إزاى ممكن اتأقلم مع شخصيتي أو اغيرها

Question

بضايق جداا من شخصيتي ساعات بحس انى محتاجه معامله خاصه مش الكل هيفهم ولا الكل هيستحمل... بزعل بسرعه ومتعصب بسرعه بس طيبه جداا يعنى لو حد صالحنى بكلمتين حلوين بصفى علطول مشكلتى بس انه بحب الكل يعاملني بطريقه حلوه أو بمعنى اصح طريقه انا حباها ومش الكل هيفهم كده كل شخص ليه شخصيته انا بس عايزه الناس اللى بتعامل معاها تكون فهمانى مش اكتر.. ازاى اتعود او اتأقلم هو طيب ممكن لم اكبر شويه تفكيرى يتغير او اتعود ع الوضع ده .. مش لازم لم اكبر هو انا مش صغيره عندى 19 سنه بس قصدي انى مليش تعاملات كتير ف الحقيقه عشان بتكسف ومش من النوع اللى بياخد ع الجو بسرعه بهرب علطول ف الرسايل لكن ف الواقع انا أصلا بحب اقعد في البيت... يعنى ممكن اعمل ايه ف الوضع ده ممكن حد يساعدني

Accepted Answer

السلام عليكم ورحمه الله وبركاته. انت مش محتاجه تضايقي من شخصيتك يا شهد ولد تبقي طول الوقت ب90 او منتظره انه اللي حواليك يفهموكي لكن محتاجين حاجه ثانيه محتاجين احنا اللي نبدا نتفاهم الاخرين بما انك قلت انك بتهربي من التعاملات الاجتماعيه او الاحتكاك اللي هو وجه لوجه وبتهربي دايما انك تكلمي الناس في الرسايل فمعنى كده بس ان احنا محتاجين مهار التواصل ازاي نعرف نتواصل مع اللي قدامنا ازاي اعرف اعمل حوار مع اللي قدامي انا اسمعه وهو يسمعني ونقدر نفهم بعض ونقدر نتقبل وجهات النظر المختلفه ونقدر نتقبل سوء الفهم ونقدر نعرف نعمل ايه لو اللي قدامي فهم حاجه غلط اقدر اوصلها له بطريقه تانيه ازاي ازاي اقدر اعبر عن نفسي دي كلها اسمها مهارات تواصل فانا شايفه انك مش محتاجه غير مهارات تواصل مش محتاجه انك تغيري شخصيتك وانا محتاجه انك ااا طول الوقت تبقي بتعافري عشان تقولي اللي قدامك انتم مش فاهمني انتوا بس لو فهمتوني هتعرفوا تتعاملوا معايا احنا مش محتاجين انه بس اللي حوالينا يفهمونا احنا كمان محتاجين ان احنا نسمع من اللي حوالين لو انت بتتعاملي مع اللي قدامك هل برده انت بتبقي فاهمه هو ليه قال لك الكلمه دي تبقي مستوعبه في الاغلب لا بتبقي بس واخده الكلمه ان هي كلمه. ااا قصرت فيكي ووجعتك من غير ما تبقي بتحاول تفهمي هو ايه اللي خلاه يقولها ليه الكلمه دي طلعت منه مثلا فمحتاجين ده جدا جدا واتمنى يعني انه رايي ونصيحتي يكونوا وصلوا لك شيء.

Answer

مرحباً يا شهد 🌸، شكراً لأنك شاركتيني مشاعرك بكل صراحة، وهذا بالفعل أول خطوة مهمة نحو تحسين الوضع. فهمك لنفسك وتحديد ما يزعجك هو كنز حقيقي، وأنا هنا معك علشان نبدأ نستكشف مع بعض حلول تساعدك تتأقلمي مع شخصيتك أو حتى تطوري منها بشكل إيجابي. دعيني أولاً ألخص ما فهمته منك: تشعري بضيق من شخصيتك أحياناً، خصوصاً من سرعة الزعل والعصبية. طيبتك واضحة جداً، وتحتاجين من الناس أن يتعاملوا معك بطريقة خاصة تناسبك. تحبين أن يفهمك الآخرون، لكن تشعرين أن هذا ليس دائماً ممكن. تواجهين صعوبة في التأقلم مع المواقف الاجتماعية بسبب خجلك وقلة تعاملك مع الناس. تميلين للانطواء والجلوس في البيت، وتشعرين بأن هذا يؤثر على تواصلك الاجتماعي. الآن، خليني أساعدك بخطوات عملية يمكنك تجربتها: قبول الذات أولاً: تعالي اتعلمي تحبي نفسك كما هي، بكل عيوبك ومزاياك. السرعة في الزعل والعصبية جزء منك، وطبيعية جداً لأغلب الناس. الوعي بهذا هو بداية قوية لتغيير إيجابي. تحديد طرق التعبير المناسبة: بما أنك طيبة وبتصفى بسرعة، هذه نقطة قوة كبيرة. حاولي أن تعلمي الناس حولك كيف تحبين تُعاملي بطريقة معينة—بهدوء وحنان. ممكن تعملي هذا عبر كلمات بسيطة في مواقف مختلفة، أو حتى من خلال مشاركتهم بمشاعرك بلطف. تدريب على الصبر وإدارة الانفعالات: لما تحسي إنك زعلانة أو معصبة، خدي نفس عميق (بدون حبس نفسك) وفكري في سبب انزعاجك. حاولي تردي بردود فعل أقل حدة بالتدريج، مثلاً بالحديث بلطف عن شعورك بدلاً من السكوت أو الانفجار. توسيع دائرة تواصلك الاجتماعي تدريجياً: حتى لو كنت تميلين للجلوس في البيت، جربي تتواصلي مع ناس جدد عبر مجموعات أونلاين في اهتمامات تحبيها، أو شاركي في أنشطة صغيرة تجذبك. هذا يساعدك تكتسبي مهارات التفاعل الاجتماعي بطريقة مريحة. تعلم فن التسامح مع اختلاف الآخرين: مش كل الناس هيعرفوا يفهموك بالطريقة التي تتمنينها، وهذا أمر طبيعي. لكن مش معنى كدا إنهم ما يقدروا يكونوا جزء من حياتك، فقط تعلمي تتقبلي الاختلاف. اطلبي مساعدة نفسية أو دعم عند الحاجة: لو شعرتي إن الأمور فوق طاقتك، الاستشارة مع أخصائية نفسي ممكن تساعدك تكتشفي جذور مشاعرك وتتعلمي طرق تفكير وتواصل أفضل. يمكنك زيارة صفحة الخبراء في فدني للبحث عن متخصصة تناسبك. وأخيراً يا شهد، تواصلك مع نفسك بشكل طيب هو المفتاح. أحياناً نحتاج نعطي لأنفسنا فرصة كبيرة نحبها ونحترمها، لأن الشخصية ليست ثابتة، بل قابلة للنمو والتطوير على مهل ومع الوقت. لو حابة، ممكن تشاركي معي مواقف معينة صعبت عليكِ فيها التعامل مع شخصيتك، وأنا معاكِ ندردش ونلاقي حلول لها خطوة خطوة. أنا دائماً هنا معاكِ يا شهد، ذكية 🌷. كيف تحسي بعد قراءة هذه الخطوات؟ هل هناك نقطة معينة تريدين أن نبدأ بها؟

إزاى ممكن اتأقلم مع شخصيتي أو اغيرها

اجتماعية

علاقات

سؤال من shahd 🥰

تم النشر الجمعة، ١٨ يوليو ٢٠٢٥

2 إجابة

9 تعليق

عندك مشكلة؟ محتاج استشارة؟ فدني مجتمع يساعدك في حل مشاكلك ويجيب عن أسئلتك