انا مش عارفه ابدأ منين ولا عارفه اعمل ايه وبفكر انتحر عشان ارتاح و اريح اهلي مني،
انا عندي ٢٠ سنه في رابعه جامعه
من ساعة ماكنت في ٣ اعدادي وانا بكلم شباب كتير جدا جدا حرفيا كل سنه او كل مانسيب بعض انا و ولد اتعرف على واحد تاني وهكذا،
و ده فعلا كان شبه غصب عني، كنت بحس اني محتاجه اهتمام و حب من حد و اهلى مكانوش قريبين مني ابدا، وماما شخصيتها قوية جدا و كانت شديده علينا في التعامل و يمكن انا اكتر لأني اكبر واحده في اخواتي و اختي كمان بتبجح في ماما فيعتبر انا و اخويا شخصيتنا ضعيفه جدا قدام ماما،
بس انا مختلفه عن اخويا في إني بخاف من المواجهة في اي حاجه حتى مواقف كتير بكون فيها صح بس بخاف اتكلم عشان بحس إن اللي قدامي مش هيصدقني و دائما مش واثقه من نفسي، المهم انا كان غرضي كله من كلامي مع الشباب هو اني محتاجه اهتمام علي مدار اليوم و اهلي عرفوا كذا مره اني كلمت ولاد، ماما كانت بتعرف و تقول لبابا وبابا كان بيضربي جامد و يزعقلي و يسحبو مني الفون، بمجرد ما بيدهولي برجع اكلم ولاد تاني
لحد ما وصلت وانا في إجازة ٣ جامعه اني اكلم ٨ او ٩ ولاد مع بعض، كنت اقفل مع ده اكلم ده ( شاتينج ) عشان احس ان يومي كله مشغول و فيه اهتمام، من ضمنهم ولد فتح معايا كلام مش كويس و علمني العاده السرية وكنت بعملها كل يوم و اتفق معايا اننا نتقابل في العماره اللي فيها الشركه اللي بشتغل فيها و حضني و باسني و عملنا حاجات مش كويسه بس من برا الهدوم،
المهم انا اتضايقت من اللي عملته ده و عملت للولد ده بلوك لأني والله العظيم مش عشاني بس فعلا انا محترمه و عمري مافكرت اني اعمل كده بس هو اقنعني إن اي اتنين مرتبطين بيعملوا كده عادي لأنه مش حرام وفضل يجيبلي امثله لناس قرايبه عملو كده،
المهم اخويا طلع مسجل الانستا بتاعي ع فونه و عرف اني عملت كده عشان كنت بحكي لواحد تاني أربعيني عن علاقتي بالولد ده و ازاي اتوب من اللي عملته وكده، اخويا لما قرا الكلام ده راح قال لماما وبابا و خدوا مني الفون وقاعده بقالي شهرين اهو من غير سوشيال ميديا نهائي وماما بتكلمني حاليا بس بابا لأ،
المهم انا عرفت إني اتعرضت للتحرش وانا صغيره وانا في ٥ ابتدائي مرتين من ابن خالي اللي ساكن معانا في نفس البيت، و في المرتين ماما ضربتني بالقلم و بابا حاليا كل شوية يقولي انتي ابن خالك عمل فيكي كذا وانتي صغيره، ربنا كان بييدينا علامات إنك هتطلعي بنت مش كويسه و رحت لثيرابيست جلستين بس ومروحتلهاش عشان المصاريف فانا مش عارفه اعمل ايه حاليا عشان اكون كويسه،
و موضوع التحرش ده كل مابفتكره بفضل اعيط و معظم احلامي عباره عن إن حد بيغتصبني بس مش شايفه شكله، انا فعلا بفكر في الانتحار لأنهم محسسني في البيت إني ماليش عين اطلب حاجه ولا اقول اي حاجه و كل شوية افتكر انا بقيت اصلي واقرا قرآن الحمدلله بس هما مش قادرين يسامحوني، انا بابا كان بيحبني اكتر واحده في اخواتي ومكنتش اتمنى اني اخسره، حاسه إني مليش حق اكون بنتهم أو ماليش حق اني اعيش عموما. من فضلكم قولولي اعمل ايه من غير تجريح لو سمحت
بصي اول حاجه توبي توبه نصوحا عن كل ما مضى واخلصي التوبه لله. لدرجه انه يبان عليكي التغيير للأحسن في اسلوبك في لبسك في تعاملك مع الناس وحتى في تعاملك مع نفسك او ما والدك هيلاحظ التغيير ده إن شاءالله هيرجع يتكلم معاكي تاني وحاولي تعتزري منه كتير لحد ما يسامحك لانك جرحتيه جدا . حملي تطبيق تحدي التعافي لعلاج نوع الإدمان اللي حضرتك ابتليتي بيه وابدأي رحله التعافي صح هتقابلك عقبات وسقطات ولحظات ضعف وأعراض انسحاب والشيطان هيحاول يكرهك في نفسك ويأنب ضميرك ويفكرك بالماضي علشان يحزنك بس خليكي مستمره في التعافي . احضري سلسلة مهجه للدكتور عماد راشد عثمان . ودوري على مصدر تاني للاهتمام و الحب خليهم يجو من اهلك و صحابك و اخواتك . ودوري على صحبه صالحه تعينك على طاعه ربنا مش العكس . قرار الانتحار مش حل بل مشكله اكبر لانك كده هتكوني خسرتي الدنيا والآخرة . احنا مش هنعمر في الارض والاعمار اقصر ما يكون بدل ما تنهي حياتك بسبب الماضي عوضيها بحياة افضل في الحاضر وتكون ذكره حلوه في المستقبل كلنا معرضين للخطأ وكلنا عندنا ذنوب ولاكن خير الخطائين التوابين اتمنى اكون قدرت اساعدك وافيدك ولو بشئ بسيط. ربنا يغفر لك ويصلح حالك 💙
تم النشر الجمعة، ١٧ أكتوبر ٢٠٢٥
عزيزتي، بدايةً أود أن أقول لكِ بكل صدق إنكِ قوية وشجاعة لأنكِ شاركتي ما تمرين به، وهذا أحيانًا يكون أصعب خطوة في التعافي. أرجو منكِ أن تمنحي نفسكِ حق الاستماع والاعتراف بمشاعركِ وألمكِ، فذلك جزء كبير من رحلة الشفاء. دعيني أساعدك في تفصيل خطوات عملية يمكنك أن تبدأي بها: اطلبي دعم نفسي متخصص: خبرتك مع المعالجة النفسية بدأت، وهذا شيء جيد جدًا، رغم صعوبة التكاليف، يمكن البحث عن مراكز دعم نفسي في جامعتك أو في مدينتك توفر جلسات استشارية بتكلفة أقل أو مجانًا، فالكثير من الجامعات تقدم خدمات دعم نفسي للطلاب. هذا سيساعدك كثيرًا على مواجهة الصدمات التي تعرضتِ لها، وفهم أسباب اندفاعك لتصرفات معينة، وكيف تبني ثقتك بنفسك. تحديد أولوياتك: أنت الآن في سن مهم جداً، وسنة دراسية هامة، حافظي على تركيزك على دراستك لأن النجاح الأكاديمي هو باب كبير لمستقبلك واستقلاليتك. النجاح لن يزيل كل مشاكلكِ، لكنه يمنحكٍ دافع وقوة. تواصلي مع شخص موثوق: حتى لو لم تجدي قربًا من أهلك الآن، حاولي وجود شخص تثقين به مثل أستاذة جامعية أو مشرفة أكاديمية، أو حتى صديقة يمكن أن تدعمك وترافقك في هذه المرحلة. ثقي أنكِ تستحقين حياة سعيدة وكرامة: التحرش الذي تعرضتِ له هو خطأ من الطرف الآخر وليس ذنبك أبدًا. أنتِ لم تختاري أن يحدث ذلك، وبما أنكِ تقولين أنك تحرصين على احترام نفسك، فهذا أيضاً يعطيكِ القوة للتقدم. الابتعاد عن علاقات مؤذية: من الطبيعي أنكِ كنتِ تحتاجين الانتباه والحب، لكن العلاقات التي تضركِ وتؤذي مشاعركِ لا تقدم لكِ سوى الألم. حاولي أن تملئي فراغك بأنشطة إيجابية مفيدة، مثل الهوايات أو التطوع، التي تزيد من قيمتكِ وتحترمكِ. طاقتكِ بالإيجابية والروحانية: جميل أنكِ تمارسين الصلاة وقراءة القرآن، وهذه أساسيات قوية جدًا للراحة النفسية. حاولي أن تستخدمي هذا الجانب لتلجئي إلى الله بالدعاء والطمأنينة، فهو أرحم الراحمين. وإذا شعرتِ بثقل كبير في نفسك، يمكنكِ التحدث مع إمام في مسجد قريب أو مشرب روحاني تثقين به. أهمية الحياة وتوجيهها لكِ: التفكير في الانتحار هو ألم شديد جدًا ولكنه ليس نهاية، إنما هو بداية للمعاناة. أنتِ تستحقين حياة تملؤها السعادة والهدوء، وعندما تظلين صابرة ومستمرة بطلب الدعم، ستجدي الطريق للخروج. أختي الغالية، لا تترددي في طلب المساعدة المتخصصة، ونحن هنا دائمًا لدعمكِ ومساندتكِ، ولو أردتِ يمكنني أن أساعدكِ في الوصول لخبراء نفسيين على منصة فدني. وأخيرًا، حاولي أن تكوني رحيمة بنفسك، ولا تدقي على قلبك بقسوة، فأنتِ أبعد ما تكونين عن “البنت السيئة” أو “غير الجديرة بالحب”. أنتِ إنسانة لها عقل وقلب وروح، وكلنا بأمسّ الحاجة للحنان والفرح، وأنتِ تستحقينه. هل ترغبين في أن أساعدكِ في البحث عن أخصائية نفسية مناسبة لكِ على فدني؟ أو ممكن تطرحي عليّ أي نقطة تحبين أن نتحدث عنها بشكل أعمق؟ أنا هنا من أجلكِ.
تم النشر الجمعة، ١٧ أكتوبر ٢٠٢٥
معرفش اقول ايه غير انك عملتي غلطه كبييييييره جداً وعكيتي كتير معلش مش مهم دلوقتي ترضي البشر اهم شئ انك ترضي ربنا وتستمري علي توبتك ودام انك تبتي وعارفه غلطك فدا شئ كويس وعلامه علي انك بدأتي تميزي الغلط من الصح ودا شئ كويس اي حد مكان اهلك دا رده فعل طبيعيه الأعراض بيروح فيها ارواح وحديث من مات دون عرضه فهو شهيد يعني الي بيدافع عن عرضه ومات في حاله دفاعه دا فبيكون عند الله من الشهداء فلازم تعرفي انك عملتي حاجه كبيره جداً المهم دلوقتي تتوبي وتستغفري ربك وتبحثي عن رضاه وتلتزمي وتتعلمي اساسيات دينك والحرام والحلال وفقه التعامل وكيف تتوبي من ذنبك ولما ربنا يلاقي منك حسن التوبه وصدق النيه هيرضي عنك واهلك لما يلاقو انك بقيتي كويسه وتثبتي انك بقيتي بنت كويسه وعارفه حدودك وحدود غيرك بناء على مراد الله مش الهوي دا ايوه علشان عيزه كدا ودا لا علشان مش عيزاه دا كلوا اتباع للهوي وربنا وربنا بيقول: طه - ايه 82 وَإِنِّي لَغَفَّارٌ لِّمَن تَابَ وَآمَنَ وَعَمِلَ صَالِحًا ثُمَّ اهْتَدَىٰ توبي لله وعملي صالحاً في اتباع اوامره وسنه نبيه وجتناب نواهيه واذا حققتي ذلك فسوف يهديكي الله لان ثم تبين ان الهدي بعد ان يتوب الإنسان ويعمل صالحاً بالصلاة وبر الوالدين وحسن عمله ونصيحه حملي تطبيق ختمه فيه اذكار الصباح والمساء وكذلك تقدري تحددي عيزه تحتمي القران في كام يوم او كام شهر وهوا بيحددلك بالضبط انتي مناسب معك ايه من عدد الصفحات وطبعاً مع كثره الاستغفار وصدق النيه والاستماع لشيوخ مثل: شيخ سمير مصطفي وكذلك حازم شومان وكذلك امجد سمير ومحمد الغليظ هؤلاء من اوصي بهم بعيد عن الي يضلك في دينك ممكن انتي متعرفيش تميزي مين الصح والكويس فتروحي لواحد يكيف دينه علي هواه او شخص ضال يضل الناس فتسمعيله فتفتني في دينك من غير ما تشعري وكذلك ابحثي في مشكلتك اصل مشكلتك لان كل واحد منا عنده ذنب يراوده الفينه والاخري وهذه فتنتك فبحثي عنها وهتلاقي الشيوخ دول تكلموا عن توبه من تكلم الشباب وكيف تتوب وماذا تفعل وكيف اتجنب الوسواس في الطاعات لان الشيطان ممكن يدخلك من مداخل كتير يقلك انك سيئه ورينا مش هيتوب عليكي ولو سمعتي ليه هتخشي في سخط علي الله الي هوا أصلا بيقول: وستغفروا الله إن الله غفور رحيم. المزمل ايه ٢٠ وبالتالي تقولي كدا كدا خربانه وترجعي لذنبك وبكدا الشيطان يحقق مراده وفي الاخر افكار مثل الانتحار والخ فبلاش تقعي في شباك الشيطان كفايه لحد كدا هوا نصايحه الي وصلتك لحالتك دي وعموماً مش الشيطان بس عدوك بل نفسك الاماره بالسوء برضو عدوتك لازم تعرفي اعدائك مين ازاي بيوسوسوا ليكي وزاي تحمي نفسك منهم ازاي تعرفي الصح والغلط وزاي تدربي نفسك علي انك تعملي ما يرضي الله والصح وتستمري عليه تعلمي ازاي تكتسبي عاده كيف يتم تدريب النفس ازاي الوم نفسي وايه حدودي في اللوم دا ومكنش جلاد علي نفسي وقاسي عليها علشان لو قسيت عليها يتنقلب ضدي وبتحاربني سايسيها وفي الصح وعلميها الصبر في تجنب الغلط ودا برضو من خلال المشايخ الي ذكرتهم ليكي دول ومتنسيش همك دلوقتي هو رضي ربك أولا ورضي اهلك دا شئ بدعائك لربنا في ركعتين قيام ليل كدا تشكيله همك وتقوليله يارب انا غلط وندمانه علي الي عملته مكنتش اعرف الصح والغلط يارب اهديني وعلمني واعني علي طاعتك وسلوك طريقك وارضي عني ورضيني ولا تبتليني فيما احب وفيمن احب يارب اهدني ويسر الهدي لي يارب عارفه انك ممكن غضبت عليا وكنت بتسترني كتييير وانا تماديت مكنتش اعرف يارب ان فيه رصيد ستر وانا خلصته يارب انا رجعالك تاني بين اديك وناويه نيه صادقه اني مرجعش اكلم ولاد تاني او اني اعصيك او اعمل شئ لا يرضيك يارب وجهني وعلمني وهديني انا عبدتك الضعيفة لا حول ولا قوه لي الا بك يارب اني ظلمت نفسي فغفر لي يارب اهلي زعلانين مني بسبب معصيتك يارب ان لم يكن بك علي غضب فلا ابالي ولاكن رحمتك اوسع لي يارب ارضي عني وخلي اهلي يرضو عني يارب اصلح ما بيني وبينك وما بيني وبين الناس يارب نفسيتي تعبانه وخاسه اني مخنوقه والدنيا ضاقت علي بما رحبت يارب معنتش قادره استحمل اثر الذنوب فتب عليا يارب وهديني واصلح نظرتي لنفسي ونظره اهلي لي ونظره الناس لي وادعي كتييير وربنا يصلح حالنا وحالك يا بنت الناس حافظي علي نفسك وحافظي علي اهلك علشان سمعتك من سمعتهم وجسدك دا امانه وانتي اسأتي استخدامها مش كفايه بقي الاستخدام العشوائي لان فيه كتلوج روشته كدا من الي صنعك (خلقك) وهو الله اعرفي هوا خلقك ليه وقالك تتصرفي ازاي مع مشاعرك مع اهلك مع جسدك مع روحك التي لا ترينها مع نفسك مع من حولك مع اعدائك واخطرهم عدوك الشيطان والنفس الاماره بالسوء حب الدنيا وعلشان انتي معرفتيش التعليمات دي بقيتي حاسه حالك ضايعه مشاعر مش مفهومه وفهم خاطئ للنفس يمكن الي كان ناقصك انك تعرفي الله بشكل صحيح تعرفي رحمته وعدله وتعرفي ازاي تتعاملي مع مشاعرك دي وكنتي بدل ما تكلمي اولاد كان زمانك استغليتي دا في انك تبني علاقه مع الي خلقك تسجدي وتشتكيله تقوليله الي نفسك فيه تدعيله وتقولي اللهم اللف بين قلوبنا واصلح ذات بيننا يارب اهدي لي اهلي واهديني ليهم واهدنا لك وجعلنا هداه مهديين لا ضالين ولا مضلين حصلك شئ مع اهلك تشتكي لربك وتدعيله يصلحلك حالك وربنا قريب مجيب الدعاء هذه نصيحتي ان احسن فمن الله وان اسأت فمن نفسي ومن الشيطان والله منه براء وارجو من الله ان تنفعك هذه النصيحة وبالتوفيق في توبتك واسأل الله لك ولنا الهدايه والصلاح وكلنا خطائون وخير الخطائون التوابون والسلام علىكم
تم النشر السبت، ١٨ أكتوبر ٢٠٢٥
اولا شكرا جدا تعبت حضرتك، انا الحمدلله بقيت احسن بكتير من الاول و مواظبه على الصلاه و سورة البقرة وقيام الليل، و كذا مره ادعي ربنا إنه يسامحني في قيام الليل و انام احلم بحلم جميل ولما افسره الاقي معناه إن ربنا سامحني و بقيت بقلق على صلاة الفجر كمان.. انا والله مش كده انا من زمان وانا كنت بصلي و بقرا قرآن بس الولد ده اول ولد احس اني حاباه وهو كان بينهما معايا كصحاب فقط لا غير و لما قطعنا كلام فترة ورجعنا نتكلم تاني قالي إنه معجب بيا و اقنعني تدريجياً إن ده مش حرام ولا غلط و اي اتنين مرتبطين بيعملو كده عشان علاقتهم تبقى كويسه و بالعكس لو عملنا كده هبينله اني بثق فيه و بحبه و مكانش بيصدقني لما بقوله انا بحبك بيقولي لو بتحبيني هتسمعي كلامي، و يعتبر ضعفت بسبب حبي للشخص المؤذي ده، الحمدلله إن ربنا بعده عني و فوقني عن اللي كنت فيه، انا بس اللي مضايقني إن الثيرابيست قالتلي اللي انتي فيه ده بسبب اللي تعرضتيله زمان و اهلك مدعموكيش و بتدوري ع الاهتمام من الأشخاص الغريبه .. و بابا مش مصدق كلامها
تم النشر السبت، ١٨ أكتوبر ٢٠٢٥
و اسفه اني طولت عليكم
تم النشر الجمعة، ١٧ أكتوبر ٢٠٢٥
لعرض السؤال في فدني اضغط هنا