انا متجوزه بقالي سنتين عشت اول 9 شهور مرتاحه جيت يوم بلعب في موبيل جوزي لقيت برنامج دردشه ومتكلم كلام قليل الادب مع بنات مبقتش عارفه اعمل ايه الدنيا اسودت في وشي سكت وقعدت ادعيلوا بطل شويه ورجع تاني
قعدت سنتين اشوف موبيله من وراه وهو بيكلم بنات كل يوم وكل دقيقه صبح وليل بحكم شغله سواق وبيبات بره بالايام ادعيلو واعيط وانقهرت جدا لحد ما ربنا اكرمني وحملت هو مبطلش بردوا ومكلمتهوش ومعرفتهوش اني شوفت او عرفت حاجه لحد ما ولدت قولت هيهدى
لا فتره نفاسي لقيت نفس الوضع قولت يمكن عشان تعبانه اصبري ملقتيش فايده روحت كلمتوا وعيطت وبهدلت الدنيا وانهرت وهو لامبالاه وبتفتشي ليه وقلب الطرابيزه
اغمى عليا شلني وخلاص ومعلش ومش هتتكرر وحلفته بغلاوة ابنه والموضوغ خلص فضل شهر مبطل وانا متابعه من بعيد لحد الشهر لما خلص رجع تاني والدردشه دي يفلوس كمان نفسيتي وحشه معدتش مبسوطه برجوعه ولا بكلامه
بقيت شاكه فيه حتى لو مبيعملش حاجه مش مرتاحه حتى لما بنام بحلم بيه انو بيكلم غيري وصور وفديوهات بقيت ولا نوم ولا قاعده مرتاحه مبقيش زي الاول انا بحبه من 2017 بقالي 10 سنين بحبه ومتجوزه من سنتين مبقاش عندي لهفه له بس بحبه ومش عاوزه اخرب بيتي اعمل اي
السلام عليكم، طيب خلينا نتكلم بالعقل شوية ونركن المشاعر دي على جنب، أولًا أنا مقدرة مشاعرك وحاسة بيكِ خاصةً متزوجة عن حب وكمان ضحيتي كتير واضح جدًا! أنتِ مقابل حبك مستحملة طيب وهو عمل أي ولا حاجة؟ وليه أصلًا يكلم بنات وعلاقات محرمة مدمرة؟ وهو متزوج وطبعًا دي حاجة حرام! وخيانة ليكِ. الحاجة التانية: مشاعرك على جنب واتعاملي بعقلك شوية، ارفضي الوضع دا تمامًا وخليكِ جادية في كلامك، قولي له لو ما بطلتش أنا هطلب الطلاق وهدخل حد من العائلة.. متنسيش أنتِ غالية وكرامتك فوق أي حاجة وطبعًا دي حاجة حرام ومينفعش تتعمل!! العلاقات الأسرية اتعلمي عنها وثقفي نفسك وخليكِ قوية وواعية، شوفي لو في خلل في علاقتكم أو مثلًا تقصير شوفي العلاقة من برة بالعقل مش بالمشاعر... اتكلمي مع زوجك أنت ناقصك شيء؟ وطبعًا مش معنى كلامي إنك مقصرة أو دا مبرر للخطأ بتاع زوجك لأ أنا بكلمك بالعقل وإننا محتاجين نتعامل بتريث وثقة ونتوكل على الله ونبني بيت مسلم!! شوفي علاقة زوجك بالله هي الأولوية... وكمان اسألي زوجك ترضى أنا أكلمك رجل غيرك ؟ هتكون ردة فعلك أي.. ترضى الخيانة... المهم شوفي العلاقة من برة بنظرة مختلفة وأكيد أنتِ عارفة طبع زوجك، وفي حاجات أسرية ممكن تدرسيها وأن العلاقات ممكن تمر بمرحلة ملل، ثقفي نفسك.. بلاش تتعبي نفسيًا مش دا الحل الحل إنك تعرفي الخلل فين وتبدئي تصلحي الحاجة دي الله يبارك فيكِ وتحافظي على بيتك وزوجك وأبنك وتكوني واعية صالحة٠🌸🤍
تم النشر الأربعاء، ٩ سبتمبر ٢٠٢٦
أنا آسفة جدًا للي بتمرّي بيه، والألم اللي بتحسّيه واضح جدًا من كلامك. الخيانة المتكررة دي بتدمّر الثقة والراحة النفسية، وإنك عايشة كده من سنتين وأنتِ بتكبتي وبتدعي وبتصبري ده شيء يستاهل التقدير، لكن واضح إن الوضع بقى غير محتمل ومأثر على نومك وصحتك النفسية. من منظور إسلامي، الزواج ميثاق غليظ، والزوج له حقوق وعليه واجبات، ومن أهمها الحفاظ على النظر والكلام مع النساء الأجنبيات. اللي بيعمله زوجك مخالف للقيم دي، وأنتِ عملتِ اللي عليكِ من نصيحة ودموع ومواجهة. الحلفان والوعود اللي بتتكرر بدون تغيير حقيقي مش كفاية، والإسلام بيحث على الإصلاح لكن مش على الاستمرار في الأذى. عمليًا، جربي تواجهيه مرة أخيرة بهدوء أكتر، بعيدًا عن الانهيار، وقولي له بوضوح إن الثقة انهارت وإنك مش قادرة تكملي كده، وحددي شروط واضحة زي إنه يحذف البرامج دي ويغير سلوكه تمامًا، ولو ما نفّذش يبقى لازم تفكري في خطوات أبعد زي استشارة شخص موثوق أو متخصص في الأمور الزوجية. في نفس الوقت، ركزي على نفسك وابنكِ: حاولي تقللي من متابعة الموبايل عشان متتعبيش أكتر، وادخلي في أنشطة بتديكِ راحة نفسية زي قراءة القرآن أو الرياضة الخفيفة. الحب اللي عندك من 10 سنين قوي، لكن الحب الحقيقي بيحتاج احترام متبادل، وأنتِ مش ملزمة تدمري بيتكِ لكن كمان مش ملزمة تعيشي في شك وألم مستمر. ابحثي عن أسئلة مشابهة على فدني عشان تشوفي تجارب أخرى، ولو حسيتِ إنك محتاجة دعم إضافي قوليلي. ربنا يصلح حالكم ويهديه ويفرّج همكِ.
تم النشر الثلاثاء، ٨ سبتمبر ٢٠٢٦
نصيحه باختصار بطلى تفتشى وراه
تم النشر الجمعة، ١١ سبتمبر ٢٠٢٦
السلام عليكم ، بصي يا أختي أنا أنصحك تشوفي الشرع أمر بإيه في هذه الحالة و متتصرفيش من دماغك أو بناء على آراء ناس مش حكيمة أو معندهاش علم كافي، ممكن تسألي شيخ موثوق في علمه و دينه و استقامته أو إمام مسجد موثوق في علمه و دينه و استقامته عشان يوجهك صح و متكسبيش ذنوب،و عامة امشي بالمبدأ دة و حكمي الدين في كل حاجة، و كمان أنبهك أن الحلف بغير الله لا يجوز
تم النشر الأربعاء، ٩ سبتمبر ٢٠٢٦
بص يا حبيبتي الوقت إلا إحنا فيه دا وحش أوي وكل الحرام سهل ربنا يعافينا بس اقعدي معاه واتكلمي بهدوء وقوليه بتعمل كدا ليه بصراحه عاوز اي وأنا اعمله ليك أنا مقصره في أي و اتفاهمي معاه و اعملي عينه اشغليه بيكي هاتي لانجيري جديد اعملي أكل جديد بصي كأنك لسه عروسه دلعيه و حاجه تانيه أدعي ربنا يهديه ويقرب قلوبكم لبعض وبطلي تفتيش وراه
تم النشر السبت، ١٢ سبتمبر ٢٠٢٦
هو طبعا مش كل الشباب كدة و لو كانو كلهم كدة دة برضو ميبررش هذا الفعل المحرم
تم النشر الخميس، ١٠ سبتمبر ٢٠٢٦
ربنا يفرج كربك،خلاص طالما قالولك كدة اعملي الي قالو عليه، ربنا يكتب أجرك و يجزيكي على صبرك و تذكري أن دة بلاء و البلاء لو صبرتي عليه و احتسبتي هيكون إن شاء الله كفارة للذنوب و تكثير للحسنات، و ادعي له كثير بالهداية و صلاح الحال و متتسرعيش في الطلاق و قربي من ربنا أكتر و تصدقي و صلي نوافل و ابحثي عن أدب الدعاء و الاشياء التي تجعل الدعاء مستجاب إن شاء الله،و لو في مثلا ذنب بتعمليه و مصرة عليه وقفيه و صلحي علاقتك مع ربنا ، و هنا مش قصدي أرمي اللوم كله عليكي ولا أي حاجة عشان الشيطان ميخلكيش تفكري كدة ،أنا بس بقول أن البلاء ممكن يكون عقوبة على ذنب بس كدة ، ربنا يكتب أجرك و يفرج كربك و يغفر سيئاتك و سيئاتي
تم النشر الخميس، ١٠ سبتمبر ٢٠٢٦
سالت كذا شيخ قلولي متتكلمبش ومتدوريش ادعيلوا ربنا يهديه واقعدي اتكلمي عن ربنا وانصحيه بس متجبيش سيرة حاجه لان كل.الشباب كدا ودي تسليه من الشيطان وغيري من نفسك واسلوبك واشغليه
تم النشر الأربعاء، ٩ سبتمبر ٢٠٢٦
بصي هو العيشه كدا مش هنفع يعني جوزك تقعدي معاه وتفهميه ان بينكم طفل والطفل مصيرو هكبر فهميه ان مش هنفع الوضع دا وان ابنكم محتاجهم انتو بنكم طفل يعني عيب دا بعدين فين بلاقي وقت عشان يكلم ولا هو مش بشتغل ؟؟ غيري معاملتك للفترة دي بس متجيش ع حقوقه لكن اسلوبك يتغير واشغليه بطلبات البيت وابنه طالما هو مش حاسس بمسئوليه وفي فراغ الموضوع صعب انا عارفه ادعيلو ربنا يصلح حالو أسالي هو انتي قصرتي معاه طب اي اللي بخليه يروح للقرف دا ومتجوز؟ يعني لي معلش لي لازم تشوفو حل لان دا وضع مش كويس
تم النشر الأربعاء، ٩ سبتمبر ٢٠٢٦
لعرض السؤال في فدني اضغط هنا