انا في تالته ثانوي لما نزلت الدروس في السنتر حسيت اني بتعب لان الدروس بعيده عني فجربت آخذ منصه وبعدها لقيت الشرح موجود يوتيوب فقلت خلاص هتابع نفسي وهحاول احل ومعايا الكتب بس اهم حاجه بالنسبالي التنظيم واني أحضر الشرح في وقته وانظم بقى واكون يعني ماشيه مع الناس عادي في المنهج
بس انا خايفه حاسه انه risk اني اكون باخد شرح على اليوتيوب فلما قلقت نزلت سنتر تاني حسيت بنفس الخنقه اللي بحسها في السنتر نزلت حوالي خمس محاضرات مثلا او حاجه اخذتهم في السنتر بس حسيت ان انا متضايقه ومش حابه موضوع السنتر ده خالص لاني اصلا اولى وثانيه ثانوي كنت باخد دروسي في البيت يعني اون لاين بردو يوتيوب
يعني انا عارفه ان السنتر مش هينفع معايا والافضل بالنسبه لي اني اكون في البيت وبحضر وبنظم مع نفسي بس بما انها ثالثه ثانوي حاسه ان الموضوع فيه خوف لكن في ثانيه كنت مطمنه جدا مكنتش بنزل ولا درس غير تقريبا درس واحد بس وكنت باخد كل الدروس يوتيوب عادي ومفيش اي مشكله واللي خلاني اتجه لليوتيوب بدل المنصه اني ما لقيتش متابعه مستمره وكمان نفس الشرح يعني وفي ناس كتير بيحلوا نفس الكتب على اليوتيوب
انا عاوزه حد يكون جرب نفس تجربتي اللي انا فيها حاليا وينصحني
يا حبيبتي، أول حاجة أشكرك إنك شاركتيني تجربتك دي، وأنا فاهمة تمامًا الخوف ده في الثالثة ثانوي – الضغط كبير والمنهج زي الجبل! بس خليني أقولك إنك مش لوحدك، كتير بنات زيك نجحوا بالدراسة أونلاين في البيت، خاصة إنك نجحتِ في ثانية بدون مشاكل. السنتر مش لازم للكل، واللي يناسبك هو اللي يريحك نفسيًا زي يوتيوب مع الكتب. نصائح عملية عشان تنظمي وتتابعي مع المنهج: اعملي جدول يومي ثابت : حددي وقت الدرس الرسمي (مثلًا ٨ صباحًا لمادة معينة)، واحضري الشرح على يوتيوب في نفس الوقت بالضبط. استخدمي تطبيق زي Google Calendar أو Notion عشان يذكرك، وخلي الجدول مرئي على مكتبك. قسمي اليوم : ٤٠ دقيقة شرح + ٢٠ دقيقة حل تمارين من الكتاب. كل يوم راجعي اللي فات شوية (٥ دقايق بس)، عشان متتأخريش. تابعي تقدمك : استخدمي دفتر صغير أو Excel، سجلي كل درس خلصتيه "✅"، ولو فات يوم، عوضيه في اليوم اللي بعده فورًا. هتشوفي نفسك ماشية مع الناس! خلي بيتك "سنترك" : اجلسي في مكان ثابت، بدون موبايل تاني، وابدئي بـ"بسم الله" ودعاء التوفيق. قولي "اللهم يسر ولا تعسر" قبل كل جلسة – ده هيخفف الخوف ده. أنتِ عارفة نفسك أحسن، واللي جربتيه قبل كده نجح، فثقي في ربك وفي قدراتك. لو حسيتِ محتاجة دعم إضافي، دوري في Fedni على أسئلة مشابهة عن "تنظيم دروس ثالثة ثانوي أونلاين" هتلاقي تجارب بنات زيك. أنتِ قدها، يا قمر! ابدئي النهاردة وهتحسي بالفرق. لو عايزة تفاصيل أكتر، قوليلي 💕
تم النشر الأربعاء، ٢٤ ديسمبر ٢٠٢٥
أنا كمان فى تالتة لكن ازهر أنا باخد كيميا وأحياء منصة ، والحمد لله يعنى نراكم كذا محاضرة بس بحاول المهم ، اللى اكتشفت بقا انى مش لازم ابدا اكون ماشى مع صحابى اللى فى السنتر حتى كذا حد مجرب اونلاين قالى كدة قالى متحطش مقارنة بينك وبين صحابك إلى فى السنتر علشان هتحس انك غلط وتقول يا ريتنى ما اخدت اونلاين وكدة ،ففعلا سمعت النصيحة وماشى بمستوى أنا راضى عن نفسى بيه اى نعم مش احسن حاجه بس بحاول ، هبعتلك جدول أنا من اول ما بدأت استخدمو فرق معايا جدا ، كمان ليه فديو احمد ابو زيد شارحو فيه صراحة لازم لو وقت مش متظبط ودا الأغلب خصوصا الأيامدى فلازم تسمعى الفديو دا كمان هتلاقى الجدول فى وصف الفديو لو الصورة مش واضحة وربنا يوفقنا وكل واحد يدخل الكلية اللى نفسو فيها ، ادعيلنا بقا 🙂🤎🍂
تم النشر الأحد، ٢٨ ديسمبر ٢٠٢٥
السلام عليكم ، انا نفس سنك ، هو المراكمة مش هتسلمي منها إلى حد ما ، بس الخوف مش هنا الخوف إن الشرح ميكونش كامل ، لإن مدرسين المنصات في العادة بيميزوا طلابهم عن طلاب اليوتيوب ، سواء بقا في كويزات و المحاضرات متتفتحش غير لما تحلي صح ف ده يخليكي مُلزمة تحلي امتحانات ، أو حتى لو مفيش متابعه زياده بس على الأقل متاح ليكي إنك تسألي حد لو في سؤال واقف قدامك و مش فاهماه او جزئية معينه واقفه معاكي ، أعرف مدرسين بيعملو لايفات مع طلاب لو في جزء مش فاهمينه معين يشرحوه في اللايف و بيبقا متاح لطلاب المنصة بس ، كل دي مميزات مهم إنك تاخديها لذلك نصيحتي إنك تتجهي للمنصة حتى لو راكمتي على الأقل هتلاقي الي يلحقك لو وقعتي ، من تشجيع ، او جداول الأسستنت بيعملوها للطلاب ، هتفيدك إن شاء الله ،و بالتوفيق
تم النشر الخميس، ٢٥ ديسمبر ٢٠٢٥
لو بتقدري تسيطري علي نفسك وتعرفي تذاكري وتراجعي ومش محتاج حد يكون متابعك يبقا كملي عادي اونلاين ومتنزيليش سناتر وممكن تشتركي مع المدرسين في الورش كمراجعه وبحيث تنظمي امورك علي المراجعات اللي هوا قبل المراجعه تكوني خلصتي الباب وتراجعي بس مع المستر وتحضري الشرح يوتيوب واصلا بيبقا أحلى لانو بيبقا من السناتر ف تحسي كده انك متفاعله اكتر وكده يعني وبس ربنا يوفقك وتحققي حلمك
تم النشر الأحد، ٢٨ ديسمبر ٢٠٢٥
آمين يا حبيبتي وربنا يوفقك وتحققي اللي نفسك فيه 💗
تم النشر الجمعة، ٢٦ ديسمبر ٢٠٢٥
ربنا يطمن قلبك زي ما طمنتيني 💌
تم النشر الخميس، ٢٥ ديسمبر ٢٠٢٥
لا ابدا مش مخاطرة بالعكس توفير وقت ومجهود وفلوس والموضوع مريح جدا بس محتاج منك انضباط عشان متراكميش لكن كشرح هتلاقي مدرسين كتير جدا محترمين شارحين المنهج كامل ومراجعين وحالين كل الكتب
تم النشر الخميس، ٢٥ ديسمبر ٢٠٢٥
اللهم بارك ، أيوه ما أنا لما بيكون في مراجعة كذا فصل وحل زي ورشه كده يعني على المنصه بشترك فيها ، بس اللي مخليني قلقانه إن الموضوع مخاطره من وجهة نظر ناس كتير
تم النشر الخميس، ٢٥ ديسمبر ٢٠٢٥
أنا كنت باخد اونلاين في تالتة ودخلت طب بس كنت بشترك منصات اوقات واوقات يوتيوب يعني معتمدتش على اليوتيوب بس لكن اليوتيوب كان هو اللي له فضل اكبر
تم النشر الخميس، ٢٥ ديسمبر ٢٠٢٥
لعرض السؤال في فدني اضغط هنا