مليش خبرة في زراعة النباتات والزهور لكن مهم تعرفي إن الموضوع هيحتاج منك اهتمام ومتابعة علشان النبات يكمل معك ويعيش. حاولي تنضمي لجروبات الزراعة ومحبي النباتات على الفيسبوك عشان تلاقي نصائح لكيفية العناية بالنبات اللي هتختاري زراعته لأن كل نبات بيختلف في مواعيد الزراعة والإزهار وامتى ترويه وكل قد إيه ووع السماد واحيانا ممكن تحتاجي أدوية أو رش لبعض الآفات والعناكب وغيرها. فكل نبات له تفاصيل رعاية مختلفة فيه جروبات كتير على الفيسبوك ممكن تبحثي وتنضمي لهم. ممكن أقترح عليكِ فيه أنواع من الصبار والعصاريات بتطلع أزهار ولها منظر جمالي وكمان الياسمين والورد البلدي والنعناع والريخان حلوين للزراعة في البلكونات ومداخل البيت من ناحية تعطي منظر جمالي ومن ناحية تعطر الجو.
لعرض الإجابة في فدني اضغط هنا