Hanan sayed

للأسف بسبب تناقل الموضوع ده يعني اللي هو عادات و تقاليد اترسخت في ذهن الناس و تلاقيهم كانوا بيتضايقوا من الموضوع ده و هما صغيرين بس مساعدوش في تغير الموضوع ، فدايما ابدأي بالتغيير منك انتي و حلو اوي ان انتي اتكلمتي و عبرتي عن اللي جواكي ،عارفة انتي ممكن تفتحي حلقة دينية بتتكلم عن الموضوع ده و تنشري الوعي بالموضوع ده بس مثلا متشغليش الحلقة علي طول لا يعني شغلي حاجة تانية الأول و بعدين شغلي عن الموضوع و انا واثقة بإذن الله أن هما هينتبهوا للموضوع و لو هيأثر فيهم كلمة و الله هتفرق المهم متستسلميش لان الموضوع مش بييجي من مرة واحدة و استمري يا قمر

لانه مينفعش يبقي في كلام ما بينكم و مفيش حاجة رسمية ، و نصيحة قوليله انه مينفعش ان انتم تتكلموا من غير ما يكون في حاجة رسمية و هو لو عايز هيجي يتقدم ، انتي قيمتك عالية و بعدها ابقي ادعي ربنا لو كان خير يبقي و لو شر يبعده عنك و ربنا يوفقك يا جميل

ممكن تشغلي نفسك برياضة معينة ، أو اشغال يدوية حاجة انتي بتحبيها عامة كده انتي بتشتتي تفكيرك و بتبعدي عن التفكير في الحاجات السلبية ، شغلي إذاعة القرآن الكريم قبل ما تنامي و ممكن كمان تسمعي كتب صوتية و اكيد اكيد متمسكيش الموبايل و انتي علي السرير و راحة تنامي لأنك هتفضلي منشغلة

الأم و الأب بيضحوا بحاجات كتير اوي عشان و لادهم يبقوا في أحسن حال من قبل ما نتولد و في تضحيات ، بيتمنوا لاولادهم يبقوا احسن منهم ، و من أهم المواقف ان الاب و الام عمرهم ما يقسوا علي أولادهم، الابن يفضل يغلط و يغلط و ممكن يقول كلام يجرحهم و بينشغل عنهم كتير الا ان الاب و الام في حب غير مشروط منهم تجاهنا .

اول ما بلاقي نفسي كده صراحة بشغل الراديو ، دايما في حاجة جميلة بتبقي شغالة ، و الجميل في الأمر أن لما بسرح و ما انتبهش بتبقي في جملة معينة اسمعها (حديث ، آية ...) و بتشجع جدا أن أعمل حاجة ، و التزمي بقيام الليل و لو بعدد ركعات المهم دومي عليها ، ساعدي مامتك في البيت اتشجعي و كلمي اهلك و قرايبي و هنئيهم بحلول شهر رمضان ، اقولك ممكن لز ساعة في اليوم تسمعي انتي و اي حد من اهل البيت تتفرجوا علي سيرة الرسول صلي الله عليه و سلم بحيث تبقوا بتشجعوا بعض

قولي لاختك و لأهلك الحقيقة و لو محدش سمعك قولي لحد عاقل و أهل ثقة خلي حد يقف جنبك و ابعدي تماما عن فكرة الانتحار ، قوليلهم اللي حصل و توكلي علي الله و ربنا يصبرك و يعينك يارب

السيرة النبوية و حياة أمهات المؤمنين اسمعيها بودكاست ، جميل جدا الناس اللي بيحكوها و بيفيدونا بيها هما ببساطة بيوصلوا السيرة النبوية و السيرة النبوية و مواقف الصحابة بتعرفنا ازاي نتصرف في المواقف ، البودكاست الموجودة دلوقتي بيربطوا مابين المواقف اللي بتحصلنا، هتلاقي بودكاست السيرة النبوية علي الساوند كلاود

طالما انت نويت ابعد عن الحاجة اللي تخليك تعمل كده و ليكن انت بتقول الفيس بوك امسح الفيس بوك خالص و أنوي انك متحاولش حتي تنزله وابعد عن أي حاجة تخليك تكلمهم لااااااازم و حاول تشغل نفسك في الوقت اللي يجي في بالك علي طول شغل قرآن ، اتفرج علي بودكاست صاحب ناس كويسة حافظ علي صلواتك ولازم المسجد هتتعرف علي صحبة صالحة تساعدك طالما نويت انت قادر و ربنا يعينك و اتمني لك صلاح الحال

التوتر هيروح بإذن الله مع كل تجربة هتمري بيها هتتعلمي منها و الموضوع مسألة تكرار و تعود

انتي في اولي كلية طب حلو ، جربي تتعرفي علي الأنشطة اللي عندك في الكلية و تشاركي في نشاط في انشطة اه بتتطلب يبقي عندك موهبة زي الفني و في انشطة تانية بتنمي عندك مهارات زي مثلا نشاط الجوالة و دخولك في الأنشطة دي بإذن الله هيخليكي تتعرفي علي الناس و هتقابلي الحلو و الوحش و تتعلمي و تبدأي تدخلي في دايرة الحياة و بإذن الله التوتر ده يروح و استمري علي اصرارك ان التوتر يروح 🩶

احيانا الشخص بيبقي كده بسبب الضغط النفسي مش لازم يكون لحظتها ممكن تكون حاجات حصلتلك قبل كده و كتمتيها جواكي و بدأت تطلع في هيئة نوبة غضب و عصبية ، حاولي تحافظي علي سلامك النفسي و متعديش المواقف اللي بتضايق كأن مفيش حاجة حصلت

فاهمة تقصدي ايه ، الفكرة ان ده الطبيعي و بالفطرة غير كده ف ده حالات تانية لانه مش طبيعي ان الأم و الأب يقسوا علي أولادهم، ده بيكون ابتلاء للأبناء ان حاجة زي دي تحصل

بالظبط يا جميلة و رمضان كريم عليكي و تنعاد عليكي الايام بالخير ❤️🥰

اخوكي ماشاء الله عليه و ان شاءالله هيكبر و هيبقي شخصية قوية ، حاولي انتي تسأليه و تفهمي منه اي حاجة هو بيعملها و تقومي سلوكه يعني هو بيسأل علي سعر الحاجة اسأليه هو ليه بيسأل و حاولي تصاحبيه و ربنا يديمكم لبعض ❤️

ربنا يعينك و يوفقك يا جميل ❤️

تمام شكرا

لا تدفقه بيبقي كتير بس بشرب عشان يخفف من الآلام عادي و لا ممكن اعمل حاجة تانية

ليه نقلل من نزيف الدورة الدموية هل هو مضر ؟ لاني بشرب دايما جنزبيل و قرفة

ممكن تدور علي برنامج pinterest هيفيدك جدا بإذن الله