انا مرتبط ببنت ساكنة جنبي مش في نفس الحي لكن بيتهم قريب الموضوع ومافيه البنت دي كانت عندها رحلة تبع الجامعة وكانت بتكلمني طول الرحلة وهترجع منها متأخر جدا هي كانت رجعت منها الساعة 3 بالليل
وهي في الباص كلمتني وهي كانت نايمة من التعب في الرحلة فبطمني انها جاية يعني اهو فقولتلها اوكي لما توصلي كلميني قالت اوكي رنت عليا بعد ماوصلت وقالتلي الشوارع كلها فاضية خالص انا مش عارف ازاي برودي وصلني اني اقولها ماتخافيش انا معاكي ع الفون اهو فبتضحك كدة بتقولي لا كتر خيرك وفضلت معاها ع الفون لحد ماروحت وهي عمالة تقولي وهي بتضحك انا خايفة المهم وصلت البيت وقفلت المكالمة علي كده ساعتها حسيت شعور ان انا ماستهلش ان يتقال عليا راجل في حركة زي دي وعمال اكلم نفسي انا ازاي مانزلتش ازاي ماعملتش كده ازاي برودي اخدني اني افضل قاعد عادي والبنت اللي بحبها ماشية لوحدها بالليل في الشوارع يعني تعتبر فريسة لأي حد دلوقتي وفضلت الوم نفسي وزعلت جداً من نفسي كلمتها واتس قالتلي انا هنان عشان تعبانه جداً قولتلها تمام ياحبيبتي ارتاحي انتي وخلصنا الشات وقفلت وانا فضلت الوم نفسي واندم واندب نفسي لحد مانمت في اليوم اللي بعده كنت اكلمها الاقيها تتاخر في الرد وكلامها واقف فبقولها مالك في ايه وقالتلي انها زعلانه عشان اللي حصل وقعدت تقولي لو اختك كنت سيبتها او لو قريبتك كنت سيبتها او او او وفضلت تعذب فيا بكلامها اللي زي السم في البدن وانا فعلا مش عارف ارد عليها لاني انا نفسي شايف اني غلطان جامد وانا نفسي زعلان من نفسي وقضيت أسوء يوم في حياتي في عياط ونوم كتير وكل مافتكر اقعد اعيط ولحد دلوقتي مش عارف اعمل ايه او اراضيها ازاي ولو انا رضيتها انا هرضى عن نفسي ازاي بعد اللي حصل
كلمها اعتذرلها واوصفلها ندمك ازاي وانك مكنش عندك سرعه بديهه ف المواقف دي وانك لمت نفسك كتير بعدها وان حقها تزعل طبعا ولو رجع بيك الزمن هتنزلها اكيد ومش هتسيبيها وانها من حقها تطلب منك الي هي عايزاه لا...
انك تزعل من نفسك انك موقفك مش رجولى ..ده تمام واتعلم من الخطأ وكويس انك مراقب نفسك عشان تكون بتتطور للاحسن فى شخصيتك. وهنتكلم على انها جارتك وكان واجب الجيرة يخليك تكون شهم فى موقف زى ده .....رغم ان ا...
بص هقولك حاجه واحده في مثل كده بيقول اان جحي أولي بلحم ... من الاخر ده شعور كويس انك تحس بده بس هي ملهاش تلومك لأن أهلها أولي بيها وانتم لسه مفيش اي ارتباط مابينكم ازاي كنت انت تمشي معاها الساعه بليل ...
بص هو انا ضد الارتباط بدون خطوبه او جواز بس لو انت عايزها بجد وعايز تتجوزها هتعافر علشانها مثلا تجبلها اي هديه وتديها ليها وتحاول تخليها تسامحك ولكن دا لو انت عايز تتجوزها ولو مش عايز تتجوزها قولها وابعد عنها ومتعشمهاش فيك لان ربنا يكفيك شر البنت الي قلبها بيتكسر المهم لو انت بتحبها عافر علشانها وارضي عن نفسك لان دا موضوع وعدا خلاص وحاول تخلي كل موقف في حياتك تتعلم منه مش تجلد نفسك عليه طول حياتك دا رايي الشخصي يارب اكون افدتك
لعرض السؤال في فدني اضغط هنا