السلام عليكم، الانتحار عمره ما كان حل مهما كان الوضع اللي بتمر به... إيه الفائدة اللي هترجع عليك من قرار زي ده؟ فاكر إنك هترتاح من العذاب اللي أنت فيه؟ فاكر والدتك مثلا هتحس بالذنب أو هتعرف أصلا إنها وصلتك بكلامها لليأس وإنهاء حياتك؟ وبعد الانتحار... فكرت في الآخرة مصيرك إيه؟ لأن خد بالك دي حياة أبدية ومفيش موت هناك... يعني مش هتلاقي مخرج تهرب به مرة تانية. *** عارفة الوضع صعب عليك وممكن المرض بتاعك مخلي الموضوع أصعب لكن صدقني كل الصعوبات اللي انت فيها والألم ميجيش حاجة جنب إنك تخسر فرصتك في الخروج من الابتلاء اللي أنت فيه وتلاقي الحياة اللي تستحقها. ** لو مسلم، حاول تواظب على الصلاة في مواعيدها وتحاول يكون فيها خشوع قد ما تقدر ومهما وسوس لك الشيطان إنك بتصلي ومفيش تغير متسمعش. وجرب تقرأ سورة البقرة على 3 أيام أو اسمع رقية شرعية. تأكد إن أي ابتلاء أو وضع صعب بتمر به ربنا عارف إنك قوي وعارف تخرج منه منتصر لأن ربنا قال (لا يُكلف الله نفسًا إلا وسعها) محتاج بس تثق في نفسك وتستعين بالله لأنه لا حول ولا قوة إلا به. ولازم طبعا تتابع علاجك لو ماشي حاليا مع طبيب مختص أو تتابع مع واحد.. أحيانا بنحتاج لمساعدة مختص يوجههنا بالخطوات اللي محتاجينها. ** إن شاء الله المختصين هنا يردوا عليك بخطوات أكثر عملية وتخصصا تساعدك في الخروج من مشكلتك. ربنا يقويك ويعينك.
لعرض الإجابة في فدني اضغط هنا