انا دايما كنت في خلاف مع عيلتي على موضوع الشغل انهم مش راضيين ينزلوني اشتغل
لحد ما اتخانقنا خناقات كبيره لانهم نظام تكسير مقاديف المهم صممت ونزلت اشتغل بمرتب بسيط اوي
انبارح كان اول قبض ليا ماما جايه تسألني قبضتي كم قولتلها وكانت فرحانه اوي
بعدها بشويه بتقولي هاتي بيهم حاجات لجهازك
قولتلها هو انا اللي هاجهز نفسي
قالتلي واى يعني
المهم دلوقتي يا جماعه انا كده كده مش هاجيب في جهازي حاجه لانهم اصلا بيبنو لاخويا شقته اللي هو اصلا لسا متخرجش واخويا مبيشتغلش
المهم يعني انااتعامل ازاي معاهم بعد معاملتهم دي
الموضوع بسيط حبيبتى هى ماما عاوزاكى تفرحى باللى عملتيه من شغلك . مش معناه ابدا ان هى بتقولك احنا شيلنا ايدينا خلاص ما تاخديش الموضوع من اتجاه وحش فتبدأى تطلعى ردود افعال وحشة لا قدر الله خليكى وسط ...ممكن كل شهر تجيبى لنفسك حاجة بسيطة ...لما تتزوجى ان شاء الله هتفرحى اوى بالحاجات االلى جيبتيها بفلوسك انتى اكتر .
تم النشر الأربعاء، ١٨ أكتوبر ٢٠٢٣
الموقف صدقيني بسيط .. هي قلقانه احسن تضيعي المرتب في حاجه لا تعود عليكي بفايدة .. واقترحت انه يكون لجهازك افضل .. والموضوع ملوش علاقة بانهم بيبنوا بيت ل اخوكي .. لان في ظل الظروف ديه اي شاب مش هيقدر انه يعمل كل حاجه في بداية حياته .. واكيد هما مش هيسبوكي يعني خالص تجيبي كل حاجه. انتي ممكن حتى تجيبي الملابس مثلا فقط. وحتى انتي من نفسك مثلا اعملي كده وجهزي نفسك بنفسك باللي تقدري عليه، علشان برضه تخففي من عليهم الموضوع شوية. لان هما برضه في دوامة كبيرة، ما بين الحياة نفسها والفلوس والتجهيزات.. الموضوع صعب جدا، في ظل الظروف اللي احنا فيها. ف مفهياش حاجه لما انتي تساهمي حتى بجزء بسيط .. من اللي هما عملوه طول حياتهم.
تم النشر الخميس، ١٩ أكتوبر ٢٠٢٣
ساعة الاب والام لما الابن أو البت تبدأ تشغيل وتمسك فلوس.بيخاف علي ابنه أو بنته من الفلوس طبعا انا عارف ان كلامي غريب لكن هو دا فعلا إجابة سؤالك مامتك خايفه عليك انك متستغليش الفلوس الامعاك صح لكن تعالي نفترض انك بتقبضي ٣٠٠٠ج ش لا يعقل انك تقدري تجهزي نفسك ولكن هي حبة انك متصرفيش فلوسك في شئ يضرك أو حاجات موش. ليها لازمه انك تستفيدي بكل جنيه، وحاجة كويس انك تشتري ولو حاجات بسيطة للاجهازك دا حياتك بعد كده وبدأ اشتري الحاجات إلا نفسك فيه في البيت أو لنفسك من الملابس وربنا يوفقك ويفرحك 🌸
تم النشر الخميس، ١٩ أكتوبر ٢٠٢٣
يحبيبي هاتي الحاجات البسيطة الا تقدري عليها والحاجات الكبيرة وعايزة تجيبها روحي اتكلمي مع باباكي فيها وقوليلوا انك عايزة تجيبها بس قبضك مش هيكفي او بالمختصر كده روحي اقعدي مع باباكي دلوقتي وقولي انك هتجهزي نفسك بس الحاجات البسيطة الا هقدر اجيبها والباقي انتم هتجيبه اتكلمي بحنيه كده وبوسي ايد باباكي ومامتك وقوليلهم الله يديمك ليا وتجهزوني وتكونوا فرحنين بيا دايما ❤❤🥺
تم النشر الأربعاء، ١٨ أكتوبر ٢٠٢٣
ببساطه يقمر مامتك كان قصدها انك تجيبي الا تقدري عليه ونفسك فيه في جهازك ودي حاجه جميله جدا مش وحشه و حاولي متخديش الامور من جانب واحد علشان متندميش انك أسأتي الظن بأهلك❤
تم النشر الأربعاء، ١٨ أكتوبر ٢٠٢٣
انتي كلامك صح جدا وبعدين حاجه تانيه دايما لازم تصبري نفسك وجيبي وعملي لنفسك سعتها انتي هتكبري في نظرهم اكتر كمان
تم النشر الجمعة، ٢٠ أكتوبر ٢٠٢٣
حاولى تجيبى حاجات بالتقسيط منها هتريحيهم انك سمعتى كلامهم ومنها هتدفعى جزء من مرتبك وهيتبقى الجزء الاكبر ليكى ومنها هتفيدى نفسك متستهونيش بعدم جهازك لنفسك انا كنت شغاله وحصل معايا نفس موقفك وقولت لا انا هصرف ومش هاجيب حاجه وبعدها ندمت وقولت ياربت كنت جبت حاجات انا حباها بدل ما اصرف الفلوس فى الهوا حتى لو اهلك هما اللى هيجهزوا بردوا اللى انتى هتجيبيه هينفعك وكفايه انك هتكونى منقياه بنفسك وعلى زوقك
تم النشر الجمعة، ٢٠ أكتوبر ٢٠٢٣
اه فهمتك خلاص اقعدي انتي بقي مع اهلك وقوليلهم كده حاولي تتكلمي بلطف وحنية شويه لانهم كأهل بيحبوا الطريقه دي جداً وان شاءالله الامور تتظبط يقلبي
تم النشر الأربعاء، ١٨ أكتوبر ٢٠٢٣
بس انا محتاجه الفلوس في حاجات شخصية يومية او شهرية هم مش بيجيبوها كبنت يعني وكمان بعوض بعض الحرمان
تم النشر الأربعاء، ١٨ أكتوبر ٢٠٢٣
بس انا سألتها انا اللي هاجهز نفسي؟ قالتلي وفيها اى 🥺
تم النشر الأربعاء، ١٨ أكتوبر ٢٠٢٣
لعرض السؤال في فدني اضغط هنا