السلام عليكم 🤍
مش بعرف أكتب نصايح أوي، لكن دي حاجة فعلًا بقيت مقتنعة بيها جدًا مؤخرًا، وحسّيت إنها تستحق تتقال..
أوقات فعل صغير جدًا مننا ممكن يفرق مع حد أكتر مما نتخيل، عشان كده حاول دايمًا تكون لين في كلامك وطريقتك مع الناس.
إحنا فعلًا مانعرفش مين بيحارب أفكار مرهقة أو يوم صعب وهو ساكت.
حاول تبقى لطيف قدر المستطاع، انت ماتعرفش مين حواليك بيمر بيوم سئ ولطفك ممكن ينجيّه من حبل أفكار سلبية مش عارف يقطعه.
همومك تقدر تخليها تظهر على السطح وانت لوحدك أو فى وجود شخص بيحاول يساعدك .. لكنها مش عذر أبدًا لـ حدتك فى التعامل مع اللى حواليك!
انت كبرت كفاية عشان تدرك إن كل واحد شايل شيلته بالعافية ومش ناقص حد .. فـ إن كرمك مادفعكش إنك تخفف عن اللى قدامك، يبقى واجبك إنك ماتزودش عليه 🤍.
وعليكم السلام 🤍 كلامك جميل وعميق، وفعلاً ده درس بيتعلم بالتجربة أكتر من أي حاجة. مش كل الناس بتقدر تعبر عن اللي جواها، وأحيانًا ابتسامة بسيطة أو كلمة لطيفة بتكون زي النجدة اللي حد محتاجها في لحظة صعبة. اللطف مش ضعف، ده قوة حقيقية، وده اللي بيخلينا نكون بشر أحسن. شكرًا إنك شاركتِ الفكرة دي، هي فعلاً تستاهل تتذكر. لو عايزة تتكلمي أكتر عن الموضوع أو تشوفي آراء ناس تانية، جربي تبحثي عن أسئلة مشابهة في فدني.
تم النشر الجمعة، ٢٢ مايو ٢٠٢٦
بصراحه انا معترض انا كنت في يوم من الايام حد لطيف بس الدنيا ما بترحمش الشخص اللطيف الناس اما بتشوف حد لطيف بتاكله بيظهر كل شرهم. معتش مقتنع بفكرة انك تكون لطيف مع الكل دي فكره سيئه جدا. انا مع انك تكون لطيف مع اهلك طبيعي مع اصحابك حاسم مع اي حد ماتعرفوش
تم النشر الاثنين، ٢٥ مايو ٢٠٢٦
ربنا يبارك في حضرتك، فعلًا كل واحد عنده معركته اللي محدش شايفها.. عشان كده الكلمة الطيبة بقت شيء مهم جدًا 🤍.
تم النشر الجمعة، ٢٢ مايو ٢٠٢٦
جزاك الله كل الخير فعلا عندك حق لازم الواحد ميتعاملش مع الناس حسب حالته المزاجية.. لان كل واحد فيه اللي مكفيه .. ربنا ينفع بك 🌷
تم النشر الجمعة، ٢٢ مايو ٢٠٢٦
@عبدالحكم عادل مشعل فاهمة قصد حضرتك فعلًا، وأنا مع فكرة إن الإنسان يبقى عنده حدود وشخصية ومش يسمح لحد يستغله، لكن قصدي من الكلام كان اللطف في الأسلوب والتعامل مش إن الواحد يبقى ضعيف أو يسمح بالأذى. ممكن تبقى حاسم جدًا وفي نفس الوقت محترم وهادي، ودي أريح للنفس فعلًا..كمان من كلامي كان في توجيه ل فكره اننا منأذيش الناس ب كلامنا لان دي حاجه هنتحاسب عليها اصلا و مش هيفهمها غير اللي جربها بجد، كمان الكلمه الطيبه وصي عليها الرسول و قال الكلمه الطيبه صدقه ف احنا نحاول نوازن ما بين الصح و اللي وصي عليه الدين و ليه جزاء و بين اننا نواكب تغيرات طباع الناس و انها مبقتش كويسه فعلا زي زمان..كمان مش معني انو الواجد يبقي كلامه كويس و ميأذيش حد يبقي كدا بقي غلبان و اي حد يأذيه. ف انا مع اننا ناخد بالنا دايما من كلامنا و لو مش هنقول كلام كويس يبقي منقولش الوحش و نضر غيرنا، لان والله الكلمه لها اثر كبير فعلا و عن تجربه. انا جربت النوعين..و حابه اشكرك علي مشاركتك و اسفه ع الاطاله بس كان لازم اوضح الفكره.. 🌷
تم النشر الثلاثاء، ٢٦ مايو ٢٠٢٦
لعرض السؤال في فدني اضغط هنا