كبير في حق نفسك و حرام تعملي كدا مهما حصل مش معنى إن عمل موقف شبه كدا يبقا بيحبك ممكن حابب يبين رجولته قدامك مش اكتر ، او نفترض عملها كغيره ف هيبقا عشان جارتو و بيخاف عليكي متعليقش نفسك بكلام أنتِ مش متأكده منو عشان كدا هتتعبي نفسياً و مينفعش تقفي في البلكونه عشانو أو عشان يتغزل فيكي متنسيش {وَقُلْ لِلْمُؤْمِنَاتِ يَغْضُضْنَ مِنْ أَبْصَارِهِنََّ وَيَحْفَظْنَ فُرُوجَهُنَّ وَلا يُبْدِينَ زِينَتَهُنَّ إِلَّا مَا ظَهَرَ مِنْهَا} اتقي الله و ابعدي عن المحرمات و عززي نفسك افتكري إنك جوهره مش أي حد يشوفها و يتغزل فيها غير الي يستاهلها! و أظن ملهوش لزوم تقولي لإبن خالتك يقولو كدا ممكن تخلي حد كبير من أهلك بس يكون ب غرض أنكم تتجمعوا في الحلال و لو في نصيب هتتجمعوا إن شاء الله ، بس افتكري إن أذيتك لنفسك مش هتقدم ولا هتأخر حاجه ، و بالتوفيق
تم النشر السبت، ٣١ مايو ٢٠٢٥
لا متعمليش حاجة فى نفسك هو ان شاء الله بيحبك وهنستناه بقى يثبت حبه بانه يجى يتقدم لاهلك ان شاء الله خليه يثبتلك انه خايف عليكى بجد وراجل كده بافعاله بس تكون حاجات اقوى من مواقف البلكونه شوية ومتوصليش مرسال تانى عشان مفيش داعى
تم النشر الجمعة، ٣٠ مايو ٢٠٢٥
اولا لازم نغض البصر لو فعلا بتحبيه قربى من ربنا وادعى لو في الخير ربنا يقدمهولك
تم النشر الأربعاء، ٢٨ مايو ٢٠٢٥
اتقلي وهوه الي هيجري وراكي لأنها فطره الراجل عايز يطارد البنت مش انتي الي تقولينه بحبك
تم النشر السبت، ٣١ مايو ٢٠٢٥
اعتقد عائلتك مش متماسكة ومفيهاش الدعم الكافي وده سبب لك عطش للحب وهو جذر المشكلة .... أولا الاعتماد العاطفي عليه مشكله .. ممكن يموت الثانية دي ! يتزوج ينتقل يكرهك إلخ .... ثانيا الاعتماد حتى لو جمعكم زواج ممكن يخرب العلاقة لأنها ناتجة عن لا سواء ... الصحيح ان كل واحد مشبع عاطفيا وله حدوده الشخصية اما في حال انك بتحبيه أكثر من نفسك فأنتي فتحتي له كل الحدود وسلمتيه كل الصلاحيات .... اهدي و متتسرعيش
تم النشر الجمعة، ٣٠ مايو ٢٠٢٥
لعرض السؤال في فدني اضغط هنا