السلام عليكم
أنا بنت عندي 15 سنه علاقتي مع بابا مش أفضل حاجه لكني بحاول ابره واعمل كل إللي يطلبه من فتره كنت بعمل حاجه علي تليفونه وجتله رساله من واحدة فضولي كسبني ودخلت ولقيت عامل اكونت تاني وبيكلم فيه بنات كتير وفيه رسائل مش كويسه خالص ومش هقدر أقول ل ماما عشان ميحصلش مشاكل وبابا شخص كبير في السن، دلوقتي انا مبقتش طايقه بابا وبجد وقع من نظري بطريقه وحشه بقيت برد عليه ردود وحشه وبجد مش طايقاه ،عارفه إني غلطانه بس قدروا مشاعري أنا بجد مش عارفه أتقبله أعمل أي ؟
وعليكم السلام ورحمة الله وبركاتة كلنا بلا استثناء بنعمل حاجات غلط وذنوب ولولا ستر ربنا علينا مكناش هنقدر حتي نبص في وشوش بعض وانتي عملتي غلطين اول غلط انك دخلتي في خصوصياتو تاني غلط انك مش بتعمليه كويس يمكن باباكي بيحاول يتغير كل يوم ويحاول يبعد عن الغلط ده لاكن الانسان ضعيفه بطبعه ف مره الشهوات تغلبو ومره يغلبها ف اللي بينه وبين ربنا في الذنب ده انتي متعرفهوش ف كل اللي انتي تعمليه دلوقت انك تدعيله وتصلي القيام بالذات وتدعي ان ربنا يهديه ويصلح حاله ولو باباكي مش بيصلي لا اجتمعو كلكم وخليه يصلي بيكم جماعي او لو بيقعد لوحدو كتير متسبهوش لوحدو املو الفراغ بتاعو اقعدو معاه وهزرو واضحكو اعملو اكله مع بعض اخرجو اتفسحو المهم انكم تملو الفراغ وتبعدو عن المشاكل والضغوطات والاهم انك تعاملي باباكي كويس وتنسي اللي شفتيه ده وربنا يسترنا جميعا
تم النشر الثلاثاء، ٢٣ يونيو ٢٠٢٦
وعليكم السلام ورحمة الله وبركاته. أولاً، أقدر مشاعرك تماماً يا بنتي، وهي طبيعية جداً في سنك. اكتشاف شيء زي ده عن أبيك بيخلّي الإنسان يحس بالخيبة والغضب والحزن مع بعض، وده مش عيب. أنتِ مش غلطانة في إحساسك، لكن المهم دلوقتي إنك تتعاملي معاه بطريقة تحمي قلبك وتحافظ على برّك بيه في نفس الوقت. من منظور إسلامي، بر الوالدين فرض حتى لو كان فيه تقصير من ناحيتهم، لأن الله أمرنا بالإحسان إليهم ولو كانوا على خطأ. ده مش معناه إنك تتجاهلي الخطأ أو تبرريه، لكن معناه إنك تحاولي تفصلي بين شخصيته كأب وبين الفعل اللي حصل. حاولي تتذكري اللحظات الإيجابية اللي كان فيها أبوكي بيدعمك أو بيحبك، وادعي له بالهداية بصدق. الدعاء بيغير القلوب، وده أقوى حاجة تقدري تعمليها دلوقتي. عملياً، ابدئي بخطوات صغيرة عشان ترجعي تتقبليه تدريجياً: قللي الردود الحادة عليه، حتى لو كنتِ متضايقة، واستبدليها بردود محايدة أو مهذبة. ده هيساعدك أنتِ أولاً عشان ما تتعوديش على الغضب. ركزي على أدوارك اليومية معاه بدون ما تدخلي في خصوصياته، وادعي ربنا يبعد عنك الفتنة دي. لو قدرتِ تتكلمي معاه بهدوء في وقت مناسب (مش دلوقتي وأنتِ متأثرة)، قوليله إنك لاحظتي حاجة وإنك بتتمني يراجع نفسه، لكن لو مش مستعدة للكلام ده دلوقتي فخلّي الأمر بينك وبين ربنا. ابحثي عن أسئلة مشابهة على فدني عشان تشوفي تجارب بنات تانيين وتاخدي أفكار إضافية. أنتِ قوية وواعية وده واضح من إنك بتحاولي تبرّي بيه رغم اللي حصل. استمري في الدعاء والصبر، وربنا هييسر لك الأمر ويصلح حال أبوكي. لو حابة تتكلمي أكتر عن اللي جواكِ، أنا هنا.
تم النشر الثلاثاء، ٢٣ يونيو ٢٠٢٦
ما ينفعش تحاسبيه على حاجه زي دي خالص ، تعاملي معاه بإحسان ، وادعيله كتير أوي إن ربنا يخلص قلبه من التعلق بالنساء لإن أكبر فتنة على الرجال هي النساء.
تم النشر الثلاثاء، ٢٣ يونيو ٢٠٢٦
للاسف مفيش حلجه ف ايدك تعمليها .. ولو بيعمل حاجه غلط ف هو هيتحاسب عليها بشخصه هو .. ف برضو هو والدك وبرضو مفيش انسان مبيغلطش وكلنا عندنا ذنوب ومعاصى ف ادعيله ربنا يهديه وده اللى ف ايدك
تم النشر الثلاثاء، ٢٣ يونيو ٢٠٢٦
لعرض السؤال في فدني اضغط هنا