ا دايما عندى اكتئاب وتفكير زايد ودماغى دايما تايهه وبعيش تخيلات وبحب اتخيل اى لحظه حلوه او اخلق اى تخيل ف دماغى يخلينى مبسوطه
وبحاول اواظب ع الصلاه مش هنكر انى مش ملتزمه بس بحاول..... والحمدلله مبعملش حاجه غلط ولا بكلم شباب ولا حاجة وبعيده عن القيل والقال ومليش ف جو الكلام مع حد يعنى بالمختصر عايشه ف حالى
بس مش مرتاحه نفسياً مش عارفه ليه بجد ع طول مخنوقه وتعبانه وحاسه بضيق ومش عارفه نفسى ربنا يبعد عن الحاله دى او تحصل حاجه تفرحنى وتغير حياتى
ملحوظه انا اللى باعده نفسى عن الناس جربت الاختلاط ولقيته اوحش حاجه..
الحمدلله مكتفيه باهلى وعندى واحده صحبتى دول اقرب ناس ليا
بس مش عارفه اى الحاله اللى انا فيها ظى وعلى طول بحاول اخلق لنفسى لحظه حلوه او اتنسى عشان معيش ف الحاله دى واطلع منها بس برضو ملازمانى 💔
في حاجه كمان انا معترفه بيها انا السوشيال ميديا ليها دور ف حالتى كل ما بفتح اتعب نفسيا واتخنق اذاى ابعد عنها او اقلل منها.... واقلل فضولى ناحية اى حاجه ع السوشيال
بصي يا بنت الحلال السوشيال ميديا دي تتمسح من تليفونك أو تتقلل خالص لأنها بتعمل مقارنات وهمية وبتخنقك من غير ما تحسي والسرحان والتخيلات ده هروب وعقلك بيلجأ ليه عشان يبسطك بس للأسف بيقلب بنكد واكتئاب في الآخر أول ما تلاقي نفسك بدأتي تسرحي في عالم مش حقيقي قومي فوراً اتحركي واعملي أي حاجة في الشقة أو انزلي اتأكدي إنك بتسحبي رجلك للواقع والصلاة بلاش جلد ذات وبلاش فكرة يا إما التزام كامل بنسبة مية في المية يا بلاش خالص صلي الفرض بفرضه أول ما يذن وادعي دايما بالثبات وافتكري إن ربنا بيحب المحاولة وبيقبلها وحتت العزلة التامة دي أكبر حاجه بتكبر الاكتئاب والتفكير الزيادة مش لازم تندمجي مع المجتمع كله وتتعاملي مع ناس مش مريحين بس اخرجي أكتر مع صاحبتك القريبة دي وروحي وتعالي مع أهلك عشان تجددي الهوا في دماغك وتفصلي من الأفكار الخلاصة يا با بنت الناس حياتك مش هتتغير بـ زرار سحري ولا بمعجزة وإنتي قاعدة مكانك حياتك هتتغير لما تاخدي خطوة صغيرة انهارده زي إنك تقفلي الموبايل وتقومي تعملي حاجة حقيقية بإيدك وسط أهلك وربنا يشرح صدرك ويهدي بالك
تم النشر الأربعاء، ٢٧ مايو ٢٠٢٦
أنا آسفة إنك بتمري بهذه الحالة، وأقدر شعورك بالضيق والتخيلات كوسيلة للهروب. ده شائع في فترات الاكتئاب والتفكير الزائد، ومحاولتك الالتزام بالصلاة خطوة إيجابية رغم الصعوبة. للتخطي: حددي أوقات ثابتة للسوشيال ميديا (مثل ساعة يوميًا) ثم أغلقي التطبيقات، وركزي على محتوى مفيد أو قرآني بدلًا من الفضول. مارسي أنشطة بسيطة منتجة مثل قراءة كتاب أو مساعدة أهلك لتشغلي عقلك بطريقة إيجابية. حاولي الاستمرار في الصلاة بزيادة تدريجية، وادعي الله بتفريج الهم. هذه الحالة تحتاج دعمًا متخصصًا، فأنصحك بزيارة صفحة الخبراء على فدني (https://www.fedni.net/experts) لاستشارة معالج نفسي. وابحثي عن أسئلة مشابهة على فدني لمزيد من الإجابات. أنتِ قادرة على التغيير خطوة بخطوة، وأنا هنا للدعم.
تم النشر الأربعاء، ٢٧ مايو ٢٠٢٦
لعرض السؤال في فدني اضغط هنا