السلام عليكم ورحمة الله وبركاته
انا بحب اعمل voice over بصوتي سواء اقرا شعر او نثر أو نص كتاب
ممكن حد يقترح لي مواضيع حلوه عشان أسجلها بصوتي سواء قصيدة أو شعر او نثر أو نص من كتاب عجبه يكون اللغه العربيه الفصحى
عارف أصعب حاجة في الحياة مش إيه؟ مش الفشل… ولا التعب… أصعب حاجة إنك تفضل واقف مكانك… وأنت عارف إنك تقدر تعمل أكتر من كده. كل يوم بتصحى… وفي دماغك فكرة… حلم… هدف… بس بتأجله. تقول: “بكرة”… وبكرة تتحول لأسبوع… والأسبوع يبقى شهر… وفجأة تلاقي سنين عدت… وأنت لسه مكانك. الحقيقة اللي محدش بيحب يسمعها: مفيش وقت مناسب. مفيش لحظة مثالية. ولو فضلت مستني الظروف تبقى كاملة… عمرك ما هتبدأ. الناس اللي وصلت… مش كانوا أذكى منك، ولا كانوا أحسن منك، هم بس قرروا يبدأوا… وانتوا لسه بتفكروا. كل مرة بتقول: “لسه بدري” في حد تاني بيقول: “أنا هبدأ دلوقتي” وكل مرة بتأجل… في حد بيقرب من حلمه خطوة. الفشل؟ آه هتفشل… وكتير كمان. بس الفرق إن في ناس بتقع وتقوم… وفي ناس بتقع وتفضل قاعدة. والحقيقة؟ النجاح مش ضربة حظ… النجاح هو إنك تكمل… حتى وانت مش شايف نتيجة. هو إنك تشتغل… حتى وانت تعبان. تحاول… حتى وانت خايف. تكمل… حتى لما كل حاجة تقولك توقف. افتكر دايمًا: الفرق بين الشخص العادي… والشخص الناجح… إن الناجح مقدرش يستسلم. فـ اسأل نفسك بصدق: هتفضل عايش نفس الحياة؟ نفس الأعذار؟ نفس الندم؟ ولا هتاخد القرار… القرار اللي ممكن يغير كل حاجة؟ ابدأ… حتى لو بخطوة صغيرة. ابدأ… حتى لو مش جاهز. ابدأ… حتى لو لوحدك. لأن ببساطة… مفيش حد هيجيلك ياخدك لحلمك بإيده. إما تمشي له… أو تفضل طول عمرك بتحلم بيه.
تم النشر الثلاثاء، ٣١ مارس ٢٠٢٦
لا بس انا بحب اكتر الموضوع لما يبقى ليه علاقه بالمشاعر خصوصا لو بتكتبي انت سكربت خاصه بيكي ويكون مربوط بعلاقات البشر سكريبت عن الصراعات الاسريه مثلا. عن الصراعات النفسيه. هتلاقي المواضيع كثيره. يعني ممكن تاخدي افكار كمان من هنا في المشاكل اللي الناس بتواجهها السكريبت اللي من النوع ده. لو هيتعمل فويس اوفر وباتقان كويس. بيصحي المشاعر بيخليها تفوق لنفسها شويه فلو قدرتي. اكتبي سكريبت من النوع ده يعني اتمنى جدا تشاركيه معانا هنا نسمعه.
تم النشر الثلاثاء، ٣١ مارس ٢٠٢٦
"لم يكن الوجع في الرحيل فقط، بل في تلك التفاصيل الصغيرة التي بقيت بعدك… في الأماكن التي تحفظ صوتك، وفي الأشياء التي لم أستطع أن أعتادها بدونك. كنت أظن أن النسيان سهل، حتى اكتشفت أن بعض الغياب يظل حاضرًا في القلب مهما مرّ الوقت."(نص من كتاب قريته ) "حين يضيق صدرك، وتظن أن الأبواب كلها قد أُغلقت، تذكّر أن الله لا يترك قلبًا لجأ إليه. هناك لطف خفي يُدبَّر لك، ورحمة تسير نحوك وإن تأخرت، فاصبر… فكل ما يحدث لك الآن، يُهيئك لشيء أجمل لم تره بعد." اتمني يكونوا حلوين
تم النشر الثلاثاء، ٣١ مارس ٢٠٢٦
وعليكم السلام ورحمة اللة وبركاته ...... ممكن تلخيص لرواية معينة مثلا على شكل قصة هتبقى جميله أوى والشعر ممكن الفراقية وممكن يا ليل الصب والنثر ممكن أى حاجة للرافعى أو المنفلوطى كلامهم راقى جدا وهادئ
تم النشر الأربعاء، ١ أبريل ٢٠٢٦
فى قناة على التليجرام إسمها قيامة الشعر هتلاقى كل ال انت عاوزه
تم النشر الأربعاء، ١ أبريل ٢٠٢٦
لعرض السؤال في فدني اضغط هنا