افدني من معرفتك
تنصحوني بمهارات ايه اتعلمها علشان المستقبل و عايز شوية نصايح ليا لحياتي عموما وياريت اللي يقولي مهارة يقولي اتعلمها منين ويكون محتوى قوي ومجاني
حاجتين هيفضلوا عابرين للمستقبل ، الذكاء الاصطناعي و التجارة الإلكترونية ، لا العالم هيستغنى عن الذكاء الاصطناعي و لا الناس هتبطل تشتري ، دووس و بقلب جامد في اي مجال من دول يا صديقي ، استثمؤ وقت و جهد و فلوس و ما تستسلمش وما تضيعش عمرك وراء القطيع ، ما حدش هيقدر يفيدك في مجال. هو واصلا مغيب عنه ، اعقلها و توكل و أي مجال تقدر تجيب منه فلوس من غير ما تضطر تعمل حاجه بعد ما تديله مجهود لمدة سنتين تلاته بالكتير ، يبقى ده مجال مستقبلي ، لكن أي مجال لازم تنزل من بيتك او تبذل اي شئ بعد ما تبذل في التأسيس ف ده مجال يا اما هيندثر يا اما هنضطر تفضل معتمد عليه طول حياته ، وبالتوفيق 😊
تم النشر السبت، ٢٨ مارس ٢٠٢٦
أول نصيحة ممكن أنصحها لك هو ممارسة الرياضة بشكل يومي حتى لو ساعة مشي في الشارع اضافة للاكل الصحي وشرب المياه بشكل كافي يوميا ده بيفرق في صحتك جدا سواء حاليا او مستقبلا المهارة التانية انك تتعلم مهارة تدر عليك دخل .. ولو مش قادر تحدد تعمل ايه .. فكر في المهارات اللي عندك واللي بتعرف تعمله وشوف تقدر ازاي تطوره وتدخر بيه فلوس فيه اختبار مجاني على النت اسمه اختبار ال ١٦ شخصية .. اعمله هيساعدك تفهم كتير عن نفسك ومهاراتك وتفضيلاتك من ضمن المهارات كمان المهمة القراءة لو ١٠ دقايق يوميا القراءة بتنمي العقل والفكر والخبرات من ضمن المهارات المهمة مهارة التدوين اليومي بتفرغ مشاعرك وبتساعدك ترتب افكارك الذكاء العاطفي مهم جدا في العلاقات والعمل هتلاقي كورس مجاني ليه على موقع إدراك ولو كتبت على جوجل ذكاء عاطفي تعلم هيطلع لك مصادر مجانية كتير ده اللي في بالي حاليا ولو محتاج شيء معين انا معاك
تم النشر السبت، ٢٨ مارس ٢٠٢٦
"أكيد ، هقولك شوية حاجات ممكن تتعلمها عشان المستقبل وكمان لحياتك: البرمجة أو تصميم المواقع – فيه مواقع مجانية زي freeCodeCamp وKhan Academy تعلمك من البداية بطريقة سهلة. الذكاء الاصطناعي وتحليل البيانات – على YouTube هتلاقي شروحات كتير تبسطلك المعلومة. التصميم والمونتاج – ممكن تبدأ على Canva أو تتعلم من شروحات Adobe المجانية على الإنترنت. التسويق على الإنترنت – جرب Google Digital Garage أو HubSpot Academy، كلها مجانية وتعلمك أساسيات التسويق. مهارات حياتية وتنظيم الوقت – شوف قنوات على YouTube زي Thomas Frank وAli Abdaal، هتعلمك إزاي تنظم وقتك وتكون أكثر إنتاجية. طبعا كله بيوصي بالحاجات دي لانها فعلا الافضل و لكن تختارها علي حسب ميولك و حاجه كمان تعلم اللغات مهم جدا يكاد يكون الاهم من دا كله و خصوصا الإنجليزي و الالماني و الفرنسي بس طبعا مش هيسهل دراسة اي حاجه من دا الا لو مستواك ف الإنجليزي ع الاقل A. نصيحة عامة لحياتك: خليك فضولي، دايمًا حاول تتعلم حاجات جديدة، وتطبق اللي اتعلمته على مشاريع صغيرة. كده هتكتسب خبرة حقيقية ومهارات حقيقية مش بس نظرية. وكمان خلي عندك هدف واضح في حياتك، واهتم بصحتك ونفسيتك، حاول تحافظ على علاقاتك بالناس اللي حواليك وتستمتع بالحاجات البسيطة كل يوم. كمان اختار مهارة معينه اللي تكون الافضل و الاسهل ليك و اهتم بيها و متشتتش نفسك ما بين مهارات كتير لانك هتتعب ف الاخر و مش هتكمل و ابدا ب القليل و استمر بيه و بس كدا. بالتوفيق.
تم النشر السبت، ٢٨ مارس ٢٠٢٦
شكراً على سؤالك الجميل ده! 😊 من خبرتي كمدربة حياة، هقولك على أهم المهارات للمستقبل (بناءً على اتجاهات السوق والتكنولوجيا)، وهضيف نصائح عملية تساعدك تطبقها: مهارات أساسية اتعلمها دلوقتي (ابدأ بـ3 ساعات أسبوعياً): البرمجة والذكاء الاصطناعي : تعلم Python أو أساسيات AI عبر Coursera أو freeCodeCamp. فرص عمل هائلة فيها، وبتفتح أبواب الشركات الكبيرة. التسويق الرقمي والمحتوى : إدارة السوشيال ميديا، SEO، أو Canva للتصميم. مثالي للشباب العربي، وبتقدر تعمل فريلانس بسرعة. اللغة الإنجليزية + مهارات ناعمة : تحسين التواصل والكتابة (عبر Duolingo أو Toastmasters). التواصل الفعال بيفرق في أي وظيفة. إدارة المشاريع : أدوات زي Trello أو Notion، عشان تتعلم تنظم وقتك وتدير فرق. نصائح سريعة للنجاح: حدد هدف يومي صغير : مثلاً 30 دقيقة تعلم يومياً، مش ساعات طويلة عشان متملش. استغل موارد مجانية : YouTube، Khan Academy، أو Udemy (دورات رخيصة). ابدأ بـ"Roadmap.sh" للبرمجة. تابع تقدمك : استخدم جدول أسبوعي، وكافئ نفسك بعد كل إنجاز بحاجة بتحبها. توكل على الله : اقرأ قرآن يومياً وادعي بالتوفيق، الإخلاص بيجيب البركة في الجهد. ممارسة عملية : طبق اللي اتعلمته في مشروع صغير، زي موقع شخصي أو حملة إعلانية. لو عايز تفاصيل أكتر أو خطة شخصية، ابحث في فدني عن أسئلة مشابهة أو شوف الخبراء هنا: https://www.fedni.net/experts. أنت قادر، استمر وهتشوف النتيجة إن شاء الله! 💪❤️
تم النشر الجمعة، ٢٧ مارس ٢٠٢٦
اللغة الانجليزي لان معظم الشغل دلوقتي بيعتمد عليه والقنوات ماليه اليوتيوب
تم النشر السبت، ٢٨ مارس ٢٠٢٦
ممكن تتعلم لغة جديدة وتعتبرها ك مجال مش مهارة + جرافيك أو مونتير كل اللى جاى ليهم + ممن لو ليك شغف او حب ممكن الكتابة
تم النشر الجمعة، ٢٧ مارس ٢٠٢٦
لعرض السؤال في فدني اضغط هنا