تم حذف هذا السؤال
●طبيعة السنة والنظرة ليها الثانوية العامة مرحلة عادية جدا وسنة دراسية كغيرها، تحتاج فقط إلى ذكاء وإدارة وقت وتأقلم واصلا انتي لحد دلوقتي مش متأخرة خالص لحد يوم 15 اغسطس، وفيه ناس بتبدأ يوم 15 اغسطس وبيجيبوا مجاميع عالية عادي ابعدي عن المثالية والكمال لانها مش هتستمر السنة بتكون ماراثون مش سباق مين اسرع واحد، ماراثون يعني انك تلتزمي بالنظام المناسب ليكي لحد آخر السنة متراكميش اكتر من كدا، على الأقل خالص وقفي على كدا ومتراكميش اكتر، واجعلي الوقت الفائض للتراكمات القديمة اوعي تسوفي وتأجلي زي فكرة هشد في الآخر، دي خرافة كبرى، اللي مش بيبدأ بجدية من البداية بتتراكم عليه الأمور ومش بيستطيع الاستدراك بسهولة موضوع الكورسات والتأسيسات وكدا، السنة وقتها اساسا كافي انك لو حاجة تراكمية مفهمتيهاش هتلحقي وهتلاقي وقت تفهميها ●المدرسين والنظام الدراسي اعملي نظام للسنة، الموضوع ببساطة شوفي مدرسين كويسين تمشي معاهم وتلتزمي معاهم وده كافي، ولو عندك مقدرة وهمة اكتر حلي كتاب زيادة مع مدرس المادة بس دي على حسب مقدرة كل واحد موضوع المدرس الكويس اللي بيتابع معاكي ده مهم جدا، ولازم في كل مادة حد بيتابع معاكي اللي هو مدرسك المدرس الكويس بيبقا بيحل كتير وتكوني بتفهمي الحصص منه ●الطريقة العملية للمذاكرة طيب هتذاكري بقا ازاي طول السنة عمليا، هتسمعي الدرس مع المدرس اللي انتي بتابعي معاه وترجعي البيت تقرأي الحاجات اللي محتاجة فهم وتحفظي الحاجات اللي محتاجة تتحفظ وبعديها تحلي الواجب او المقرر اللي المدرس اداهولك، دي طريقة تذاكري بيها درس درس لما المدرس بقا يديلك امتحان وحدة كاملة برضوا نفس الكلام، تذاكري الوحدة على بعضيها بإنك تفهمي المحتاج يتفهم وتحفظي المحتاج يتحفظ وتحلي بالنسبة لاازاي تحفظي،انا بتنفعني طريقة التسميع الذاتي غيبا بإنك تعتمدي على التذكر والتسميع غيبا مش مجرد القراءة والتكرار البصري بالعين، بس دي على حسب المناسب ليكي، شوفي الطريقة الفعالة من الطرق اللي بتاخد وقت اقل واعتمديها. ذاكري 50 دقيقة وراحة 10 دقايق بس راحة عادية مش تعتبريها راحة بقا زي السوشيال ميديا وفيديوهات طويلة، لا راحة عادية تتمشي او تريجي شوية او جتى تشوفي حاجة عموبايل فقط بس تخلي دماغك يعمل رفريش عشان تنتجي بنفس الكفاءة ●تنظيم الوقت واليوم البداية المبكرة، ابدئي يومك مبكرا جدا سواء اخترتي المذاكرة صباحا او ليلا او حسب المناسب ليكي من ضوابط النوم انك متناميش اكتر من المعدل الطبيعي عشان اليوم اصلا مضغوط فده يعتبر تسويف، وظبطي نومك بحيث متضيعيش صلوات الفروض ودي حاجة اساسية ●الانضباط والحدود الشخصية شغف المذاكرة او اي حاجة اساسا مش بيجي من غير مذاكرة، يعني الشغف بيكون انك بتذاكري وانت معندكيش شغف بس بتذاكري عشان المذاكرة مهمة وعايزة تبقي حاجة، ولما تلاقي نتايج ولو بسيطة بيجيلك شغف بسيط ولما تعملي نتايج اكتر تلاقي شغف اكتر وهكذا لما تعملي النظام المناسب لازم تنفذي، قولي لنفسك الموضوع صعب وسخيف بس لازم اعمل كدا عشان مدفعش عواقب التقصير اني معملتش، وخلي بلك الإنسان مش بيحب يعمل اي حاجة فيها مجهود فطبعا لو مشينا بالفكرة دي هندفع عواقب تقصير الحياة كلها، فالإنسان لازم يجاهد نفسه بإنه يعمل الحاجة اللي فيها مجهود دي، ومع الوقت بتصبح عادة واسهل لازم تعرفي تقولي لأ، يعني يكون عندك اولويات، يعني انا النهارده هذاكر من كذا لكذا يبقا خلاص مينفعش حد يجي يعطلني وياخد من وقتي اقطعي اي حاجة بتعطلك عن السنة الدراسية زي العلاقات وقولي لأ لأي اصدقاء بيعطلوكي، وبما انك عرفتي ان العلاقات المحرمة حرام فخلاص متكمليش واقفلي الباب تماما، ولو جت في بالك متفكريش فيها اصلا ● العقلية والتعامل مع الأخطاء التعامل مع الأخطاء، الغلط طبيعي وجزء أساسي من التعلم، وتدريبك هو كشف لنقاط ضعفك دلوقتي بدلا من لجنة آخر السنة لا تجلدي ذاتك، تجنبي قول أنا فاشلة عند الخطأ القاعدة الأهم، اغلطي لكن متكرريش نفس الغلطة مرتين متقارنيش نفسك بغيرك سواء كان اشطر منك او اقل، لكل شخص قدراته وظروفه الخاصة المرونة، عند حدوث خلل او تقصير في يوم ما، كوني مرنة وعوضي اللي فاتك دون إحباط وموضوع مش قادرة تذاكري حتى 25 دقيقة لازم تعرفي ايه السبب ايه وتعالجيه.. يعني ركزي بس طول السنة على الدراسة فقط وتصلي الفروض والاوراد وشوفي حاجات ترفيهية بتحبيها بس حاجة ترفيهية ميبقاش فيها ضغط او قلق او سامة يعني الشورتس والريلز والسوشيال ميديا والمحتوى الي مش بيرجعلك بفايدة ده ترفيه سام او دوبامين سام بيخدعك ، ده ابعدي عنه بدليه بفيديوهات فعلا ترفيهية بتحبيها فعلا وطبعا تكون حلال وفي نفس الوقت ميدخلكيش في منطقة الراحة المبالغ فيها او السامة الي هي بترهقك اصلا وبتتعبك يعني منطقة الراحة والأنتخة بتجيب خمول مستمر لعقلك وجسمك ولاستسلام لها بيضعف عضلة الإرادة والالتزام عندك بينما المهام اليومية الشاقة او اي مهام بتجدد نشاطك حتى الترفيه النضيف ومنطقة الراحة دي بتيجي لما الانسان بيكون مش بيعمل اي مهام في اليوم منتظم عليها ولو بسيطة فبيدهل في منطقة الراحة السامة الي هي اصلا مش بتريحه دي بتتعبه اكتر فالصح ان الشخص يبدأ يعمل اوراد ليه او عادات ليه ولو قليلة بس مستمرة
تم النشر الثلاثاء، ٤ أغسطس ٢٠٢٦
السلام عليكم، هو غالبا سبب حالتك مش بس العلاقة اللي كنتِ فيها، ممكن الفترة اللي فاتت مريتِ بضغوط حياتية وتراكمات فحاليا أنتِ مرهقة ومحتاجة تفصلي شوية وترتاحي نفسيا وذهنيا. **** مش مطلوب منك على فكرة تبدئي المذاكرة من دلوقتي، خدي وقت افصلي خالص وحاولي تتخلصي من الأفكار والدوشة اللي جواكِ ومتفكريش في أي حاجة أو المذاكرة ولا الإنجليزي اللي عامل لك مشكلة. الوقت ده اقعديه مع نفسك، ارسمي، شخبطي، اكتبي، اعملي أي حاجة بتحسي إنها بتساعدك ترتاحي أو تخفف من ضغطك، ممكن لو فيه مكان هادئ قريب من بيتك تنزلي تتمشي وتروحي تقعدي لوحدك فيه شوية، تغيير الجو بيساعد نفسيتك تتحسن. ** انعدام الطاقة والرغبة في المذاكرة هيفضل مستمر طالما نفسك مرهقة، أعيدي برمجة دماغك ناحية الظروف المحيطة بك واللي ممكن تكون سبب في حالتك، كل الناس بتمر بمشاكل وأنا مش وحدي وإن شاء الله ربنا هيفرجها وتتحسن الأحوال، وهكذا. افضلي كلمي عقلك بإيجابية وأي تفكير سلبي اطرديه بسرعة لأن عقلك الباطن بيستوعب الأفكار اللي بتمليها عليه وبيصدقها وبيخليكِ تنجحي فيها. هتقولي له أنا مش قادرة أخرج من اللي أنا فيه ومش قادرة أعمل حاجة والظروف حولي وحشة، هيصدق كلامك وهيخليكِ تنجحي في اللي قلتِه له فتفضلي شايفة الدنيا صعبة ومفيش مخرج حتى لو المخرج قريب منك. فتفاءلي وخليكِ إيجابية وإن شاء الله خيرًا. *** بالنسبة للعلاقة اللي خرجتِ منها الحمد لله، فبلاش تخليها هي الثانية سبب يوقفك في حياتك. أنتِ عرفتِ الذنب ووقفتِ بعدها ومستمريتيش وقلتِ ربنا غفور رحيم وده ذنب صغير، وده شيء جميل على فكرة ويُحسب لك. مش مطلوب منك غير إنك تتوبي وتتيقني إن ربنا إن شاء الله هيغفر لك. ومتخليش الشيطان يضحك عليكِ ويفضل يحسسك بالذنب ويخليكِ تيأسي من رحمة ربنا وتوبته. ارمي اللي فات ورا ظهرك، وافتكري دائما إن "التائب من الذنب كمن لا ذنب له" هي تجربة ودرس تعلمتِ منه عشان متكرريش نفس الخطأ. ******* بالنسبة لمشكلتك مع الإنجليزي، فهقترح عليكِ إنك متتعامليش معه كمادة مدرسية مجبرة تذاكريها. جربي تتعلميه كأي مهارة ممكن تفكري تكتسبيها من على الإنترنت وابدئي شوفي قنوات يوتيوب الخاصة بتعليم الإنجليزي وحطي خطة منفصلة عن المدرسة والمدرسين، عشان أسلوب التدريس عندنا للأسف مش بيعلمنا اللغات صح. جربي كده وإن شاء الله ده يفرق معك ويحل مشكلتك. ** بالتوفيق إن شاء الله.💚
تم النشر السبت، ١ أغسطس ٢٠٢٦
مش لازم تحسي بشغف ممكن تفتكري الناس اللي بتحبيهم او لان انت بتعملي ده مش باسمك باسم عيلتك ولو لازم تحسي بشغف فانا بقولك متذاكريش الا وانت مش حاسه بشغف ذاكري انت مش حاسة بشغف قولي هفتح الكتاب خمسه أبص على حاجه لحد متخشي في مود المذاكره
تم النشر السبت، ١ أغسطس ٢٠٢٦
يا بنتي، أول حاجة أحب أقولها لك إن اللي بتمرّي بيه طبيعي جدًا، ومش عيب ولا ضعف. أنتِ خارجة من علاقة محرمة واخترتِ تنهيها لما عرفتِ عظم الذنب، وده قرار قوي وشجاع، لكنه بيسيب وراه فراغ وأفكار سلبية وشعور بالذنب، وده بيأثر على تركيزك وطاقتك كلها. ربنا يتقبل توبتك ويبدل سيئاتك حسنات، ويملأ قلبك راحة وسكينة. الإحساس بالملل والـ"بروود" ده مش كسل حقيقي، ده غالبًا إرهاق نفسي ناتج عن التفكير الزائد والضغط. أنتِ ذكية وسريعة الفهم، وأثبتّي ده السنة اللي فاتت لما جبتِ 493 بدون مذاكرة منتظمة. تخيلي لو ركزتِ من أول السنة كم كان ممكن توصلي؟ الإنجليزي والنحو هيتحسنوا بالممارسة اليومية البسيطة، مش لازم تبقي مثالية من أول يوم. ابدئي بخطوات صغيرة جدًا عشان ترجعي الشغف تدريجيًا: حددي كل يوم 25 دقيقة مذاكرة فقط (تقنية البومودورو)، وبعديها خدي راحة 5 دقايق. ابدئي بالمادة اللي بتحبيها أو السهلة عشان تبني ثقة. كل ما تخلّصي حاجة صغيرة، اكتبيها في ورقة واشكري نفسك. كمان، قبل المذاكرة ادعي ربنا ييسر لك الأمر ويشرح صدرك، الدعاء بيفرق كتير في الطاقة والتركيز. لو حسيتِ إن أفكار العلاقة السابقة بتطاردك، حاولي تحوليها لدعاء استغفار أو ذكر، وكل ما تيجي في بالك قولي "أستغفر الله" وارجعي للمهمة. أنتِ قادرة على السنة دي، ومش لوحدك في الإحساس ده. ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. أنتِ قوية، وهتعدي الفترة دي بإذن الله. لو عايزة تتكلمي أكتر أنا هنا.
تم النشر السبت، ١ أغسطس ٢٠٢٦
طيب أنتِ دلوقتي تحاولي تركزي ع الإنجليزي و معلش هوا اكيد هيبقي صعب ف البدايه و هتحسي بكسل و غيره.. بس تحددي لنفسك كل يوم حاجه بسيطه (مش تخلصي نص الكورس مره واحده يعني) لحد م تلاقي نفسك دخلتي ف مود المذاكره..و بلاش مقارنه من اولها و تقولي دا خلص و دا كذا..لا أنتِ تحاولي تركزي علي نفسك بس ..المهم أنتِ هتلاقي ف الاول ملكيش شغف حتي ولا اي حاجه بس معلش اجبري نفسك تلتزمي و حددي وقت معين تذاكري فيه جزئية صغيره ف الإنجليزي زي م قلنا و متفضليش تقولي مفيش شغف،ملييش نفس و كدا لا أنتِ هتذاكري غصب..
تم النشر السبت، ١ أغسطس ٢٠٢٦
يا بنى انا دفعه ٢٦ ما جابتش مجموع على الرغم من انى بذاكر اه قصرت بس ياما سهرت وبردو قصرت جامد يبنى هضيع نفسك فوق والله مافيش حد هينفعك انا كنت مدهوله وماهما بعمل بقصر لحد ما أدركت ان التقصير بنسبه كبيره خارج ارادتى دى الحاجه الوحيده اللى خلتنى اتحسن والله هتندم فوق انت لسه فى البدايه مش لازم تبقي جامد افضل أسعى ومالكش دعوه بحد والله هتعمل تغير كبير فى اخر السنه و هتشوف انا كان نفسى حد يقولى أسعى من غير ما تجلدى ذاتك تطور نفسك ومالكش دعوه بصحابك بيعملوا ايه والله اللى بوظ نفسيتى اللى انت بتعملوا فى نفسك وقرب من ربنا وخلى بالك من نقطه قرب من ربنا ربنا مش هيخليك تذاكر لازم انت اللى تتحرك ربنا ممكن يسهل طريق وهكذا وبالتوفيق
تم النشر الأحد، ٢ أغسطس ٢٠٢٦
@𝙰𝚜𝚖𝚘𝚛𝚊 ࣪ في كورسات انجليزي دي ثابته زي القطع وترجمه انا مكنتش بعرف احلهم وكله بيذاكر واللي خلص كورسات السنه اللي فاتت.
تم النشر السبت، ١ أغسطس ٢٠٢٦
دروس اي؟ المنهج منزلش لسه..لو علي كورسات التاسيس ف لسه المدرسين هينزلو كمان كام يوم..مستعجله ع المذاكره لي! بالراحه شويه يـ حببتي،،و متقلقيش فكرة انك مش متاسسه ف كذا او كذا، ارتاحي دلوقتي و ادعي ربنا يهون عليكي و انك متفكريش ف اللي حصل خلاص،، بس تحطي ف بالك اول م كورسات التاسيس تنزل تذاكريها علي طول و مذاكره بجد يعني..هوا الاغلب لما يبقي بعد عن المذاكره و اخد الاجازه بيبقي صعب يرجع بسهوله..بس عادي متخافيش على ما المدرسين يبدأوا المنهج الاساسي هتكوني خلاص بداتي تعتادي ع المذاكره..بالنسبه للنحو فـ حتي الان دروسه قليله بالنسبه للباقي..ربنا يوفقنا جميعا
تم النشر السبت، ١ أغسطس ٢٠٢٦
لعرض السؤال في فدني اضغط هنا