فشلت في الثانويه العامه ودخلت حقوق ومن ساعتها حياتي ادمرت كلام من الكل ان انا كده ضعت ومستقبلي ضاع وان مفيش محامي عايش كويس ومفيش فرص شغل ليهم اصلا وان محدش هيرضي يتجوز محاميه يعني المفروض انا اتصرف علشان اصرف على نفسي ويكون عندي شقه أو مكان اعيش فيه
كل ده عامل عليا ضغط نفسي حاد وبفكر في الانتحار وخايفه علشان حرام بس وصلت لمرحله انهيار نفسي وجسدي وانا عارفه ان كلامهم صح بس اتصرف ازاي لو حد مر بتجربه صعبه زي كده
بصى هو اولا انت مش فاشلة وطريقة التفكير دى غلط ، اى شهادة بتحتاج مجهود علشان تشتغلى بيها ومفيش حاجة اسمها مفيش راجل بيوافق يتجوز محامية دا مش علشان هى وحشة لا علشان هى فاهمة قانون وعارفة حقوقها وواجباتها ودا بيخوف بعض الناس اللى بترتكب اخطاء يعاقبه عليها القانون زى مثلا انه يضربها وهو عارف ان القانون هيجبلها حقها ، وبالنسبة للشغل ففيه شغل كتير جدا مش بيطلب نوع الشهادة ولكن المهم يبقى معاكى مؤهل عالى وخدى كورس انجليزى وطورى نفسك فى الكمبيوتر وهتلاقى شغل كتير ان شاء الله ، بصى ياحبيبى انا واحدة حاربت الدنيا كلها علشان اعرف اكمل دراستى وادخل حقوق اللى مش عجباكى دى وبعد كل المهزلة اللى مريت بيها فى الاخر ماوصلتش بس مايأستش ولسة بسعى وبكمل علشان عندى هدف وطموح ، اشتغلى على نفسك وطول ماانت بتجتهدى وبتسعى ماتزعليش لان السعى عليكى والنتيجة دى بتاعة ربنا
تم النشر الأربعاء، ١٢ نوفمبر ٢٠٢٥
بصي يا سكر اولا كدا محتاجه تغيري نظرتك لنفسك بتقولي انك فشلتي مع ان دا مفيهوش ريحه الفشل ممكن تكوني مختاجه تبقي راضيه اكتر عن حياتك والرضا بيجي صعب ولازم تتدربي عليه وتتفكري كدا ان الحمد الله فيما اختاره الله وتتوكلي عليه كدا ده اولا ثانيا بقى كلام الناس مبيخلصش والاهل فعادي ولا يفرقلك وعايزه اقولك انك ممكن تاخدي كورسات كتير جدا وتطلعي السما حرفيا وتشتغلي عادي زي برمجه او لغات وهكذا وعادي لو على الفلوس فيه اون لاين كتير بس انتي بس محتاجه تغيري فكرتك ونظرتك عن الحياه وتقربي من ربناا وتبقي مرضيه اكتر بكميه النعم الي حواليكي وانتي مش حاسه بيها
تم النشر الأربعاء، ١٢ نوفمبر ٢٠٢٥
اولا كدا مفيش حاجه اسمها فشل حتي في الثانوية دي مرحلة بنمر بيها وربنا بيدينا الاحسن لينا غير ان دلوقتي مفيش حاجة اسمها كلية قمة النجاح اللي بجد ان تنجحي في اختبار ربنا ليكي وتتفوقي في الكلية دي انتي ممكن تبقي معيدة في الجامعة او حتي لما تتخرجي مين قال ان مفيش شغل علي فكرة ممكن تشتغلي في شركة خاصة او حتي في بنك شئون قانونية تو انك تشتغلي مع محامي ف الشغل انتي تقدري تدوري وهتلاقي ان شاء الله -اما بالنسبة للجواز انا عمري ماسمعت ان المحامية مش بتتجوز مين قال كدا بالعكس دا ملوش دعوة الناس بتشوف انك متعلمه ومعاكي شهادة خلاص عادي بعدين نصيبك هيجيلك لحد عندك -بلاش تشغلي بالك بكلام الناس بتقوله من دماغها وخلاص -والله انا اعرف محامية شاطرة ومشهورة وتخيلي جوزها معاه دبلوم ومتجوزين ومعاهم 3 اولا دا النصيب لما ربنا يكون كاتب اتنين لبعض
تم النشر الخميس، ١٣ نوفمبر ٢٠٢٥
شوفي هل الانتحار وانك تعصي ربنا وتموتين كافره عشان كليه دي حاجه تستاهل ، للأسف احنا اتركينا في مجتمع عقيم فكريا وان كليات الطب يمفيش حبيبتي الخير اولا فيما اختاره الله ولو مركزتيش الي تصويرك لنفسك في مجالك وتبقي محاميه بتدافع بحق ذات سمعه كويسه احسن من دكتره كتير مرتشيين ثانيا حاولي متسمعيش لحد سلبي ابدأ ولو محبتي مجالك وحسيتي بنقص من جزء في حياتك متسنيش من حد دعم طلاما انتي نفسك مش دعمه نفسك ثالثا مفيش شغل لكل الوظائف المجتهد واللي بيسعي هة الي ربنا بيرزقه بإذن الله
تم النشر الاثنين، ١٠ نوفمبر ٢٠٢٥
يا حبيبتي، أولًا أريد أن أقول لك إنّي آسفة جدًا لأنكِ تمرين بهذه الحُمّى النفسية والضغط. كلام الناس الجارح مؤلم جدًا، لكن هذا لا يحدد قيمتك أو مستقبلك. أنا ذكية ومعاكِ ودعيني أساعدك خطوة بخطوة — بهدوء وواقعية وإيمان. هل أنتِ آمنة الآن؟ هل فكرتِ بالانتحار في هذه اللحظات أو عندك خطة/وسائل؟ إذا كانت الإجابة نعم أو شعرتِ بالخطر الفوري: اذهبي فورًا إلى أقرب مستشفى أو اتصلي بخدمات الطوارئ أو خطّ الإنقاذ النفسي في بلدك. إذا تريدي أوجهك للخطوط الساخنة أو المساعدة الطبية الآن أخبريني بلدك أقدملِك الجهات. (الانتحار محرّم في الإسلام، ولازم تحافظي على حياتك، وطلب النجدة واجب). خطوات عملية للتعامل الآن وعلى المدى القريب 1. تأمين النفس فورًا - إذا الخطر حاضر: اتصلي بالطوارئ أو اذهبي للمستشفى فورًا. - إذا ليس هناك خطر فوري: حدّدي شخص مهني تتصلين به (طبيب نفسي/أخصائية نفسية) وحجّزي ميعادًا اليومين القادمين. 2. التعامل مع الضيق النفسي اليومي - اعملي قائمة صغيرة جدًا لليوم (مثلاً: غسل وجه، مشروب، تناول طعام خفيف، إجراء اتصال واحد ضروري). إنجاز صغير يخفف الإحساس بالعجز. - راجعي طبيبًا عامًّا إذا التعب الجسدي شديد—أحيانًا الاكتئاب يأثر جسديًا ويحتاج علاج أو دواء مؤقت. 3. تنظيم الخطة العملية للمستقبل (خطوات قابلة للتنفيذ) - أعيدي تقييم خياراتك المهنية: شهادة الحقوق تفتح مجالات متعددة مش بس المحاماة: العمل في الشركات (قانون الشركات، الامتثال compliance)، الموارد البشرية، الوساطة والتحكيم، العمل ككاتبة محتوى قانوني، مساعدة قانونية/باراليغال، العمل في المنظمات الحكومية أو الدولية، الترجمة القانونية، والتدريس أو دورات تدريبية. - حدّدي مهارات تحتاجين تطويرها (لغة إنجليزية، مهارات حاسوب، كتابة قانونية، دورات قصيرة في إدارة أعمال أو امتثال) وخليها خطة تعلم لمدة 3-6 أشهر. - فكّري في عمل جزئي أو عن بعد لتأمين دخل عاجل (كتابة، إدخال بيانات، تدريس خاص، خدمات إدارية). 4. الخطة المالية البسيطة - حضري ميزانية صغيرة: ما هي أولويات الإنفاق؟ هل ممكن مشاركة سكن مؤقتًا أو العمل بنظام ساعات لتخفيض المصروف؟ - ابحثي عن منح أو دورات مجانية أو مدعومة مرتبطة بالقانون أو المهارات الرقمية. 5. التعامل مع كلام الناس والضغط الاجتماعي - تذكّري: آراء الآخرين ليست حكمًا نهائيًا. افصلي بين نقد بنّاء وكلام محبط؛ تجاهلي مصادر السلبية إن أمكن. - ركّزي على ما يمكنك التحكم فيه: أفعالك وخطواتك الصغيرة. 6. الدعم المهني الروحي والنفسي - استمري في الدعاء والصبر؛ الإسلام يشجع على طلب العون: الصبر والدعاء والعمل. الحياة اختبار، والله أرحم وأعلم. - لو رغبتِ بمشورة نفسية أو توجيه مهني متخصص، يمكنكِ البحث عن خبراء ومستشارين على صفحة الخبراء في فدني: https://www.fedni.net/experts - أنصحك بحجز جلسة مع أخصائية نفسية وطبيبة نفسية/طبيب نفسي إذا ظهرت أعراض اكتئاب شديدة أو أفكار انتحارية. كلمات أريدك أن تحتفظي بها - الفشل في مرحلة ما لا يعني فشلكِ كشخص. كثير من الناس الناجحين مرّوا بمنعطفات أو إخفاقات ثم أعادوا البناء. - أنتِ لستِ وحدك، ولا خطأ في طلب المساعدة المهنية. اتخاذ خطوة صغيرة الآن يُحدِث فرقًا كبيرًا بعد فترة قصيرة. إن أردتِ، أستطيع الآن: - أساعدكِ بصياغة خطة مهنية مبسطة (3 خطوات أولية). أنا معكِ خطوة بخطوة، وما فيش عيب إن الواحد يطلب مساعدة.ميمتك الحياة قد تتبدّل بمجرد قرار صغير اليوم.
تم النشر الاثنين، ١٠ نوفمبر ٢٠٢٥
وممكن تتعلمي لغة ولا حاجة وخاصة انك بنت يعني تتجوزي وممكن ماتحتجيش تشتغلي اصلا
تم النشر الاثنين، ١٠ نوفمبر ٢٠٢٥
الرزق بيد الله
تم النشر الاثنين، ١٠ نوفمبر ٢٠٢٥
أولا الرزق بيد الله والله حطك في أفضل مكان يناسب شخصيتك ... فعلا ممكن يكون الحقوق ملهاش فرص كثير ولكن برضو مش مستحيل وفي ناس بتجتهد وبتكون دكاترة في الجامعة ... فعلى العموم دي مجرد أفكار سلبية من الشيطان رماها على الناس عشان يضرك قال تعالى :"الشيطان يعدكم الفقر ويأمركم بالفحشاء والله يعدكم مغفرة منه وفضلا والله واسع عليم"
تم النشر الاثنين، ١٠ نوفمبر ٢٠٢٥
لعرض السؤال في فدني اضغط هنا