عندي 18 سنة كنت السنة الي فاتت والي قبلها الي هما تانية ثانوي وتالتة ثانوي قريبة جدا من ربنا اه كنت بعمل ذنوب ،بس كان في حاجات كتيرة اوي كويسة كنت بعملها زي الاذكار والورد اليومي والبعد عن الاغاني وتقليل عادة ،
بداية تانية ثانوي كانت تغييير جذري في شخصيتي لاني بدأت اعرف ربنا عن حب واطيعه مش عشان اتطلب مني اصلي او كدا وبقيت اعمل سيرش لحاجات ف الدين وكنت متلهفة اوي اعرف اكتتتر وبجد كنت عايشة في احلى اوقات حياتي ،ثانوية عامة كنت بعمل حاجات كتيرة اوي كويسة وكنت بقول من جوايا حتى لو ربنا مجابليش المجموع الي نفسي فيه انا بجد راضيه وانا فعلا كنت راضية والله ،
وجبت مجموع كويس ودخلت كلية كويسة ،لكن مش عارفة ليه من بداية الجامعة وكل حاجة في حياتي اتغيرت تماما ، بقيت بقرف من نفسي اوي ،عملت حاجات كتيرررة اوي وحشة والعادة بقت جزء من اليوم دي اكتر حاجة مكرهاني في حياتي كل يوم بتوب وبعيط وبعدها ارجع اكن الي كانت بتعيط دي مش الي بتعمل الذنب دلوقتي ،
والصيام بقا صعب عليا مش زي زمان كنت بحب اصوم نوافل وايام قمرية واي حاجة يكون فيها صيام ،وبقيت بشتم وقليلة الادب اوي والصلاة بقيت بأخرها لحد م اطهر ، النهاردة كنت صايمة وفطرت عشان مقدرتش امسك نفسي عن العادة ،
المشكلة ان بجد حياااتي فاضيه وكل م بحس بالفراغ بعملها او لو يومي وحش اوي بعملها عشان احس بدقيقتين بس احساس حلو ،الموضوع ده زاد اوي من شهر تسعه لان حصل في بيتنا مشكلة كبيرة اوي وكان البيت كله متكهرب ومفيش حد عارف يتعامل مع التاني وكان كل يوم خناق لحد بداية شهر ٢ ولما الدنيا هديت ف البيت مبقتش قادرة اسيبها ، وبعملها اكني بنتقم من نفسي،
دلوقتي مفيش أي حاجة مفيدة في حياتي ولا بنزل الكلية ولا بذاكر ولا بتعامل مع اهلي كويس وبتخن وبهمل في جسمي اوي بعد م كنت وصلت للجسم الي عايزاه ،
وبجد انا مش عارفه اخرج من الي انا فيه ، مش عارفه اعمل اي حاجة مفيدة ،مش عارفة ابقا كويسة ،كل يوم بكون خايفة اوي ان ده يكون اخر يوم ليا ف حياتي واموت وانا عليا كل الذنووووب دي او اني اموت على معصية وبردو بعملها ،انا بجد حاسه اني هتجنن
اسففه اوي اني طولت
بالنسبه للعاده اولا استعيني دائما بالله ودايما خلي لسانك متعود على الذكر والاستغفار تاني حاجه بقى اتعودي ف أوقات الفراغ لما الشهوة تلح عليكي انك اولا في حاجه اسمها مبدأ الخمس دقائق قولي لنفسك انا هعمل كده بس بعد خمس دقائق وف الوقت ده حولي تكتبي او ترسمي لو بتحبي الرسم وهتلاقي نفسك إن شاء الله الشهوه دي راحت لحالها الاول الموضوع بيبقى صعب لاكن مره على مره والله العظيم انا كشاب قدرت اتخطى بيها كتير وقدرت اسيطر على شهواتي كتير ولازم تفهمي أن دي مجرد رغبه او حاجه مؤقته بتفضل تزن ف دماغك اول م تتصالحي معاها وتقولي لنفسك ماشي هعمل كده بس كمان شويه انتي كده بتتضحكي على الشهوة دي وف نفس الوقت لما تكتبي اللي انتي حاسه بيه ف وقتها هتلاقي انك أساسا بتلجأي للعاده عشان تهربي من الفراغ ده او عشان في احساس معين انتي مش مصالحه معاه بس ودي عن تجربه شخصيه والحمد لله مش هقولك أنها مثاليه بس والله فرقت معايا كتير قوي ..وربنا يهدينا جميعا
تم النشر الخميس، ٢ أبريل ٢٠٢٦
اولا متيأسيش كل حاجه وليها حل ومخرج وطالما من جواكي نفسك ترجعي لربنا وندامانه يبقى اكيد هيعينك، ثانيا كان في حد قبل كده مرشح دكتور عماد رشاد عثمان هو عامل سلسلة اسمها سلسلة التعافي على اليوتيوب واظن بيتكلم فيها ازاي الواحد يتعافى من ادمان اي عاده او اي حاجه عامة انا الصراحه مسمعتش السلسله ولكن كذا حد اشاد بالسلسله دي وسمعت كذا فيديو للدكتور واسلوبه جميل وبحسه بيعرف يوصل للي قدامه مش مجرد كلام نظري وخلاص واظن ممكن يساعدك كتير ف جربي كده تسمعيه لعل وعسى ربنا يجعله سبب انك تبعدي عن كل ده وبالنسبه لباقي المشاكل اظن انها هتتحل من هنا انك تبطلي الاول اكتر حاجه تعباكي وبتكرهيها ومن ثم ان شاء الله الباقي هيجي واحده واحده وحاولي شوفي حاجات تملي بيها حياتك على قد ما تقدري اجبري نفسك واشغليها كل يوم ولو بحاجه بسيطه واصرفي ذهنك شويه عن كل ده، وطبعا حاولي ارجعي انزلي الكليه من تاني ده برده هيشغل وقتك اكتر وهيساعدك واعتبريها رحله ازعلي على اللي فات بس مش لدرجه تخليكي تيأسي او تكرهي نفسك وخافي من دلوقتي بس مش لدرجه تجمدك مكانك وزي ما كنتي زمان كويسه وملتزمة بإذن الله قدام شويه تبقى احسن كمان واقوى اما ربنا يقدرك وتخرجي من كل ده بس انوي وابدأي ومهما تقعي ارجعي كملي لحد ما هتيجي في مره هتظبط بإذن الله
تم النشر الخميس، ٢ أبريل ٢٠٢٦
وعليكم السلام ورحمة الله وبركاته اول حاجة لازم تبقى عندك يقين ومؤمنة انها حرام وتخوفى نفسك من انك تعمليها لأن حلها الوحيد انك تخافى تعالي ناخدها واحدة واحدة هي بقي حرام لعدة اسباب منها: -» انها ليها اضرار نفسية وجسدية وجنسية وصحية وكمان عقلية يعني هي كدا باب من ابواب التهلكة وسيدنا النبي صلى الله عليه وسلم قال ( لا ترمو بأنفسكم في التهلكة ) واظن مفيش اكتر من كدة تهلكة -» حضرتك دلوقتي علشان تعملى الفعل المشين دا لازم تستحضرى حاجة تعلي بيها شهوتك يعني هتجيب موبايلك اللذيذ وتفتحى موضع من اياهم وتتفرجى علي فيديو يدمر عقلك ويبوظ طريقة تفكيرك ودا في حد ذاته تهلكه وكمان حرام لان من تقوي الله عز وجل غض النظر وبكدا حضرتك بتطلقى النظر في غير محله ودا ذنب كبير ودا كمان استغلال لنعم الله اللي هي النظر والموبايل في معصية الله يعني ربنا مديكى نعمة وانتى بتعصيه بيها ودا ذنب تاني -» حضرتك معدتش عليكى معلومة ان سيدنا النبي صلي الله عليه وسلم قال ان في ناس هتيجي يوم القيامة معاها جبااااال من الحسنات وربنا هيقول للجبال دي كوني هبائاً منثورا مع ان الناس دي كانت بتصلي وبتصوم وبتزكي وبتتصدق كمان ولما الصحابة سئلو سيدنا النبي طيب لية ربنا هيمحو كل الحسنات دي عارفه كان رده ايه كان رده ان الناس دي ( كلما خلوا بمحارم الله انتهكوها ) ودا اللي حضرتك بتعمليه وانتى بتمارسى العادة بتدخلى مكان فيه خلوة علشان تنتهكى حرمات الله -»طيب معداش علي حضرتك حديث النبي صلى الله عليه وسلم ( من يضمن ليه ما بين لحييه وما بين فخذيه واضمن له الحنة ) يعني حضرتك لو مصونتش ما بين لحييك ( لسانك ) وما بين فخذيك ( فرجك ) مش هتبقي مضمونة بالنسبالك الجنة -» حضرتك لما بتيجي تعملى العادة المنيلة بتدخلى في اكتر مكان متأكد ان مفيش بشر هيشوفك فيه ودا طبيعي بس في حاجة غايبة عن حضرتك انا ربنا قال في كتابه العزيز ( يستخفون من الناس ولا يتخفون من الله وهو معهم ) يعني حضرتك هنا بتجعل ربنا عز وجل اهون الناظرين ليكى ودا ذنب خطير جدا جدا جدا وذنب يصل لدرجة الشرك لانك بكدة بتثبت لنفسك ان خوفك من الناس اقوي من خوفك من ربنا . وبالنسبة لعلاجها فهو دينى و جزء سلوكي ولكن لا يغير الله ما يقوم حتى يغيرو ما بأنفسهم يعني زي ما في جانب نفسي وسلوكي برضو في جانب اكبر وهو الجانب الديني ولازم انا وانت واي حد يكون علي يقين انه مش هيقدر يتغير أو يتقدم أو يتعافي غير لو ربنا اراد دا مش هتقدر تمشي خطوة واحدة لقدام او ترجعها غير لو ربنا اعانك علي دا أما علىىالجانب السلوكى ف فى تطبيق اسمه واعى عليه كل حاجة عن طرق علاجها وايه اللى بيؤدى ليها وكل حاجة خاصة بيها ابحثى على التطبيق وشوفيه هدانا الله وإياكى وردك إلى أفضل مما كنتى عليه
تم النشر الخميس، ٢ أبريل ٢٠٢٦
يا حبيبتي، أول حاجة: متخافيش ولا تيأسي أبداً من رحمة ربنا . أنتِ 18 سنة بس، وده مش نهاية الطريق، بالعكس، ربنا قال: "قُلْ يَا عِبَادِيَ الَّذِينَ أَسْرَفُوا عَلَىٰ أَنفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا" (الزمر:53). التوبة بابها مفتوح 24/7، وأنتِ اللي كنتِ قريبة منه قبل كده، هترجعي أقوى إن شاء الله. خطة عملية بسيطة عشان تبدئي دلوقتي (خطوة خطوة، مش كل حاجة مرة واحدة): ابدئي بالصلاة : حددي وقت الصلاة قبل ما تتأخر، حطي منبه على موبايلك قبل الأذان بنص ساعة. صلي الفجر أولاً، هي هتبقى بداية يومك القوية. لو فاتت، صلي قضا فوراً بدون تأنيب نفسك زيادة. املئي الفراغ : الفراغ عدوك الأول. حددي جدول يومي صغير: دراسة : نزلي الكلية ولو ساعة يومياً، ابدئي بقراءة فصل واحد بس. رياضة : مشي سريع 20 دقيقة يومياً في الشارع أو البيت، هيساعد جسمك ويقلل التوتر (ورجعي لجسمك اللي عايزاه تدريجياً). قرآن وأذكار : اقرئي صفحة قرآن يومياً + وردك القديم، حتى لو 5 دقايق. للعادة دي تحديداً : غيري البيئة : لو لوحدك في الغرفة، اخرجي أو شغلي قرآن بصوت عالي. صيام نوافل : جربي صيام الاثنين والخميس، أو 3 أيام في الشهر، هيساعد في السيطرة. دعاء خاص : كل ما تحسي الإغراء، قولي: "أعوذ بالله من الشيطان الرجيم" وقومي اغسلي وجهك بماي بارد. هدف أول: يوم واحد بدونها، ثم يومين… هتحسي بالفخر. للبيت والعائلة : صبري، ادعي لهم في سجودك: "ربنا أصلح بيننا". عامليهم بلطف صغير يومياً، زي كوباية شاي، هيغير الجو تدريجياً. كل يوم قبل النوم، اكتبي 3 حاجات شكرتِ ربنا عليها (حتى لو مجموعك الكويس أو كليتك). ده هيبني رضاكِ الداخلي زي زمان. أنتِ مش هتموتِ كده، ربنا بيختبرك عشان يرفعك. كنتِ في أحلى أوقاتك، هترجعي وأحسن. لو عايزة دعم أكتر، ابحثي في فدني عن "التوبة من العادة" أو "كيف أملأ فراغي" هتلاقي إجابات كتيرة، أو شوفي الخبراء هنا: https://www.fedni.net/experts – في متخصصين في الإرشاد الإسلامي والنفسي. أنا معاكِ يا قمر، قوليلي بعد أسبوع إيه اللي عملتيه! 💕 ربنا يثبتك ويغفرلك.
تم النشر الخميس، ٢ أبريل ٢٠٢٦
نسأل الله العافية ـ قلت كثيرا انني علمت ان هناك دكتور اسمه عماد رشاد عثمان يفيد في هذا اذهب وتفقد لعلك تقع على كلام له كتب الله لك التوفيق فيه ولعلك تترك الفراغ وتشغل نفسك وهذا هو الحل الأزلي النهائي ولا اعتقد بوجود حل آخر حتى ما دللتك عليه مخلص كلامه ان تجعل لحياتك معنى.
تم النشر الخميس، ٢ أبريل ٢٠٢٦
اولا اعترفي انك مدمنه هاد ممكن يحل كتير مشاكل متل الندم لائنو الشي الي عم تعمليه ابتلاء وكل داء اله دواء اختنا اليوم صرلك مدمنه عليها فتره مستحييييل تقدري توقفيها وانتي مستمره حياتك طبيعي كائنو مافي شي بس بدك تقلعي لا غلط لازم تحطي عاده جديد بدالها متل رياضه بالبيت فراغك قومي ساعد امك بالبيت منو بتكسبي رضاها ومنو بتفضي وقتك وطاقتك النوم جدا مهم إذا نوم مخربط شهوتك تزيد واكلك يزيد انصحك في تطبيق تحدي تعافي في منتدى خاص بالبنات رح تشوفي بنات مدمنات متلك ورح تشوفي متعافيات ومتزوجات وتتعلمي منهم وتستفيدي
تم النشر الخميس، ٢ أبريل ٢٠٢٦
لعرض السؤال في فدني اضغط هنا