شوفي حبيبتي، داومي على الرقية الشرعية وقراءة سورة البقرة كل يوم، اذكار الصباح والمساء كمان... ومهما كان الي فيكي رح يزيد بشعورك بعدم التقدير والوحدة، وصدقيني انه حتى في متزوجات وعندهن ولاد وفي منهن عندهن احفاد بيعانو من نفس الشعور.. والحل من وجهة نظري انك تتعلمي كيف ما تستني دعم معنوي من حدا، يعني المداومة على الأمور الي قلتلك عنها؛ وعلى الدعاء بتغنيكي عن الناس! هاد ما بعني طبعا انه نقعد لحالنا وما نختلط مع حدا، او لما يجيكي نصيب منيح ان شاء الله ، ما بعني انه ما تفتحي الباب ، لا بالعكس... هاد الاشي بخليكي قوية من جوا، مآمنة انه الناس ولا مرة كانت دائما عون ، واذا كان بتكون بتسخير من الله فقط... يعني عادي تدعمي شخص لفترة طويلة وبعدين ينكر وما يوقف معك، هيك انت عرفتي حقيقته، وبالمقابل لما يكون دعمك من قلبك ولوجه الله ؛ ربنا بسخرلك الاسباب الي تصيري فيها قوية لما تكوني بحاجة، ولعلي سبب سخرني الله الك عشان اقلك هاي الامور...
لعرض الإجابة في فدني اضغط هنا