بصي هو أنا عامة مش مؤمنة بوجود صداقة بين ولد وبنت، يعني حتى لو فيه احترام كبير بينكم وتقدير المفروض فيه حدود.. حاولي بجد نصيحة تخلي فيه حدود مع الجنس الآخر عشان مصلحتك أنتِ.. وحتى بعيدا عن كون الشخص ده بنت أو ولد، مينفعش تعلقي نفسك بحد لدرجة إنك تتأثري نفسيًا أول ما تحسي بتغيره وتفضلي تلفي حوالين نفسك أو تتحايلي عليهم عشان يصارحوكِ وتفضلي تعتذري لهم، خاصة لو هم من نوع الأشخاص اللي مش بتصارح وبتاخد جنب من غير ما تواجه الشخص لو فيه حاجة زعلتهم منه أو بتستخدم الصمت العقابي. خلي نفسك أولوية وحطي حدود عشان غيرك يقدرك ويخاف على زعلك. يعني زي ما بيُقال (أحب حبيبك هونًا ما) خليكِ متوازنة في مشاعرك مع الناس، عادي يكونوا عزيزين عليكِ بس ده ميبقاش على مصلحة نفسيتك.
سيبك منه هو عايز يلفك حوالينا نفسك ف خلاص انتي عملتي الي عليكي
تم النشر الخميس، ٢٨ أغسطس ٢٠٢٥
ماهو انا عملت كدا انا حاولت افهم ف اي مش عايز يتكلم او يديني فرصه وبيتجاهلني براحتك بقا
تم النشر الأحد، ٢٤ أغسطس ٢٠٢٥
تمام، وأنا فاهمة نقطة إنك مش بتحبي تزعلي حد منك لأن أنا كده برضه لكن فيه فرق إنك متحبيش تزعلي حد وإنك تلاقي الطرف اللي قصادك بيستغل النقطة دي عمدا أو يكون بيتصرف بطريقته هو ومش مهم لو الطريقة دي بتتعبك نفسيًا.. يعني المفروض هتسألي مرة، مرتين بالكتير (أنا عملت حاجة تزعلك؟ خليك صريح معي لو فيه حاجة مزعلاك) لو الشخص صمم على أسلوب (القمص) زي ما بيقولوا فخلاص براحتهم... نفسيتك أهم. مش قصدي الشخص ده بالذات بس نصيحة في العموم عشان متلاقيش نفسك بتتعبي من لومك لنفسك والحيرة والأسئلة اللي مش بتتوقف.
تم النشر الأحد، ٢٤ أغسطس ٢٠٢٥
عندنا في شركتنا لاننا بقالنا كتير مع بعض فبنتصرف ع اساس عيله وانا ف العادي مش بحب ازعل حد مني وبضايق انه مزعله حد حتي لو بدون قصد
تم النشر السبت، ٢٣ أغسطس ٢٠٢٥
هي مش صداقه بالمعني الحرفي يعني احنا اصدقاء عمل صدقتنا بتنتهي قي العمل يعني مش بكلمه فون او واتس غير لو فيه حاجه ضروري وتساهل وانا عارفه انه مافيش صداقه بين ولد وبنت بس علشان بقالنا سوا في نفس المكان اكتر من خمس سنين وانا بعتبره زي اخويا الكبير وباخد نصايح منه هو كمان بيعتبرني اخته لا اكتر وله اقل وحاجة كمان انا نفسيتة وحشه مش بسببه انا مخنوقة من الشغل ومن حاجات تاتية بره عنه
تم النشر السبت، ٢٣ أغسطس ٢٠٢٥
لعرض الإجابة في فدني اضغط هنا