كيف أعالج الإدمان الجنسي وادمان الموبايل؟

Question

السلام عليكم ورحمة الله وبركاته انا ٢١ سنه عامه انا مش عارفه ابدا بأنهي مشكله ولا ابدا من فين بس انا فعلا في خطر أتمنى ان حد يساعدني من زمان خالص كذا حد من قريبنا بيقرب مني خالص وبيحاول يعمل معايا حاجات وحشه ( جنسيه ) وفي منهم بالفعل شخص اعتدى عليا جنسيا بس من غير اذى ليا يعني انا لسه بنت الحمد لله وبرضو بنات اكبر مني يعني انا كنت ٧ او ٨ سنين او ٩ في الحدود دي بيعملو معايا برضو حاجات دي ف بقيت دايما احس بشهوه من ساعة ما كبرت حبه وصلت لاعدادي كدا وبقيت اعمل العاده وانا معرفش اي هوا ده ولا انها حرام او انها مضره بس كنت بعمل وخلاص بقيت شهوانيه جدا جدا لما دخلت كليه تفكيري كلو جنسي حرفيا مع ان انا والله ملتزمه وبحاول قدر الامكان اقرب من ربنا وابعد عن اي حاجه حرام ولبسي شرعي واي كلمه بطلعها من بوقي بحسبها الاول هل ممكن اخد عليها ذنب ولا لا بس انا وقت الشهوه بكون انسانه تانيه خالص ودخلت في سكه ان اكلم شباب من الشتات المجهوله والتطبيقات المجهوله واعمل الذنب ده بعدها اعيط واكره نفسي وافضل ادعي على نفسي بالموت علشان ابطل اعصي ربنا لاكن بعدها بساعه ارجع اعمل العاده تاني + افلام اباحيه ربنا يعافيكم وكل يوم الوضع يزيد وعلاقتي بربنا تقل يوم وتزيد يوم بس سواء قلت او زادات برضو بمارس الذنب ده حتى لو مفيش متعه مفيش لذه برضو بعملو ده اثر على كل حاجه في حياتي وعلي علاقتي بالمجتمع عامة كسرت الموبيل قبل كدا وفضلت من غيرو شوية لكن لقيت نفسي مش بفكر في الذنب اصلا وبعمل حاجات حلوه كتير ورياضه وصلاه وقران لكن لما رجع الموبيل كل حاجه رجعت زي الاول واكتر انا حاسه ان كل كلامي ملخبط ومش عارفه افكر ولا اركز انا بكتب اي ايدي بتتنفض وانا بكتب بس اللي انا حاساه ان ممكن اجي في يوم واموت نفسي علشان معصيش ربنا مع ان دي كمان معصيه وكفر بس معتش عارفه اتصرف ازاي مع نفسي خصوصا ان انا معنديش دخل انا لسه طالبه يعني حتى مش معايا فلوس ابدا علاج نفسي ده غير ادماني للموبايل بمسكو بالساعات دماغي بتنمل وعنيا بتوجعني واهلي بيزعقو فيا بسبب مسكتي للموبيل بس برضو بمسكو إي الحل قولوا لي مع العلم اني جربت كذا تطبيق علشان احظر جوجل اللي بدخل منو على الشتات واليوتيوب اللي بيضيع وقتي وافضل اليوم كله عليه لكن في ثانيه واحده بمسح التطبيق اللي بيحظر ده واستخدم الموبيل عادي والموبيل محتاجاه في دراستي وفي نفس الوقت مش محتاجاه اوي ولو اديتو لحد من اهلي وقلتلهم مش عايزاه هيدوه لحد من اخواتي وانا طبعا مش هستحمل ان موبيل يكون مع حد تاني ف هاخدو تاني قولوا لي الحل وقلولي تطبيق يحظر جوجل واليوتيوب نهائيا وميرجعوش تاني ابدا

Accepted Answer

بصي انا فاهمه اللي بتمري بيه صعب ازاي وحاسه بيكي وبحيرتك بس انك تموتي نفسك ده ذنب اكبر ومش هتعرفي تتوبي منه بقا ساعتها هتكوني ضيعتي كل حاجه انما الذنب اللي بتعمليه تقدري تتوبي منه ربنا بيعفر كل الذنوب بيغفر للزاني متخليه مش هيغفرلك انتي؟ انتي محتاجه تركزي شويه في الكلام اللي هقوله طيب مبدائيا كويس انك بتحاولي. هقولك على حاجة الإدمان السلوكي علاجة بيكون أسهل نوعا ما من الأنواع التانيه بس محتاج متخصص كويس يتابع معاك انتي مش وحشه انتي بس مش قادره تتحكمي في نفسك وده غصب عنك. اول حاجة في رحلة التعافي لازم تفهمي اصلا يعني ايه إدمان لان مش طبيعي تحاربي حاجة انتي مش فاهمها اصلا. وانا هرشحلك حد كويس جدا هو دكتور نفسي اتكلم عن كيفية التعافي من اي نوع إدمان بس بطريقه واعية يعني بيفهمك عقلك ده ماشي ازاي وليه بينجذب للادمان وحاجات كتير اكيد هتستفيدي منها. اسم الدكتور: عماد رشاد عثمان أعتقد سمعتي عنه. هو عنده بودكاست بيتكلم عن طريقه التعافي وازاي اصلا ممكن تتعافي لازم تفهمي ان الارادة وحدها لا تكفى. الإيمان وحده لا يكفي. ده مرض نفسي محتاج علاج ربنا زي ما خلق الداء خلق الدواء والدواء في الحالات دي بس بيكون إرشاد سلوكي من حد متخصص . وفيه تطبيق اسمه واعي حمليه . اوعي تيأسي من نفسك. اوعي تخلي الشيطان يفهمك ان انتي معدش فيكي امل. اوعي تدخلي في دوامة انا وحشه ومذنبه واستاهل الموت لا بالعكس خليكي متفائله وقويه وحبي نفسك الرحلة طويله بس الجنة تستاهل. صحتك تستاهل. ونفسيتك تستاهل انت مش مسئوله عن اللي حصلك زمان بس مسئووله عن تعافيكي دلوقتي. اللي حصلك ابتلاء وفي ميزان حساناتك والاختبار اللي انتي فيه ده صعب ومحتاج صبر. وربنا مش حاطك في المكان ده الا عشان انتي قدها وتقدري تعديها .ربنا بيحبك والله عشان لسه بتحسي بالذنب اصلا فيه ناس كتير ربنا تركها لانفسها وافتكرت ان دي متعه الحياه ومش ناويه تبطل اصلا . والله ربنا كريم وعارف انتي تعبانه ازاي وهو ارحم بيكي مننا ، الابتلاء بيقوينا يبنتي ، ربنا عايزك قوية . توبي بدل المره عشره ، ارجعي دايما عيطي بين ايده ، قوليله يارب انا تعبت من الذنب ده ، ادعي ربنا يعينك علي طاعته وبيعدك عن مصعيته . اتمنى مكونش طولت عليكي.

Answer

وعليكم السلام ورحمة الله وبركاته. أختي، أنا آسفة جدًا للي بتمرّي بيه، واللي حصل معاكِ في الطفولة كان صعب ومؤلم، وده طبيعي إنه يأثر على مشاعرك دلوقتي. أنتِ مش لوحدك، وإنكِ بتكتبي وبتطلبي المساعدة خطوة شجاعة جدًا. الإدمان الجنسي وإدمان الموبايل مرتبطين غالبًا بصدمات سابقة، ومحتاجين علاج متخصص. أنصحكِ بشدة تتواصلي مع متخصص نفسي أو معالج إدمان عبر صفحة الخبراء في فدني: https://www.fedni.net/experts . هما هيساعدوكِ بخطة عملية تناسب ظروفكِ، وتقدري تبدئي بخطوات بسيطة زي جلسات أونلاين لو المال محدود. بالنسبة للموبايل، جربي تعملي حساب عائلي أو تستخدمي إعدادات الرقابة الأبوية في الجهاز نفسه (مثل Family Link على أندرويد) مع مشاركة كلمة السر مع أحد أفراد العائلة الموثوقين. ابحثي في فدني عن أسئلة مشابهة للحصول على نصائح إضافية من المستخدمين. أنتِ قادرة تتغلبي على ده خطوة بخطوة، وكل محاولة للرجوع لربنا بتفرق. ابدئي بالتواصل مع خبير دلوقتي، وخدي نفس عميق واستمري.

Answer

بصي يا بنت الحلال أول حاجة لازم تعرفيها وتحفريها في دماغك إنك مش مذنبة في اللي حصلك وأنتي طفلة صغيرة ده كان اعتداء وتحرش م لكيش أي ذنب فيه وهو اللي بوظ حتة المشاعر عندك وخلاها تظهر بدري وبعنف يعني أنتي مش إنسانة وحشة ولا شهوانية أنتي مجرد ضحية وبتعاني من صدمة طفولة وموضوع العادة والشباب ده مش حب في الغلط ده هروب من الوجع والذنب عامل زي المخدر بالظبط ربنا رحيم بيكي وشايف محاولاتك ولبسك الشرعي وصراعاتك ومش هيكرهك عشان بتضعفي لإننا بشر وبلاش فكرة أموت نفسي دي خالص لأن الانتحار هو اللي ذنب كبير بجد ومفيش مقارنة بينه وبين أي غلطة تانية الشيطان هو اللي بيصورلك كدة عشان ييأسك من رحمة ربنا بالنسبة للموبايل طالما بتفتحي من جوجل ويوتيوب وتطبيقات الحظر بتمسحيها يبجى الحل تدخل على إعدادات الموبايل نفسه وتفعلي خاصية الرفاهية الرقمية أو تعملي حظر للمواقع دي من شريحة المخط والشركة نفسها وممكن تخلي حد من أصحابك يكتب الرقم السري للحظر وميقولكيش عليه عشان متعرفيش تفكيه ولما تيجيكي الحالة والرغبة الشديدة قولي لنفسك هأجل الموضوع عشر دقائق بس وقومي من مكانك اطلعي برا الأوضة اتوضي أو اتكلمي مع أهلك لإن الرغبة بتبقى زي الموجة بتعلى جامد ولو فوتي أول عشر دقائق هتموت وتهدى لوحدها و الفلوس والعلاج متقلقيش منه الموبايل ده مجرد عرض للي جواكي وممكن تؤوحي عيادات الصحة النفسية الحكومية في كل المحافظات تذكرة الكشف فيها عبيطه وهتلاقي أخصائيين يفهموكي وتتكلمي معاهم براحتك من غير ما تدفعي مبالغ كبيرة عافري ومتيأسيش وكل ما تقعي قومي واستغفري وربنا معاكي ..وجد والله ربنا يحفظك ويسعدك 🌷 وحاولي تكوني صحيه صالحه هتفيدك جدا ... ربنا يعافيكي

كيف أعالج الإدمان الجنسي وادمان الموبايل؟

نفسية

إدمان

العادة السرية

سؤال من احد أعضاء فدني

تم النشر الخميس، ٢١ مايو ٢٠٢٦

3 إجابة

34 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك