عايزة افهم حاجة وفعلا مش اعتراض علي قضاء ربنا ابدا والله بس هتجنن
ليه لما بدعي بحاجة بيحصل عكسها بالحرف
يعني ليلة القدر دعيت بشخص بحبه ان ربنا يقربه مني ويجعله من نصيبي صحيت تاني يوم لقيت علاقتنا وحشة اوي ورجعنا صحاب تاني واتقهرت فترة كبيرة جدا جدا وكنت راضية وبقول يمكن خير بس الايام وكل حاجه اثبتتلي انه كويس وخير ليا ومناسب جدا
ورجعنا كويسين مع الوقت جيت في يوم عرفة دعيت كتير جدا ربنا يهديهولي ويبقي من نصيبي بردو من يوم العيد لدلوقتي واحنا مش طايقين بعض وغالبا قطعنا علاقتنا وبعد ماكان هيفاتح اهله ويتقدم لقيته مبيتكلمش في انه فاتحهم خالص مع ان حتي لو رفضوا هيعرفني
بيجي ف بالي ان ربنا مش شايفة خير ليا بس بحسبها كويس جدا بعقلي بلاقيه انسان متدين لابعد حد لدرجة انه غير كتير في لبسي واثر عليا ايجابي في علاقتي بربنا ومتفاهم جدا وبيحبني جدا جدا وعيلته كويسة ومتعلم تعليم راقي وملوش علاقة باي بنت غيري وكل دا متأكدة منه وقبل مابدعي بيكون كل كلامه انه خلاص هيفاتح اهله ويجي ، بعد مابدعي كل حاجة بتتغير بجد الاقيه سحب رجله وعلاقتنا تتوتر
دا ايه بجد انا هتجنن وصعبان عليا ال بينا ؟؟؟
ومش عارفه احل مشكلة فقدان الشغف ال بينا دي
السلام عليكم ورحمه الله اهلا وسهلا 🔹في حقيقه الامر ان دعاء المسلم كله مستجاب، لاما ربنا يعطيكي طلبك لاما يبدله لكي لاما يدخره لكي في الاخره. ف هنا يمكن الله يبعد عنك شئ هيتعبك في المستقبل، نحن لا ندري ايه النفع او الضر لنا. و علشان كدا بنقرأ سوره الكهف كل يوم جمعه لتذكر أن لكل شئ حكمه نحن لا نعلمها و أن الله وحده هو العليم بالافضل و الاحسن لنا. 🔹علاقه لازم تكون رسميه حتي يرضي الله عنها ولا يوجد ما يعوق انها تكون رسميه، يمكن الأمور لما تكون بإطار شرعي يبارك الله فيها و تبقوا افضل مع بعض. ربنا يكتبلك الخير و يوفقك
تم النشر الجمعة، ٢١ يونيو ٢٠٢٤
لانه مينفعش يبقي في كلام ما بينكم و مفيش حاجة رسمية ، و نصيحة قوليله انه مينفعش ان انتم تتكلموا من غير ما يكون في حاجة رسمية و هو لو عايز هيجي يتقدم ، انتي قيمتك عالية و بعدها ابقي ادعي ربنا لو كان خير يبقي و لو شر يبعده عنك و ربنا يوفقك يا جميل
تم النشر الجمعة، ٢١ يونيو ٢٠٢٤
🎤 إجابة صوتية
تم النشر السبت، ٢٢ يونيو ٢٠٢٤
أهليييين! أولا أحب أقولك إنك مش لوحدك في اللي بتحسيه، مشاكل العلاقات ممكن تكون متعبة ومحبطة جدا. دعيني أشرح لك بعض النقاط اللي ممكن تفيدك: الاختبارات والتحديات: ساعات ربنا بيحطنا في مواقف لنختبر قدرة تحملنا وصبرنا. يعني مش كل حاجة بتيجي بسرعة أو بسهولة. توقيت ودعوات: ممكن تكون الدعوة مش مستجابة دلوقتي، يمكن ربنا مخطط لكوا حاجة أحسن. أوقات الناس اللي نحبها بيكونوا جزء من رحلتنا فقط لفترة معينة مش طول الحياة. تحليل الأمور بالعقل: زي ما قلتي، هو شخص كويس ومناسب ليكي وبيحبك كتير. بس يمكن في حاجة انتي مش واخدة بالك منها تستاهل الانتظار والصبر. الإيمان بالقضاء والقدر: أوقات بنكون مش مدركين الخير اللي مخبي لينا، فلازم تكوني مستعدة لاستقبال أي نتيجة وتؤمني إن ربنا كاتب لك الخير. فقدان الشغف: جزء من أي علاقة طويلة الأمد هو إن الشغف بيقل أحيانا. مهم جدا تحاولي تتكلمي معاه بجدية وتفهمي الأسباب وتشتغلوا مع بعض لتجديد الشغف. ردود الأفعال وقت الضغط: لاحظي ردة فعله بعد الدعاء. ممكن يكون فعلا هو كمان مضغوط وبتأثر بطريقتك في التعاطي مع المواقف. نصيحة بسيطة: خدي خطوة للخلف وخدي نفس عميق. ركزي على نفسك واهتماماتك وهواياتك، وكوني صبورة. خلي الأمور تأخذ مجراها الطبيعي وافتكري دايما إن اللي مكتوب هيكون الأفضل ليكي. 💖 الله يسعدك ويريح بالك يا قمر!
تم النشر الخميس، ٢٠ يونيو ٢٠٢٤
الدعاء بيجي بلخير مهم انتي تصدقي انه خير مايمكن بعد شهرين تالاته تبقي مطلقه هتبقي عملتي اي لو خُير الانسان مابين الاقدار لختار ما اختاره الله له وشيطان هو الي بيوهمك انه خير
تم النشر الخميس، ٢٠ يونيو ٢٠٢٤
بصي ده انتي ربنا بيحبك اووي تخيليلي انه بيبعد عنك شر كبير
تم النشر الخميس، ٢٠ يونيو ٢٠٢٤
ربنا عارف الي انا و انتي و العالم كله ما نعرفوش و ممكن يكون ربنا بيختبر صبرك و تحب اقولك ان العلاقه المبنبه علي حرام من الاول مش بتدوم
تم النشر الخميس، ٢٠ يونيو ٢٠٢٤
بدعي ربنا يرزقنا ببعض في الحلال
تم النشر الخميس، ٢٠ يونيو ٢٠٢٤
لعله خير ليكي كوني علي يقين بأن رب الخير لا يأتي إلا بالخير اتقي الله وثقي بالله تقربي من ربنا جدا يلهمك الصواب سبحان الله ممكن مكنش هو الشخص ليكي ولما دعيتي ربنا بعده عنك امر المؤمن كله خير ثقي في ربنا لو كان خير لاتي ،لاتكرهوا شيئا عسي ان يكون خيرا لكم
تم النشر الاثنين، ٦ يناير ٢٠٢٥
مافي دعاء ما يستجاب
تم النشر السبت، ٢٢ يونيو ٢٠٢٤
مش يمكن مش خير ليكي ربنا بيبعد عنا دايما الحاجه اللي مش خير لينا ف احمدي ربنا واشكريه وادعيه يعوضك ويجبر بخاطرك
تم النشر الجمعة، ٢١ يونيو ٢٠٢٤
الدعاوي الي قولتيها دي هي دعاوي لأشياء لا يرضاها الله فالاصل (العلاقات خارج اطار الزواج). و الرسول قال فيما معناه ان الله يستجيب لنا ما لم نستعحل او ندعو بمنكر.
تم النشر الخميس، ٢٠ يونيو ٢٠٢٤
لعرض السؤال في فدني اضغط هنا