حبيت حد سوشيال ساعدنى ودعمنى وانقذنى من حاجات وحشة كتير اوى، وهو كمان قالى أنه بيحبنى، بس هو قايلى من قبل ما يبقى فيه مشاعر أنه مش ناوى يتجوز وخصوصا لو حد من الصعيد أو مسافتى البعيدة،
بس كل فترة مشاعرى بتتضاعف مش قادرة ابعد ولو ساعة عنه مش عارفه اتخيل حياتى من غيره حتى لو ضايقنى بحط اعذار واقول اكيد انا عملت حاجة صايقته مش عارفة ايه التعلق المرضى ده،
قولتله من شوية احنا ايه قالى لاڤرز يعنى احباب قولتله ماذا بعد؟ اضايق عشان أنا برخم واضغط عليه وهو مستحيل يتجوز من الصعيد وكمان مش ناوى على جواز عموما ولا مسؤوليته وقالى صلى وادعى لو فينا خير لبعض أو لو حابة نبعد بالتدريج هيعمل كده، بس انا موافقتش عشان مش هعرف اعدى يومى من غيره،
قالى دماغك مسوحاكى وهتخسرنا بعض خايفة اوى تايهة حاسة انى غلطانة وهو قايلى موقفه من الاول، خايفة اوى بجد يمشى وبعيط، حاسة انى ضعيفة والمفروض مكنش كدة او انا كل شوية بقوله هتمشى ولا لا طب ممكن نسيبنى فى يوم! وهو بيفضل يطمنى كتير بس الحوار فى دماغى جدااا،
طب ماذا بعد؟! هل لو بقى فيه حاجة رسمية مع حد غيره هعرف أنساه وانسى كل الميموريز اللى بينا؟ ده اول حب في حياتى، بس انا عارفة أنه بيحبنى وغالية عليه ومستحمل حاحات كتير مستفزة منى، طب انا كدة شخص كويس ولا وحش عشان دخلت نفسي فى حوارات،
انا حاليا خايفة ومضايقة بس محتاجة اتكلم معاه اوى المشكلة أنه نام زعلان منى كمان، بس لما قولتله خايفة فضل يطمنى عشان اعرف انام زيه، جماعة قرار البعد صعب أوى عليا خايفة انتكس تانى اصل أنه اكتر من نص حياتى أو حب حياتى هيختفى، ممكن محدش يجى يقولى حرااام وده عقاب ربنا وكدة عشان عارفة والله،
انا بقيت اخاف اقوله كلام حلو زى ما بيقولى، مش عارفه انام ولا افكر ولا اعمل حاجة بجد، حاسة انى عايزة اصحيه اقوله افضل معايا لغاية ما انام وعمره ما يتأخر عنى والله
مرحباً بك يا عزيزتي، شكراً على ثقتك ومشاركتك لمشاعرك بكل صدق وجرأة. الموضوع اللي بتعيشيه فعلاً صعب ومؤلم، خصوصاً لما تكون مشاعر الحب كبيرة لكن في نفس الوقت قدامك واقع مش واضح، وموقف الطرف الآخر متردد أو مختلف عن توقعاتك. خليني أساعدك نفكر في الموضوع خطوة خطوة: 1. تقبلي مشاعرك، هي جزء طبيعي منك مشاعر الحب قوية وتأثيرها عميق، وأنت كبنت حساسة وجميلة طبيعي تحسي بالخوف والقلق لما تعلق قلبك بحد. 2. الفهم الحقيقي للوضع يمكن يكون بيحبك، لكن موقفه من الزواج والمسؤولية مختلف ومحدد من زمان. انت شايفة إنك محتاجة تلاقي درجة أكبر من التزام وأمان عاطفي، وهو مش مستعد يديكي ده. 3. تعاملي مع الواقع بصدق ورحمة لنفسك من الطبيعي إنك تحسي بالخوف من الفقد، لكن من المهم تسألي نفسك: هل هتكوني سعيدة لو بقيتِ معاه وهو مش مستعد يديكي الأمان اللي تحلمي به؟ 4. قولي لنفسك إنك تستاهلي الأفضل الحب مش بس كلمات، لكنه أفعال والتزام. لا تخافي من فكرة الابتعاد تدريجياً لو هو رفض دخول مرحلة جديدة معاك، لأن ده ممكن يكون فتح الباب لشفاء داخلي أكبر. 5. خطوات عملية تساعدك خدي خطوة بسيطة، مثلاً: حاولي تخصصي وقت لنفسك بعيد عن التواصل المفرط، حتى لو ساعتين في اليوم. اكتبي عن مشاعرك، ده هيساعدك تفكري بوضوح. شاركي مشاعرك مع أحد مختص (يمكن أن تجدي في قسم الاستشارات في فدني خبير نفسي أو مدرب حياة). 6. ثقي أن الله معك الصلاة والدعاء فعلًا فيه طمأنينة وعون، كوني صادقة مع نفسك ومع ربنا. اطلبى من الله يكرمك بالهداية والصبر والقوة لتجاوز المرحلة دي. أنا معاك خطوة بخطوة، ومستعدة أساعدك في أي حاجة تحتاجيها، ولو حابة تنقلي مشاعرك لخبير نفسي أو مدرب حياة في فدني يمكنك زيارة صفحة الخبراء هنا: https://www.fedni.net/experts وأكيد أنصحك تبحثي في فدني عن أسئلة مشابهة لأنك مش لوحدك، وهناك قصص وتجارب ممكن تساعدك تحسي بالدعم. ما تخليش مشاعرك تخليكي تنسي قيمتك وجمالك الداخلي، وكل المشاعر دي جزء من رحلتك في الحياة. خدي الأمور خطوة خطوة، وأهم شيء تحافظي على احترامك لنفسك. أنا دايماً هنا جنبك، ذكية تحب تسمع منك أكتر لو حبيتي تحكي أكتر أو تسألي عن أي حاجة. ❤️
تم النشر الثلاثاء، ٨ يوليو ٢٠٢٥
السلام عليكم، أنتِ قلتِها بنفسك، ماذا بعد؟ أولا، مفيش حاجة اسمها احنا لافرز... لو انتِ مسلمة فالحب ملوش غير طريق واحد حلال هو الزواج، فالعلاقة دي انتِ عارفة كويس إنها حرام. والأخ مش ناوي أصلا على زواج وقايل لك كده صراحة. منتظرة إيه منه؟ بتعملي إيه معه أصلا لحد الآن؟ إيه آخر علاقة اللافرز دي؟ هتكونوا في علاقة أفلاطونية للأبد يعني؟ مش هتيجي لحظة ضعف خالص؟ مش هيحصل تجاوزات لا قدر الله؟ شرعًا أصلا مينفعش حتى تسمعي منه كلام حلو ولا كلام حب ولا حتى تقولي له. ** ثم إن اللي انتِ فيه مش حب ده تعلق مرضي وإدمان محتاجة تتعافي منه. أنتِ متعلقة به عشان بتقولي وقف جنبك وأنقذك فمش قادرة تتخلي عن الصورة اللي في دماغك ولا القشاية اللي كانت نجدتك وقت غرقك. فكري في نفسك يا حبيبتي، انقذيها من اللي انتِ فيه ده. وصدقيني أنتِ معيشة نفسك في وهم إنه حبك الأول هو حبك الأخير ولو ارتبطتِ بشخص تاني مش هتقدري تحبيه ولا تنسي التاني وده وهم كبير جدًا. عادي جدًا تنسي وتحبي تاني ويبقى هو مجرد ذكرى باهتة قديمة. ** اقطعي العلاقة دي قبل ما هو يقطعها لأنه صدقيني هتيجي لحظة ويقطعها من نفسه ومش هيهمه مشاعرك. الرجل أصلا مش بيحب البنت المتعلقة به واللي لاصقة له طول الوقت وعاملاه محور كونها وناسية نفسها فمش بعيد في لحظة يقول لك أنا زهقت من ده ويبعد. فخدي أنتِ القرار وتحملي الألم اللي هتعيشيه دلوقتي أحسن ما تتألمي أضعاف لو هو اللي قرر يكسر قلبك ويبعد. إن شاء الله الخبراء النفسيين ينصحوكِ إزاي تكسري التعلق ده وتتعافي فانتظري إجاباتهم. ربنا معك.
تم النشر الثلاثاء، ٨ يوليو ٢٠٢٥
وحتي لو حب يعني ولنفترض أنه حب ؟ ها وبعدين مشاعرك موجوده ايوه طب وهو مش عارفه طب ليه مشاعرك موجوده عشان اتعودتي ع وجودو وأنه شيء أساسي في يومك وانك بتحميله كل حاجه وأنه انقذك كتير بس هو لي بيعمل كده مقالش كل اللي قاله أنه مش هيتزوج من الصعيد وانتي استنتجتي أنه مش مسؤول يعني انتي مكمله معاه برغم أنه بيأذيكي بس يا حبيبي هتاخدي وقت في التعافي ايوه هتاخدي وقت في الانهيار ايوه بس هتهرجي من بعدها شخصيه تانيه وتفكير تاني وعقليه تانيه ركزي ع حياتك ودراستك والهي نفسك بيهم والخطوه بقرار منك بس
تم النشر الثلاثاء، ٨ يوليو ٢٠٢٥
يا حبيبه قلبي التعلق متعب ايوه وعلاجه مرهق وصعب بس بيعدي فكره الحب دي لما تحبي بجد بتبقي بائعه العالم بمعني انك حتي لو مع شخص بياذي مشاعرك وبياذيكي فالمهم هو موجود ومعايا بس يا قلبي انتي لو فضلتي معاه هتخسري نفسك هو ممكن يكون بيدعمك كصديقه أو ..... بس مش ضامنه العلاقه تكمل ولا لا انا مش عايزه اجرح قلبك ونفسي اقولك الكلام اللي نفسك تسمعيه بس ابعد وصلي وادعي ربك بانك تركيه لأجله ولو خير ليكي هيجي لو من سابع ارض لأن ربنا قدره ليكي ويا اما ربنا هيراضي قلبك واجبي شخص حقيقي هينسيكي حياتك اللي فاتت وده مش اي حاجه غير حقيقه انتي في فتره متعلقه بيه بس وشويه وهتنسيه لما تبعدي وتقاومي نفسك ومشاعرك وفعلا فعلا لو خير هيجي مش خير هيجي شخص يملي حياتك كلها وينوركو ويوعدك وعود حقيقيه ويدخل البيت من بابه ويتمناكي في الحلال وانتي كمان تبقي راضيه بده كله لانك بس رضيتي بقضاء ربنا خدي وقتك في التعافي وعيطي وازعلي واندمي وكل حاجه بس قومي من تاني وفوقي كده لحياتك
تم النشر الثلاثاء، ٨ يوليو ٢٠٢٥
بس هو قالى أنه بيحبنى وغالية عليه وميعرفش يعيش من غيرى أو يبعد بس جيس واات! مفيش جواز أو لو فيه بس ده يخوف برضو، هو قالى لو عايزة نتعامل ك اخوات من غير مشاعر وكدة لغاية ما تتعودى على البعد بالتدريج عادى، الفكرة أنه حتى لما انا بقفل شوية هو دايما بيسأل بيقلق عليا بيعمل كل حاجة متحسسنيش انى لوحدى، بيظبط منبه يصحيه بالليل عشان يحكى معايا عشان وحشته، مرة كلمته وهو فى الشغل قولت خايفة فضل معايا لغاية ما انام
تم النشر الثلاثاء، ٨ يوليو ٢٠٢٥
بس مش ممكن يكون ده حب؟ انا مش هقدر ابعد الفترة دى مش هقدر اكمل لوحدى محتاجاه معايا ده انا من امبارح حرفيا مش عارفه اعمل حاجة فى حياتى ومعدتى بتوجعنى جداا مش عارفه انام أو اذاكر وده مضايقني اوى حاسة انى ضعيفة اوى، وهو سألنى قال. دماغك مسوحاكى ولا بقيتى تمام قولت تمام بس انا مش تمام
تم النشر الثلاثاء، ٨ يوليو ٢٠٢٥
بصي اولا هو مضحكش عليكي وقالك انه مش بتاع جواز ورغم كده كملتي انتي اتعلقتي بيه وعشان تعالجي التعلق ده لازم تعلقي قلبك بحاجه تانيه الصلاه مثلا او قرايه القران او اي حاجه تلهي قلبك وعقلك عنه شويه شويه هتحسي انه عادي
تم النشر الثلاثاء، ٨ يوليو ٢٠٢٥
لعرض السؤال في فدني اضغط هنا